Kana amfani da shafin BBC mai bayyana rubutu kawai (babu hoto) domin rage cin data. Idan ana so a ga hotuna da bidiyo sai a koma babban shafinmu.
Wannan shafi ne da ke dauke da labarin wasanni da karawar da Real Madrid ke karbar bakuncin Real Mallorca da sanar da ku wainar da ake toyawa a fanni wasanni.
Mohammed Abdu
Nan na kawo karshen shirin da fatan za ku tara a shirinmu na ranar Alhamis a fafatawa tsakanin Chelsea da Manchester City.
Sunana Mohammed Abdu Mamman Skeeper TW TW ke muku fatan alheri.
Ku tara a shirin radio da safe da hantsi ranar Alhamis don jin labaran wasanni.
An tashi wasa Real Madrid ta samu maki uku da kwallo biyu a raga ta koma ta daya a kan teburin La Liga.
Barcelona ta koma ta biyu.
Dan wasan Real Mallorca Luca Romero ya zama matashin dan wasa da ya buga gasar La Liga mai shekara 15 da kwana 219.
Real Madrid ta saka Brahim da Mariano sun maye gurbin Vinicius Jr da kuma Karim Benzema.
Sakamako mai kyau a gasar Serie A bayan da aka zura wa Atalanta kwallo biyu ta farke su ka karawa Lazio na uku,
Kuma Juventus na daf da lashe kofin na Italiya na tara a jere.
Yanzu ta bai wa Lazio tazarar maki hudu kenan.
An bayar da lokaci a dan hutu, wato da an yi minti 30 ne ake bayar da dama a sha ruwa sannan a ci gaba da wasa.
Wolverhampton ta yi nasarar doke Bournmouth a wasan mako na 31 a gasar Premier League da suka fafata a yammacin nan.
Norwich City ta sha kashi a karo na uku a jere a gasar Premier League tun da aka ci gaba da wasanni.
Norwich ta yi rashin nasara a gida da ci 1-0 a hannun Everton a wasan mako na 31 da suka fafata a Carrow Road ranar Laraba.
Norwich ce ta karshe a kasan teburi za ta koma buga Championship a kakar badi kenan.
Ta faru ta kare Lazio na kokarin kara kwallo sai Atalanta ta ci na uku, kuma mai tsaron bayan Lazio ne ya bar Jose Luis Palominoto ya sa kai a kwallon da aka bugo daga kwana ta fada raga daga yadi na shida.
Real Madrid ta sa Toni Kroos ya canji Eden Hazard.
Mallorca ta yi canji uku.
Wannan ne karon farko da Sergio Ramos ya ci kwallo takwas a gasar La Liga yana kuma kaka ta 18 da yake buga wasannin.
Sergio Ramos shi ne na biyu a yawan ci wa Real Madrid kwallaye a bana da guda 10, illa Karim Benzema da ke gabansa da ya ci 21 da ya ci wa kungiyar a shekara nan.
Mohamed Salah da Sadio Mane kowanne ya ci kwallo a karawa da Crystal Palace.
Kyaftin din Madrid Sergio Ramos ya samu bugun tazara mai kyau ya kuma yi na kwararru inda kwallo ya haura katangar da Mallorca ta yi ya fada raga.
Real Madrid ta koma ta daya a kan teburin La Liga.
Ko magoya bayan Liverpool za su tuna kofin karshe da suka daga.
Shekara 30 da yawa fa ga wadanda ke da yawan rai.
An jika wa Lazio aiki, bayan da Atalanta ta farke kwallo na biyu.
Tun farko aka zura mata kwallo biyu daga baya ta farke.
Kafin wannan wasan Juventus ta bai wa Lazio tazarar maki hudu, saboda haka tana bukatar cin wannan karawar tazarar ta koma daya tal.
An tashi wasan da Liverpool ta doke Crystal Palace 4-0.
Liverpool za ta dauki kofin Premier na farko tun bayan shekara 30.
Bugun tazara da Real Mallorca ta samu ta kuma buga ta nufi raga amma kuma Thibaut Courtois ya rike gam.
Mai tsaron bayan Arsenal, David Luiz ya amince da yarjejeniyar shekara daya domin ya ci gaba da taka leda a kungiyar.
Luiz, dan wasan tawagar Brazil, mai shekara 33, ya koma Gunners daga Chelsea a bara, an kuma yi masa jan kati a wasan da Manchester City ta doke Arsenal 3-0 a gasar Premier da aka ci gaba.