Kafar Barca ɗaya ta kai daf da karshe a Champions League
Asalin hoton, Getty Images
Kafar Barcelona ɗaya ta kai daf da karshe a Champions League, bayan doke Borussia Dortmund 4-0 a wasan farko zagayen kwata fainal ranar Laraba a Sifaniya.
Raphinha ne ya fara cin na farko sai Robert Lewandoeski ya kara biyu a jere da kuma Lamine Yamal da ya zura na huɗu a wasan.
Karo na biyu kenan da suka fafata a gasar zakarun Tutai ta bana, wadda aka sauya mata fasali.
Wannan shi ne karo na huɗu da suka kece raini a tsakaninsu a Champions League, inda Barcelona ta ci wasa uku da canjaras ɗaya.
Kakakr 2024/2025
Champions League ranar Laraba 9 ga watan Afirilun 2025
- Barcelona 4 - 0 B Dortmund
Champions League ranar Laraba 11 ga watan Disambar 2024
- B Dortmund 2 - 3 Barcelona
Kakar 2019/2020
Champions League ranar Laraba 27 ga watan Nuwambar 2019
- Barcelona 3 - 1 B Dortmund
Champions League ranar Talata 17 ga watan Satumbar 2019
- B Dortmund 0 - 0 Barcelona
Barcelona ta yi wasa 23 kenan a jere ba tare da an doke ta ba a dukkan karawa, tun shiga shekarar 2025.
Rabon da a doke Barcelona tun cikin Disamba, shi ne 1-0 da Atletico Madrid ta yi nasara.
Barcelona za ta je Jamus domin buga wasa na biyu ranar Talata 15 ga watan Afirilu.
Ƴ an wasan da suka buga wa Barcelona karawar:
Wannan labari ne na dauke da bayanai da X suka bayar. Muna neman amincewarku kafin mu dora muka, saboda nuna iya dauke da wasu bayanai da aka iya adanawa. Watakila kana za ka so ka karanta X da tsarin bayanan da za a adana da da tsarin sirri kafin ka amince. Idan kana son ganin wannan bayani ka zabi ‘amince sannan ka ci gaba’.
Karshen labarin da aka sa a X
