Buhari zai tafi taro Ghana

Rahoto kai-tsaye

Mukhtar Adamu Bawa and Abdullahi Bello Diginza

1. 24 Aprilu 2023Ƙasashe suna rububin kwashe mutanensu daga Sudan

   

   Asalin hoton, EPA

   An kwashe ƙarin jami'ai da ma'aikatan jakadancin ƙasashen duniya da dama daga Khartoum, babban birnin Sudan, a yayin da sojojin gwamnati da dakaru masu kayan sari na RSF ke ci gaba da gwabza yaƙi.

   Faransa da Jamus da Kanada da Sifaniya da kuma Italiya na cikin ƙasashen baya-bayan nan da suka sanar da cewa sun kai jami'an nasu tudun-mun-tsira.

   Sai dai kuma sauran fararen hula na ƙasashe, sun ce suna fuskantar wahala a yunƙuri da suke yi na fita daga Sudan.

   Wakilin BBC ya ruwaito cewa a bayyane take abu ne mai matuƙar wahala ƙasashe su iya tsarawa tare da kwashe mutanensu a cikin motoci saboda ana faɗa ne a tsakiyar babban birnin ƙasar.

   Ana ta samun kirare-kirayen neman agajin gaggawa daga ɗalibai waɗanda akasarinsu 'yan ƙasashen Afirka da Asiya ne da kuma Gabas ta Tsakiya.

2. 24 Aprilu 2023Jama'a, barkanmu da safiya

   Masu bibiyar wannan shafi namu, da fatan kun tashi lafiya.

   Yaya shagulgulan Ƙaramar Salla?

   Sunana Mukhtari Adamu Bawa, idan kuka ci gaba da kasancewa da mu, za mu kawo muku labarai masu armashi da ƙayatarwa game da Najeriya da ma ƙasashe maƙwabta, da kuma sauran sassan duniya.

   Ina yi muku fatan alheri!