Labaran abubuwan da ke faruwa a duniyar wasanni

Rahoto kai-tsaye

Mohammed Abdu da Umar Mikail

1. 28 Yuni 2025China ta kori kociyanta, Ivankovic bayan kasa samun shiga kofin duniya a 2026

   China ta kori, Branko Ivankovic bayan da kasar ta kasa samun tikitin shiga gasar kofin duniya da za a yi a 2026 a Amurka da Canada da kuma Mexico.

   Ɗan kasar Croatia, mai shekara 71 ya ja ragamar China ta kare a mataki na biyar a rukuni na uku.

   Ivankovic, wanda ya horar da Iran zuwa gasar kofin duniya a Jamus a 2006, ya fara aikin kociyan China a Fabrairun 2024, bayan maye gurbin Aleksandar Jankovic.

   Ya kai China mataki na uku a Asia World Cup qualifying.

   Hukumar ƙwallon kafa ta China ta ce Dejan Djurdjevic, wanda ya kai kasar kwata fainal a Asian Games ta matasa ƴan kasa da shekara 20 da aka yi a Fabrairu, zai yi aikin rikwan ƙwarya.

2. 28 Yuni 2025

   Ɗanwasan Feyenoord Antoni Milambo ya shirya zama ɗanwasan farko da Keith Andrew ya ɗauka a matsayin kocin Brentford yayin da ƙungiyar ke tattaunawa don ɗauko ɗanwasan na Netherlands mai shekara 20.

   Leeds United ta soma tattaunawa da ɗanwasan Juventus da Brazil Douglas Luiz mai shekara 27 kan komawa ƙungiyar a wannan bazarar. (Calciomercato - in Italian, external)

   West Ham na zawarcin ɗanwasan Amurka Yunus Musah mai shekara 22 daga AC Milan daidia lokacin da Nottingham Forest ke tattaunawa da tsohon matashin ɗanwasan na Ingila. (Tuttomercatoweb - in Italian, external)

   Sai dai Forest ta haƙura da zawarcin ɗanwasan Juventus mai shekara 25 Timothy Weah bayan da ɗanwasan ya yi watsi da tayin ƙulla kwantiragi da kulob ɗin. Forest ta amince da yarjejeniyar kusan fam miliyan 19 da kulob ɗin na Italiya kan Weah da ɗanwasan Belgium Samuel Mbangula mai shekara 21. (ESPN, external)

3. 28 Yuni 2025Al-Dawsari ya gama buga wa Al-Hilal Club World Cup, saboda rauni

   Ƙyaftin ɗin Al-Hilal, Salem Al-Dawsari ba zai ci gaba da buga Club World Cup ba, sakamakon raunin da ya ji kamar yadda ƙungiyar Saudiyya ta sanar ranar Asabar.

   Ta kara da cewar za a yi masa tiyata daga nan zai fara jinyar mako shida kafin ya koma fagen taka leda.

   Hakan na nufin ba zai yi wa Al-Hilal wasan zagayen ƴan 16 ba da Manchester City ranar Litinin.

   Al-Dawsari ya taka rawar gani a Al-Hilal a club world cup, shi ne ya fara cin ƙwallo da suka doke Pachuca 2-0 ranar Juma'a a wasan karshe a cikin rukuni.

   Hakan ne ya sa suka kai zagaye na biyu a mataki na biyu a gurbi na takwas da Real Madrid ta yi ta ɗaya.

4. 28 Yuni 2025Maresca na fatan Fernandez zai taka rawa idan ya fuskanci Benfica

   Kociyan Chelsea, Enzo Maresca na fatan Enzo Fernandez zai taka rawar gani idan suka zo karawa da tsohuwar ƙungiyarsa Benfica.

   Kaka biyu da ta wuce Chelsea ta ɗauki ɗan kasar Argentina daga ƙungiyar dake buga babbar gasar tamaula ta Portugal kan £106.8million domin taka leda a Stamford Bridge.

   To amma sai a kakar 2024-25 ya haskaka da cin ƙwallo takwas, wanda ke sa ƙwazo a Club World Cup.

   Mai shekara 24 ya fara cin ƙwallo a wasan da Chelsea ta doke Los Angeles FC da zura biyu a ragar Esperance Tunis 3da cin -0 a wasan karshe a cikin rukuni ranar Talata.

   Hakan ne ya sa Chelsea za ta fafata da Benfica a wasan zagayen ƴan 16 ranar Asabar a Charlotte.

