Onyeisiala Muhammadu Buhari ga-aga njem abalị anọ na mba Paris ịsonye n'ọgbakọ African Summit nke onyeisial;a mba France bụ Emmanuel Macron hibere.
Chioma Obianinwa and Chris Sanctus Okereke
Ndị uweojii atọ anwụọla dịka ndị ji egbe wakporo ụlọọrụ ha dị na Nsukwa dị n'okpuruọchịchị Anịọcha Saụt.
Bright Edafe bụ ọnụ na-ekwuru ndị uweojii na Delta steeti, gwara BBC na mwakpo a mere n'isi ụtụtụ Sọnde.
O kwuru na ndị uweojii a nwụrụ mgbe ndị omekome a mụnyere ụlọọrụ ndị uweojii ahụ ọkụ.
Edafe kwuru na ha amalitela inyocha ihe merenu, dịka ọ na-ekwu na ebe ahụ adaala jụụ.
Gere akụkọ BBC Igbo n'otu nkeji.
Onyeisiala Muhammadu Buhari apaliela njem gawa Paris dị na mba Frans, ebe ọ ga-esonye na nzukọ gbasara akụnaụba nke a kpọrọ 'African Finance Summit'.
Ha ga-akpa maka etu ọrịa Covid-19 si metụta akụnaụba mpaghara Afrịka nakwa ihe gbasara ịnata ego enyemaka.
Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.
End of X post
Ebe foto si, AFP
N’Afrịka, ndị agha nnupuisi na Ethiopia sị na ha atọọrọla mmadụ atọ ndị mba Chaịna na-egwu ọlatarachi na mpaghara Oromia.
Ndị agha nnupuisi a kpọrọ onwe ha Oromo Liberation Army sị na ha anabataghị ọrụ ngo ọbụla gọọmenti mba ahụ nyere.
Ebe foto si, Governor Wike's Twitter Page
Nyesom Wike bụ aka na-achị Rivers state ekwuola na o nweghị nlaghachị azụ na mkpebi ndị gọvanọ ndịda mere gbasara ịmachị nchịgharị ehi na mpaghara ahụ.
Cheta na ndị gọvanọ ndịda gbakọrọ n'ụbọchị Tuzde gara aga ma kwekọrịta mmachị a ha kwuru ga-ebelata nsogbu na-adapụtakarị n'etiti ndị ọrụ ugbo nakwa ndị na-achị ehi.
Mkpebi a na-anata ọkpọ n'etiti ụfọdụ ụmụ Naịjirịa.
Gọvanọ Kogi steeti bụ Yahaya Bello kwuru na ọ ga-adị mma ka-arụpụta ọdọ ebe a na-achị ehi nke ndị bekee kpọrọ cattle raching tupu amachie nchịgharị ehi kpam kpam.
Mana n'ọgbakọ otu Ogoni "Ethnic Nationality of Rivers State" hibere ụnyaahụ (Mee 15, 2021) n'okpuru ọchịchị Khana dị na Rivers steeti ka gọvanọ Wike kwuru na ọ nweghị ihe ga-eme ka e wepụ mmachị ahụ dịka ụlọọrụ Channels si depụta.
Ebe foto si, Press Association
Ụmụibe Leicester City amaburula iko FA site na iji otu ọkpụ goolu merie Chelsea na be ha.
Nke a bụ nke mbụ Leicester City na-ebute ya bụ iko kemgbe ụwa site na ya bụ goolu Youri Tielemans nyere na nkeji iri isii na atọ.
Ụmụafọ Naịjria abụọ, Kelechi Iheanchọ na Wilfred Ndidi sọ na ndị ritere uru ya bụ mmeri dịka ndị otu egwu bọolụ Leicester City.
Agbanyeghị na ha enweteghị ya, ya bụ Iko abụghịrị Chelsea ihe ọhụrụ dịka ka ha bugoro ya ihe karịri ugboro ise kemgbe ọ malitere.
Ha sikwara ya ime dịka ndị nke abụọ n'afọ 2020, mana Chi ha enyeghị ha ya.
Ebe foto si, Getty Images
Praịm Minista mba Isreal bụ Benjamin Netanyahu eforola ntutu taa na ya ga na-abọgwara ogbunigwe niile ndị Palistain tubatara n’Israel.
