Kana amfani da shafin BBC mai bayyana rubutu kawai (babu hoto) domin rage cin data. Idan ana so a ga hotuna da bidiyo sai a koma babban shafinmu.
Wannan shafi ne da zai ke kawo muku irin wainar da ake toyawa a fagen wasanni a fadin duniya a wannan lokacin.
Mohammed Abdu
Cristiano Ronaldo na daf da buga babbar gasar tamaula ta duniya ta 11 jimilla, bayan da aka bayyana shi cikin wadanda za su buga wa tawagar Euro 2024.
Mai shekara 39, mai taka leda a Al-Nassr ta Saudi Arabia, shi ne kan gaba a yawan buga wa kasar wasanni a tarihi, wanda ya ci ƙwallo 128 a wasa 206.
Ba a samu kuskure ba daga VAR a wasanin karshe a Premier League, kafin a kada kuri'a ko ya dace a soke fasahar ko a ci gaba da amfani da ita a kakar 2004/25.
Wasu jami'ai ne suka bibiyi wasannin da aka buga ranar Lahadi 19 ga watan Mayu, musammam hukuncin da VAR ta gudanar, inda ba a samu kuskure ba.
Sai dai sun ce an samu kuskure a yanke hukunci daga rafli karo shida, ciki har da na Tomas Soucek ya ci Manchester City da hannu, yayin da VAR ta ci an sa hannu a karawar da City ta ci 3-1.
Haka kuma jami'an sun ce ya dace da aka karbi kwallon da Gabriel Martinelli ya ci Everton a wasan da Gunners ta yi nasara 2-1, wadda tun farko aka ce ya saka hannu.
Ranar 6 ga wwatan Yuni za a kada kuri'ar ko ya dace a ci gaba da amfani da VAR ko kuma a soke ta.
Ana sa ran samu kungiyoyi 14 daga 20 su amince ko akasin hakan kafin a zartar hukunci.
Sai dai ƙungiyoyin Premier sun bukaci a dawo da fasahar kula da satar gida a 2024/25.
Kociyan Burnley, Vincent Kompany ya amince ya zama sabon wanda zai horar da Bayern Munich.
Ƙungiyar Jamus ta yi zawarcin Kompany, bayan da ta tuntuɓi kociyoyi da yawa, wadanda ba su amince su maye gurbin Thomas Tuchel ba.
Jama'a barkanmu da kasancewa a wannan sharin na sharhi da bayanan wainar da ake taunawa a wannan ranar ta Asabar.
Sunana Mohammed Abdu Mamman Skeeper TW zan gabatar muku da shirin.
Za ku iya bayar da gudunmuwarku kai tsaye a lokacin da muke gabatar da shirin.