Bayern Munich ta lashe Champions League

Rahoto kai-tsaye

Umar Mikail

1. 23 Agusta 2020Katin gargaɗi ga Bayern, PSG 0-0 Bayern Munich

   Sule ya yi wa Di Maria ƙeta a kusa dakurin tsakiyar fili kuma lafari ya ba shi katin gargaɗi.

   Kati na huɗu kenan a wannan wasa.

2. 23 Agusta 2020An yi Neymar ƙeta sau biyu a jere

   Fili ya ɗauki sowa bayan an sake kayar da Neymar cikin ƙasa da minti ɗaya, har ma an bai wa Gnabry katin gargaɗi sakamakon ƙetar da ya yi masa.

   'Yan wasan PSG sun harzuƙa, abin da ya jawo aka bai wa Paredes katin gargaɗi shi ma.

3. 23 Agusta 2020An dawo hutun rabin lokaci, PSG 0-0 Bayern Munich

   'Yan wasan benci na atasaye a gefen fili duk da cewa babu wata alamar gajiya a wannan wasa - kamar ana zuba musu wuta.

4. 23 Agusta 2020, PSG 0-0 Bayern Munich

   Wannan ƙwallon ta Mbappe, da ta shiga da an ci ƙwallo mai kyau sosai ganin yadda Di Maria ya shirya masa ita.

   Amma ba mamaki mu sake ganin ire-irenta.

   Kauce wa X

   Ya kamata a bar bayanan X?

   Wannan labari ne na dauke da bayanai da X suka bayar. Muna neman amincewarku kafin mu dora muka, saboda nuna iya dauke da wasu bayanai da aka iya adanawa. Watakila kana za ka so ka karanta X da tsarin bayanan da za a adana da da tsarin sirri kafin ka amince. Idan kana son ganin wannan bayani ka zabi ‘amince sannan ka ci gaba’.

   Accept and continue

   Gargadi: BBC ba za ta dauki alhakin bayanan da aka wallafa a shafukan da ba nata ne ba.

   Karshen labarin da aka sa a X

5. 23 Agusta 2020Bayern Munich, PSG 0-0 Bayern Munich

   

   Asalin hoton, Getty Images

   Wannan ne karon farko da aka tafi hutun rabin lokaci Bayern ba ta jefa ƙwallo a raga ba tun bayan dawowa ƙwallon ƙafa a watan Yuli.

   Turƙashi! Ko za su ci ɗin? To wa ya sani ne!

   Ƙwallon ce kawai ta rage ba a ci ba a wannan wasa amma komai ya zo.

6. 23 Agusta 2020An tafi hutun rabin lokaci, PSG 0-0 Bayern Munich

   Kowacce ƙungiya ta nuna ƙarewa matuƙa - da ma ba mu tsammaci ganin akasin haka ba.

   Amma kamr yadda ake iya gani a hoton jadawalin da ke ƙasa, Bayern ta fi riƙe ƙwallo duk da cewa an fi ta kai hari.

   

   Asalin hoton, BBC Sport

7. 23 Agusta 2020Mbappeeee

   Mbappe ya ɓarar da ƙwallo a cikin yadi na 18 - kai-tsaye ya buga ta hannun Neuer.

   Duk irin ƙoƙarin da Di Maria ya yi na ba shi ƙwallon amma bai iya neman lokon zare ya lafa ta ba - da ma kuma Neuer sai an yi da gaske kafin ya bar ta ta wuce.

8. 23 Agusta 2020, PSG 0-0 Bayern Munich

   Saura minti biyu a tafi hutun rabin lokaci. Duk da cewa Bayern sun matsa amma ba wani alamun ci zuwa yanzu.

9. 23 Agusta 2020, PSG 0-0 Bayern Munich

   Gnabry ya so ɗauko ƙallo daga gefen dama bayan Kimmich ya tsikaro masa ita tun daga baya, sai dai Bernat ya tunkuɗa ta kwana.

10. 23 Agusta 2020An yi wa Lewandowski ƙeta

    Marquinhos ya kayar da Lewandowski kuma an bia wa Bayern bugun tazara.

    An buga kuma ba tare da wata barazana ba ga PSG.

11. 23 Agusta 2020Lewandowski kuma dai

    Ba za ku daina jin sunan nan ba - Lewandowski - har sai an busa usur ɗin ƙarshe a filin nan.

    Ya ɗaɗa wa Navas ƙwallon da bai iya kama ta ba sai da 'yan bayansa suka kawo ɗauki.

12. 23 Agusta 2020Bayern ta yi canji

    Jerome Boateng ya fita, Niklas Sule ya karɓe shi.

    Boateng ya tafi zuwa gefen raga kuma da alama rauni ya ji.

13. 23 Agusta 2020Katin gargaɗi na farko ga Bayern

    An bai wa Alphonso Davies katin gargaɗi

14. 23 Agusta 2020Di Maria ya tashi zabi

    Di Maria ya samu ƙallo mai matuyƙr kyau amma ya ɗaɗa ta sama.

    Neymar ne ya shiryoi ƙwallo tun daga tsakiya har zuwa ragar Bayern amma Di Maria bai kwantar da ƙafarsa ba. Da tuni 1-0.

15. 23 Agusta 2020Lewandowskiiiiiiiii ya bugo turke, PSG 0-0 Bayern Munich

    

    Asalin hoton, UEFA

    Da ma dama kawai yake jira; ya ɗaɗa ƙwallon ta daki turke; Kylo Navas bai iya yi mata komai ba.

16. 23 Agusta 2020Neymaaaaaaar

    Saura ƙiris Neymar ya cilla ƙwallo a zaren Neuer; da ƙayar mnayen gpolan ya tare ta kuma Mbappe ma mayar da ita amma ta fita bugun kwana.

    Mummunan hari kenan na farko a wannan wasa kuma masu aikin ne dai suka yi aikinsu - Neymar da Mbappe.

17. 23 Agusta 2020Shot na farko daga Mbappe, PSG 0-0 Bayern Munich

    Wasa ya fara ɗumi fa, domin yanzun nan Mbappe ya ɗaɗa ƙwallo har sau biyu a cikin yadi na 18 ɗin bayern.

    Sai dai sau biyu tana dukan jikin 'yan bayan Bayern ɗin tana dawowa.

18. 23 Agusta 2020, PSG 0-0 Bayern Munich

    Bayer na ci gaba da shafa ƙwallo amma duk da haka hankalinsu ba a kwance yake ba.

19. 23 Agusta 2020Bugun tazara, PSG 0-0 Bayern Munich

    Thiago ya yi wa Mbappe ƙeta a ɓangaren hagu , sai dai an bugo bugun tazara amma babu haɗari ga Manual Neur - Davies ya tsige ta da ka.

20. 23 Agusta 2020, PSG 0-0 Bayern Munich

    Marquinhos ya bayar da ƙallo a gaban ragarsu amma Bayern ba ta iya amfana da ita ba.

    Kingsley Coman ya samu bugun tazara a gefen hagu kuma an buga babu wani haɗari ga PSG.