Plateau United ta dare teburin Firimiyar Najeriya

Kungiyar Plateau United ta hau kan teburin Firimiyar Najeriya, bayan da ta yi nasara a kan Rivers United a ranar Lahadi.

Plateau wadda ta karbi bakuncin Rivers ta ci kwallon ne ta hannun Ibrahim Mustapha minti uku da fara wasan mako na 18 da suka fafata.

Da wannan sakamakon Plateau wadda ta yi wasa 18 ta hada maki 32 kenan, ita kuwa Lobi Stars mai kwantan wasa rashin nasara ta yi da ci 1-0 a hannun Jigawa Golden Stars.

Hakan ne ya sa Jigawa ta bar 'yan kasan teburi ta koma ta 16 da maki 17 da kwantan wasa daya.

Shi kuwa karawa tsakanin Warri Wolves da Enyimba dana Enugu Rangers da Katsina United ba a yi shi ba.

Rangers da Enyimba na buga gasar kofin Zakarun Afirka na Confederation.

Sakamakon wasannin mako na 18

Za a buga wasannin mako na 19

Lahadi 9 ga watan Fabrairu 2020