Sergio Aguero ya koma Barcelona daga Manchester City
Asalin hoton, Getty Images
Dan wasan Argentina Sergio Aguero ya koma Barcelona da taka leda.
Ɗan wasan ya ƙulla yarjejeniyar shekara biyu da Barcelona kuma zai koma ƙungiyar ne idan ƙwangilarsa ta ƙare a Manchester City a ƙarshen watan Yuni.
Barcelona ta tabbatar da ɗauko ɗan wasan a shafinta na Twitter inda ta rubuta sunansa tare da wallafa hotonsa sanye da rigar ƙungiyar.
Wannan labari ne na dauke da bayanai da X suka bayar. Muna neman amincewarku kafin mu dora muka, saboda nuna iya dauke da wasu bayanai da aka iya adanawa. Watakila kana za ka so ka karanta X da tsarin bayanan da za a adana da da tsarin sirri kafin ka amince. Idan kana son ganin wannan bayani ka zabi ‘amince sannan ka ci gaba’.
Karshen labarin da aka sa a X
Ɗan wasan na Argentina, mai shekara 32, ya bar City ne bayan shafe shekara 10 a kulub ɗin na Manchester, inda ya zama ɗan wasan da ya fi kowa cin kwallaye a tarihi.
Sergio Aguero ya ci kwallaye 260 a wasa 390 da ya buga wa City.
Ya buga wa City wasan ƙarshe a fafatawar da ta sha kashi hannun Chelsea wasan ƙarshe na gasar zakarun Turai a ranar Asabar.
Yanzu duk ƙungiyar da ke son sayen Aguero sai ta ajiye wa Barcelona fam miliyan 86.
Ɗan wasan zai hadu da tsohon abokin wasansa Lionel Messi wanda suka fara taka leda tun kuriciya a Argetina