5. 28 Yuni 2025

   Newcastle ta shirya ƙara kuɗi don sayen ɗanwasan Brighton Joao Pedro bayan da aka yi fatali da tayin fam miliyan 50 kan ɗanwasan na Brazil mai shekara 23. (Talksport)

   Aston Villa na hamayya da Juventus da Lazio kan ɗanwasan Lens mai shekara 23 Neil El Aynaoui, da ke taka leda wa Morocco leda a matakin ƴan ƙasa da shekara 23. (Calciomercato - in Italian, external)

   Ɗanwasan Crystal Palace Eberechi Eze na daga cikin ƴanwasan gaba da Arsenal ke zawarcin su yayin da ita ma Tottenham ke ƙyalla ido kan ɗanwasan Ingila mai shekara 26. (Sky Sports)

6. 28 Yuni 2025Doku ya ce yana komawa kan ganiya kamar yadda Guardiola ke bukata

   Jeremy Doku ya ce yana komawa kan ganiya, kamar yadda Pep Guardiola ke bukata.

   Ɗan kasar Belgium ya taka rawar gani da fara cin ƙwallo a wasan da Manchester City ta doke Juventus 5-2 a Club World Cup ranar Alhamis.

   Mai shekara 23, ya nuna bajinta a wasan da City ke fatan taka rawar gani a kakar da za a fara, wadda ta buga karawar da sabbin fuskoki.

   Manchester City ta kare a mataki na uku a kakar da ta wuce a Premier League, kenan za ta buga Champions League a kakar da za a fara nan gaba.

7. 28 Yuni 2025Aitana Bonmati tana asibiti kasa da a fara Euro 2025

   Ƴar wasar tawagar Sifaniya, Aitana Bonmati tana kan gadon asibiti ƴan kwanaki a fara gasar cin kofin nahiyar Turai, wato Euro 2025.

   Mai shekara 27 mai taka leda a Barcelona, mai Ballon d'Or, ba ta buga wa Sifaniya wasan sada zumunta da ta yi nasara a kan Japan 3-1 ranar Juma'a.

   Za a fara Euro 2025 ranar Laraba, inda Sifaniya mai rike da kofin duniya za ta fara wasan farko da Portugal a Bern, kwana ɗaya da fara wasannin.

   Sifaniya tana rukuni na biyu da ya haɗa da Belgium da Italiya da kuma Portugal.

   Bonmati ta taka rawar gani lokacin da Sifaniya ta lashe kofin duniya a 2023 da ɗaukar Nations League a 2024.

8. 28 Yuni 2025Savona ya gama buga wa Juventus Club World Cup a Amurka

   Mai tsaron bayan Juventus, Nicolo Savona ya gama buga Club World Cup, bayan raunin da ya ji a wasan da Manchester City ta yi nasara 5-2 a wasan karshe a cikin rukuni, kuma zai yi jinyar wata ɗaya.

   Mai shekara 22 ya buga wa Juventus dukkan karawa uku, an kuma sauya shi da Federico Gatti a karawar da suka yi ranar Alhamis.

   Juventus ta kare a mataki na biyu a rukuni na bakwai, za kuma ta fafata da Real Madrid ranar Talata a zagayen ƴan 16 a Miami.

9. 28 Yuni 2025Brentford ta ki sallama tayin £62.5m da Man United ta yi wa Mbeumo

   Brentford ta ki sallama tayin £62.5m da Manchester United ta yi wa Bryan Mbeumo, domin a sayar mata da ɗan wasan.

   United ta ya ɗan kasar Kamaru, mai shekara 25 kan £55m har da karin tsarabe-tsaraben £7.5m .

   Ƙungiyar Old Trafford na son kara sayen gurbin mai cin ƙwallaye, bayan da ta sayi, Matheus Cunha daga Wolverhampton kan £62.5m.

   Mbeumo ya ci ƙwallo 20 a Brentford a kakar da ta wuce da bayar da tara aka zura a raga.

   United na fuskantar kalubale daga Tottenham, bayan da Sabon kociyan ƙungiyar, wanda ta dauka daga Brentford ke son ɗan ƙwallon har ma yana faɗa masa cewar zai buga Champions League.

   United kuwa wadda ta kasa taka rawar gani a bana a Premier League, ba za ta buga kowacce irin gasar zakarun Turai ba a kakar da za a shiga.

10. 28 Yuni 2025

    Jama'a barkanmu da shiga shirin sharhi da bayanan labarin wasannin kai tsaye daga sassan duniya tun daga ranar Asabar 28 ga watan Yuni zuwa 5 ga watan Yulin 2025.

    Sunana Mohammed Abdu Mamman Skeeper Tudun Wada zan kasance da ku.

    Za ku iya tafka muhawara a BBC Hausa Facebook da kuma x.