Filip Stevanovic: Man City za ta dauki dan wasan Partizan Belgrade

Karanta rubutu kawai domin rage cin data
Filip Stevanovic

Asalin hoton, Getty Images

An wallafa

Dan kwallon tawagar Serbia, Filip Stevanovic zai koma taka leda a Manchester City a watan Janairu in ji kungiyarsa Partizan Belgrade.

Stevanoci, mai shekara 18 ya ci kwallo 12 a wasa 54 da ya yi wa Partizan, tun lokacin da ya fara taka mata leda a Disambar 2018.

A kakar 2019-20 dan kwallon ya taka rawar gani mai kyau da ta kai ya zura kwallo tara a raga ya kuma buga gasar Zakarun Turai ta Europa League.

Partizan ta ce sayar da dan wasan ''ga daya daga babbar kungiyar tamaula a Turai na nuna namijin kokari da aiki tukuru'' da kungiyar ta Serbia ta sa a gaba.

''FK Partizan na farincikin sanar da cinikin Filip Stevanovic zuwa Manchester City a watan Janairu.'' kamar yadda kungiyar ta bayyana.

Sai dai har yanzu Manchester City ba ta ce komai ba kan batun.