Agbanyeghị udo niile Onyeisiala Amerika na ndi UN na-ekpe ebe ahụ, ogbunigwe egbuola mmadu atọ ndị Palistian taa bụ Sọnde dịka ndị Isreal zokpuchara n’ọnụ mpio maka ogbunigwe ndị Palistian.
Onyeisiala Mohammadu Buhari ga-amapụ njem abalị anọ na mba France taa bụ Sọnde dịka ọnụ na-ekwuru ya bụ Garba Shehu dere ụnyaahụ.
Ndị isiala mba Afrịka ga-akpa maka ọdịmma akụnaụba ha kemgbe coronavirus nyụchara ụwa ịkpakwụ na ya bụ ọgbakọ ha na-aga.
Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.
End of X post
Ebe foto si, FRSC Anambra
Ụlọọrụ n-ahụ maka e jee a lọọ bụ Road Safety nke Anambra Steetị sị ihe mberede okporoụzọ mere n'Upper Iweaka ataala isi otu nwaanyị.
Nke a dị n'akwụkọ ozi ọnụ na-ekwuru ụlọọrụ a n'Anambra bụ Florence Edor wepụtara na Satọde.
Ọ sị na ihe kpatara nke bụ mgbe otu ụgbọala ukwu na-agba oke ọsọ enweghi ike ijide onwe ma gaa sọnye isi n'ihe e ji kewaa ụzọ ma gbuo otu nwaanyị ji ụkwụ aga.
Ebe foto si, FRSC Anambra
Ọ sị na ihe mberede a metụtara mmadụ abụọ, otu nwoke na otu nwaanyị mana nke nwaanyị nwụrụ mgbe e bu ya gaa n'ụlọọgwụ.
Onyeisi ụlọọrụ a n'Anambra Steetị bụ Adeoye Irelewuyi ezigaarala ezinaụlọ nwaanyị ozi iti aka n'obi.
Ọ rịọrọ ka ndị ji ụkwụ aga gbalịa na-eme nke a n'okporoụzọ gọọmentị rụrụ maka ndị ji ụkwụ.
Ebe foto si, Jamb/Facebook
Ụlọọrụ na-ahụ maka ule e ji abanye mahadum bụ JAMB agbatịkwuola ohere idebanye aha n’ule ahụ ruo izuụka abụọ.
A na-atụ anya na ule a ga-amalite n’ụbọchị iri na itoolu nke ọnwa Juun ruo ụbọchị atọ nke ọnwa Julaị.
A sị buru na a ga-ele ule a n'ụbọchị ise ruo ụbọchị itoolu nke ọnwa Juun.
Onyeisi ụlọọrụ a bụ Ishaq Oloyede nọọrọ n'ụbọchị Fraịde kwuola na e nwereike ịgbatị oge ule a na mkparịtaụka ha nwere.
Ọ sị na ọ bụ n'ihi ndị ruru puku narị isii edebanyebeghi aha na-agbanyeghi mmasị ha gosiri n'ule ahụ.
Ihe ruru mmadụ otu nde na otu puku narị edebanyela aha maka ule ahụ dịka ụlọọrụ JAMB si kwuo.
Oloyede kwuru n'ụbọchị Fraịde na "ọ dị mkpa inye ọbụla ohere."
Ụlọọrụ a sị ka onye ọbụla ga-ele ule a nwee akara njirimaara onye bụ NIN tupu o debanye aha n'ule ahụ.
Gere akụkọ BBC Igbo n'otu nkeji.
Ebe foto si, Nigerian Labour Congress
Otu jikọtara ndị ọrụ bekee bụ Nigeria Labour Congress (NLC) ngalaba Kaduna Steetị ekwuola na ha ga-agba abụbụ ọrụ ịdọ aka na ntị n'ime otu izuụka malite n'ụbọchị iri na asaa nke ọnwa Mee.
Ihe sị na nke a bụ maka ndị ọrụ bekee dị puku anọ gọvanọ Nasir El-Rufaị chụrụ n'ọrụ n'ụbọchị isii nke ọnwa Eprelụ.
Ha sị ka gọvanọ kpọghachị ndị a n'ọrụ ma kwụsị atụmatụ ọbụla o nwere ịchụ ndị ọrụ bekee ọzọ n'ọdịnihu.
