Otu ndị dọkịta Naịjirịa akwụsịtụla abụbụ ọrụha malitere kamgbe ụbọchị iri

Mkpuchi Na Eme Ozugbo

1. 5 Eprel 2021Ndị bi mba England ga-anata nyocha maka covid 19 abuọ n'otu izu ụka

   

   Ebe foto si, Reuters

   Onye ọbụkla nọ na mba England ga-anata nyocha maka covid 19 ugboro abụọ n’izuụka bido n’ụbọchị Fraide bụ Eprelu 9,2021.

   Ha ga-anata nyocha a n’efu dịka gọọmenti mba ahụ wepụtara atụmaatụ maka ndọtị nyocha maka covid 19.

   Minista ahụike mba ahụ kwuru na nke a bụ maka igbochi mfesa ọrịa covid 19 n'ọdịnihu.

2. 5 Eprel 2021Anyị enweghị ego anyị na-enye ndị 'bandits' - Nasir El-Rufai

   

   Ebe foto si, Nasir El-Rufai twitter Page

   Gọvanọ Kaduna steeti bụ Kaduna State Governor, Nasir El-Rufai, na-ekwusi ike na gọọmenti enweghị ego ọbụla ha nwere ịkwụ ndị omekome akpọrọ ‘bandits’ na bekee dịka ha malitere ịwakpo steeti ya ọhụrụ a.

   O kwuru na mwakpo ọhụrụ a malitere mgbe gọọmenti kpebiri na ha na ndị omekome agaghị enwezi mkparịtaụka ọbụla maka ego.

3. 5 Eprel 2021Etu kọmịshọna Emeka Obinwanne a tọrọ n'ọdachị Isuofia si nwere onwe ya

   

   Ebe foto si, Governor Willie Obiano

   Gọvanọ Anambra steeti bụ Willie Obiano ekwuola na kọmịshọna ‘Public utilities’ bụ Emeka Ezenwanne atọrọ n’Isuofia mgbe ndị otu Chukwuma Soludo na-azọ ọkwa gọvanọ steeti ahụ na-eme ọgbakọ na nso nso a enwerela onwe ya.

   Obiano tiri ezinụlọ ndị uweojii atọ agbagburu n’ọdachị ahụ ma kwuo na onweghị ego ọbụla a kwụrụ iji gbapụta Emeka Ezenwanne.