Obasanjo ya buƙaci a soke zaɓen shugaban ƙasa a yankunan da aka yi tashin hankali

Rahoto kai-tsaye

Haruna Kakangi, Buhari Muhammad Fagge, Abdullahi Bello Diginza and Ahmad Tijjani Bawage

1. 27 Fabrairu 2023Ƴan sanda sun kama waɗanda ake zargi da yunkurin ƙona ofishin INEC a Kano

   

   Rundunar ƴan sanda a Kano ta ce ta kama mutum huɗu da ake zargi da yunkurin ƙona ofishin hukumar zaɓe a karamar hukumar Takai na jihar.

   A cewar sanarwar da mai magana da yawun ƴan sandan jihar SP Abdullahi Kiyawa ya fitar, ta ce ana zargin mutanen huɗu da yunkurin ƙona ofishin na INEC a daidai lokacin da ake sanar da sakamakon zaɓe.

   Sanarwar ta ce ƴan sandan sun samu nasarar kama mutanen ne bayan kai samamen gaggawa tare da haɗin gwiwar sauran jami'an tsaro.

   Haka ma, ƴan sanda sun ce wasu ƴan bangar siyasa sun kai hari kan ofishin yakin neman zaɓe na jam'iyyar NNPP a karamar hukumar Tudun Wada, inda aka kashe mutum biyu.

2. 27 Fabrairu 2023Ana ci gaba da tattara sakamakon zaɓen jihar Legas

   

   Ana ci gaba da tattara sakamakon zaɓe a jihar Legas inda hukumar zaɓe mai zaman kanta, INEC take bayyana sakamakon ɗaya bayan ɗaya.

   Legas ce jihar da ta fi kowace a Najeriya yawan waɗanda suka yi rajistar zaɓe domin kaɗa ƙuri'a a babban zaɓe na shekara ta 2023.

   Saboda haka na ganin sakamakon da zai fito daga jihar zai iya yin tasiri sosai a zaɓen.

   Ga sakamakon zaɓen shugaban ƙasa na wasu ƙananan hukumomin jihar Legas da aka bayyana kawo yanzu.

   Karamar hukumar Surulere

   APC 39002

   LP 36923

   NNPP 442

   PDP 2651

   Karamar hukumar Etiosa

   APC 15317

   LP 42388

   NNPP 381

   PDP 3369

   Karamar hukumar Apapa

   APC 15471

   LP 7566

   NNPP 338

   PDP 2997

   Karamar hukumar Ifako Ijaye

   APC 30756

   LP 25437

   NNPP 232

   PDP 3258

   Karamar hukumar Ajeromi Ifelodun

   APC 25938

   LP 35663

   NNPP 436

   PDP 4680

   Karamar hukumar Oshodi - Isolo

   APC 27181

   LP 51020

   NNPP 414

   PDP 3139

   Karamar hukumar Mushin

   APC 40876

   LP 23066

   NNPP 397

   PDP 3403

   Karamar hukumar Amuwo Odofin

   APC 13318

   LP 55547

   NNPP 330

   PDP 2383

   Karamar hukumar Kosofe

   APC 36883

   LP 46554

   NNPP 902

   PDP 4058

   Karamar hukumar Shomolu

   APC 27879

   LP 28936

   NNPP 476

   PDP 3449

3. 27 Fabrairu 2023Tinubu ya lashe zaɓen shugaban ƙasa a jihar Kwara - INEC

   

   Hukumar zaɓe mai zaman kanta ta Najeriya (INEC) ta ce jam'iyyar APC ce ta lashe sakamakon zaɓen shugaban ƙasa a jihar Kwara.

   Babban jami'in tattara sakamakon zaɓen shugaban ƙasa a jihar ne ya sanar da hakan a cibiyar tattara sakamakon da ke Ilori.

   Ga kuri'un da manyan jam'iyyu hudu suka samu:

   APC - 263,572

   LP - 31,166

   PDP - 136,909

   NNPP - 3,141

4. 27 Fabrairu 2023Atiku ya lashe zaɓen shugaban ƙasa a jihar Gombe - INEC

   

   Hukumar zaɓe mai zaman kanta ta Najeriya (INEC) ta ce jam'iyyar PDP ce ta lashe sakamakon zaɓen shugaban ƙasa a jihar Gombe.

   Jami'ar tattara sakamakon zaɓen shugaban ƙasa a jihar ta Gombe, farfesa Maimuna Waziri ta bayyana sakamakon kamar haka:

   PDP - 319,123

   APC - 146,977

   NNPP - 10,520

   LP - 26,160

   Sauran jam'iyyu - 7,263

   Masu zaɓe da aka yi wa rajista - 1,549,243

   Masu zaɓen da aka tantance - 542,997

   Ƙuri'un da aka kaɗa da kyau - 510,043

   Ƙuri'un da suka lalace - 23,735

   Yawan waɗanda suka kaɗa ƙuri'a - 533,778

5. 27 Fabrairu 2023Sakamakon zaɓen shugaban ƙasa da na majalisar dokokin tarayya na ci gaba da shigowa

   

   Asalin hoton, Getty Images

   Sakamako na ci gaba da fitowa a zaɓen da ake ganin shi ne mafi zafi a Najeriya tun bayan kawo karshen mulkin soji shekaru 24 da suka wuce.

   A hukumance an sanar da sakamakon jihar Ekiti da ke kudu-maso-yammacin ƙasar, yayin da ake jiran sauran jihohi jihohi 36 da yankin babban birnin tarayyar kasar.

   Dan takarar jam'iyyar APC Bola Ahmed Tinubu ne aka sanar ya samu kuri'u mafi yawa a sakamakon zaben jihar wato Ekiti.

   Amma ya yi wuri sosai a yi hasashen wanda zai lashe zaben na shugaban kasa.

   Kusan masu zabe miliyan 90 suka yanki katin jefa kuri'a a zaben na shekaran-jiya Assabar wanda galibi aka yi cikin tsanaki illa tsaikon da aka samu nan da can.

   Sai dai tsaikon da ake samu wajen sanar da sakamakon ya jawo jita-jita cewa an shirin tafka magudi a zaben kasar wadda a baya ta yi kaurin suna wajen samun magudin zabe da sayen kuri'a.

6. 27 Fabrairu 2023Barkan mu da warhaka!

   Masu bibiyar mu a wannans shafi na BBC Hausa barka da safiya. Wannan shafi namu zai ci gaba da kawo muku sakamakon zaɓen shugaban Najeriya da na majalisar dokokin tarayya.

   Da fatan za ku kasance da mu a shafin namu tsawon wannan wuni domin kada a bar ku a baya kan abubuwan da suke faruwa.

   Kuma ku je shafukanmu na facebook da tuwita da instagram domin bayyana ra'ayoyinku.