Ebe foto si, NLC
Ngalaba ndị ọrụ bekee ga-eso n'abụbụọrụ a gụnyere;
Ndị na-ahụ maka nri na ụtaba, ndị na-ahụ maka ọkụ latrik, ndị na-ahụ maka nkuzi n'ụlọakwụkwọ, ndị ọrụ okpuruọchịchị obodo, ndị ọrụ mmanụ agbịdị na gaasị, ndị ọrụ mgbasaozi, ndị ọrụ ahụike, nọọsụ dgz.
Ebe foto si, @Nasir EL-Rufai
Gọvanọ Nasir El-Rufai sị na ihe mere o ji chụọ ndị a bụ maka ọnọdụ ọjọọ nke akụnaụba steetị nakwa nnukwu ego ọ na-emefu iji akwụ ndị ọrụ ụgwọ ọnwa bụ nke steetị na-agaghị ebulizi.
Ozi si n'aka ọnụ na-ekwuru ya bụ Muyiwa Adekeye pụta sị ọchịchị abụghị naanị maka ịkwụ ụgwọ ọnwa ndị ọrụ kama na ọ gụnyere imepe obodo, ikewapụta ọrụ, ichekwa obodo maka ndị chọrọ ịbịa hiwe ụlọọrụ.
Ebe foto si, Getty Images
Kelechi Iheanacho na Wilfred Ndidi ga-eso na-egwu mgbe Leicester City and Chelsea ga-akwata n'agba nke ikpeazụ n'asọmpi FA
Ya bụ egwuregwu ga-abụ n'elekere ise nke mgbede taa bụ Satọde n'ọgbọegwu Wembley.
Onye egwu ndị Chelsea bụ Mateo Kovacic ga-eso n'egwu dịka ọ gbakechegoro kemgbe o si ezumike mmeru ahụ izuụka ise bata.
A tụkwara anya na N'Golo Kante ga-eso bidoro Chelsea egwu agbanyeghị na ọ ka na-agbake.
A tụkwara anya na ochee goolu ndị Chelsea bụ Kepa Arrizabalaga ga-eso malite ebe Andreas Christensen nwereike ọ gaghị eso n'egwu.
Ndị agha ụgbọelụ mba Span azọpụtala otu nwaada onye Ivory Coast tọrọ n'oke osimri ebe ọ na-agba ọsọ ndụ n'aga Mauritania ya na mmadụ iri ise na itoolu (59) ndị ọzọ na-apụtaghị na ya bụ njem.
Aicha gbara afọ iri na asaa sị na mmanụ injin ha gwuru n'etiti oke osimiri bụ ebe agụụ mmiri na nrị nyụrụ ha ịkpakwụ tupu ụgbọelu ndị agha Spain abịa zọpụta ha ka ha nọgoro abalị iri abụo na abụọ ebe ahụ.
N’egwuregwu, goolu zoro ka mmiri ụnyaahụ n’asọmpi Premier League mgbe New Castle zutere Manchester City na ọgbọ egwuregwu St. James Park.
Mana Manchester City ji ọkpụ goolu anọ asatara atọ gosi ha nkarị
Ebe foto si, Getty Images
Ebe foto si, Reuters
N’ofesi, mba Amerịka atụọla ọkpa na Isreal ebe ha gara itinye ọnụ n’okwu ọgụ na-adara ha na Palistain.
Ana atụ anya na otu United nations ga-eso tinye ọnụ na ya bụ ikpe udo ịji mara ka mba abụọ ahụ ga-esi kwụsị ọgụ a ha malitere kemgbe abali ise.
Mmadụ dị otu narị, iri abụọ n'isi ndị Palistain anwụọla ebe naani mmmadụ asatọ nwụrụ na Isreal.
Ebe foto si, Getty Images
Gọọmentị Legọs steeti ekwuola na ha ga-ewepụta atụmatụ ọhụrụ ha ga-eji na-eso ndị na-agba ọkada na steeti ahụ.
Kọmishọna mgbasa ozi steetị ahụ bụ onye kwuru na mkpamkpa ndị ọkada ji ya akpa n’obodo abụghị obele ihe, ma sị na Tuzde na-abịa ka ha ga-ewepụta ụgbọala bọs ga-anọchị anya ya.
