Abubuwan da ke faruwa a Najeriya da sauran sassan duniya

Rahoto kai-tsaye

Daga Badamasi Abdulkadir Mukhtar da Umar Mikail da Aisha Babangida

1. 10 Yuli 2024An gano ƙarin gawawwaki bayan harin Rasha a Ukraine

   Ma'aikatan gaggawa sun gano karin gawawwakin da barazaguzan gine-gine suka binne, a wata unguwa a birnin Kyiv na Ukraine, wanda hare-haren makamai masu linzami da Rasha ta kai a ranar Litinin ya daidaita.

   Wannan ya kawo adadin wadanda suka mutu a Ukraine a harin na Rasha zuwa 43 a babban birnin kasar.

   An kwashe yawancin matasan da suka ji mummunan rauni daga a wani asibitin Yara da aka lalata a Kyiv, zuwa wasu asibitocin na daban.

   Shugaba Zalensky wanda ke Amirka domin halartar taron kungiyar tsaro ta NATO, ya yi alkawarin sake gina asibitin da sauran gine-ginen da harin na Rasha ya lalata a ranar Litinin.

   Shugaba Biden ya ce Ukraine za ta yi galaba a kan Rasha

   Harin Ukraine ya lalata jirgin yaƙin Rasha

2. 10 Yuli 2024Shugaban Brazil ya yi kiran gudanar da zaɓe mai inganci a Venezuela

   

   Asalin hoton, Getty Images

   Shugaban Brazil, Luiz Inacio Lula da Silva, ya ce ya na fatan a gudanar da zaben shugaban kasa da za a yi a watan nan a Venezuela cikin Lumana, duk da damuwar da 'yan adawa ke nunawa kan yadda ake muzguna musu.

   Da ya ke jawabi a lokacin ziyarar da ya kai Shuga de Silver, ya ce daidaituwar siyasar Venezuela za ta kawo zaman lafiya a kudancin Amirka.

   Ya kara da fatan dukkan wadanda za su fafata a zaben za su rungumi yadda sakamakon zaben ya kasance.

   Shugaba Nicolas Maduro, wanda tun shekarar 2013 ya ke karagar mulki na neman wa'adi na uku ne.

   Kuri'ar jin ra'ayin jama'a na nuna dantakarar babbar jam'iyyar hamayarra Edmundo González, na sahun gaba, sai dai magoya bayan sa na cike da fargabar gwamnati ka iya dagula lamura a lokacin zaben.

   Ana sa ran samun maslaha a Venezuela

   Shugaban Venezuela ya shawarci mata su yi ta hayayyafa don amfanin kasar

3. 10 Yuli 2024Shugaba Biden ya ƙaddamar da taron NATO karo na 75

   

   Asalin hoton, Reuters

   Shugaba Joe Biden na Amirka ya kaddamar da taron kungiyar tsaro ta NATO a karo na 75, tare da alkawarin karin makaman kariya ga Ukraine ciki har da batiran makamai masu linzami.

   A jawabin bude taron kolin mai karfi, Mr Biden ya ce a yanzu kungiyar NATO ta yi karfi fiye da lokutan baya, saboda yadda kasashen kawance ke kashe kudaden tafiyar da ita.

   An yi bushe-bushe da kade-kade a lokacin da shugabannin kawancen suka isa zauren taron, kuma shugaba Biden ya ce kawancen shi ne mafi girma a tarihi.

   Shugaban Ukraine Vlodimire Zalensky na cikin mahalarta taron da batun mamayar da Rasha ta yi wa kasarsa ke cikin batutuwan da za a tattauna a taron.

   Mece ce ƙungiyar Nato kuma waɗanne ƙasashe ne mambobinta?

   Biden ya soki Kotun Ƙolin Amurka kan bai wa Donald Trump kariya

4. 10 Yuli 2024Barka da zuwa

   Barka da zuwa shafin labaran kai tsaye na BBC Hausa.