Hoton abincin iyali ya lashe gasar hotuna ta duniya

Karanta rubutu kawai domin rage cin data

An wallafa 28 Aprilu 2021

Hoton wasu ma'aurata da ɗansu suna dafa abinci fuskokinsu cikin farin ciki da annashuwa ya lashe babbar gasar hotunan abinci ta duniya da aka yi a China

An bayyana sunan Li Huaifeng a matsayin wanda ya lashe gasar 'Pink Lady Food Photographer of the Year 2021' wanda ya saka ma hotonsa suna 'Taste, taken in Licheng, Shanxi'.

Family preparing food indoors, with rays of sunlight shining through the windows

"Wannan hoton ya fita daban da sauran hotuna saboda yadda aka yi amfani da haske da kuma yadda aka shirya daukarsa," a cewar Caroline Kenyon wadda ita ce ta kirkiro gasar.

"Amma kuma abin da ya ƙara fito da shi da ke da muhimmanci shi ne irin abin da yake koyarwa da kuma yadda yake sosa zuciya idan ka nutsu ka kalle shi."

"Yana nuna yadda aka shafe shekara ana rayuwa a lokacin kullen korona, a gidajen da ba su da wadata sosai."

"Da zarar ka kalli hoton za ka fahimci akwai soyayya da kuma shaƙuwa tsakanin uwa da ɗanta."

"Kuma hakan ya fito da cewa ƙayataccen hoto ba yana nufin sai wani abun mamaki ko tsoro ba."

"Babu shakka wannan hoto ne da zai tsaya maka a rai irin yadda aka tsara shi," in ji Caroline.

Skip Wanda aka fi karantawa and continue reading

Wanda aka fi karantawa

End of Wanda aka fi karantawa

Hotunan tseren dawaki ya sa wani matashi ya shahara a kasar Senegal

A bana ne wannan gasa ta cika shekaru 10, kuma alƙalan gasar sun karɓi hotuna 10,500 daga ƙasashe 70 a fadin duniya inda aka sanar da waɗanda suka lashe gasar kai tsaye ta intanet.

Ga wasu daga cikin hotunan da suka lashe gasar a matakai daban-daban.

Yadda nake samar da busasshiyar kuɓewa daga F Dilek Uyar, Turkiyya