Wane ne zai lashe kyautar gwarzon ɗan ƙwallon Afirka na 2023?

Hukumar kwallon ƙafa ta Afrika ta fitar da sunayen mutum uku da za su iya lashe kyautar gwarzon ɗan wasan Afirka ta shekarar 2023.

Ɗan wasan Najeriya da Napoli Victor Osimhen da Achraf Hakimi na Morocco da PSG da kuma Mohammed Salah na Liverpool da Egypt ne suka yi ragowa zuwa matakin ƙarshe na gasar.

A ranar Alhamis 7 ga watan Disamba ne CAF ta bayyana sunayen nasu a shafinta na X, yayin da ya rage saura kwana huɗu a yi bikin a birnin Marrakech na Morocco.

Dan wasan Senegal Sadio Mane ne ke riƙe da kyautar gwarzon ɗan wasan Afirka wanda ya lashe a 2022.

A ranar 11 ga watan Disamba wato ranar Litinin ne za a yi bikin a Morocco.

Za a bayar da irin wannan kyauta ga gwarzuwar ƙwallon ƙafa ta Afirka ta bana.

Akwai irin wannan dama da za a samu a fannin matasan 'yan wasa na nahiyar, sai kuma masu tsaron raga da masu horaswa da dai sauransu.

Ga wasu daga cikin jerin sunaye na ƙarshe da za su iya lashe kyautukan na 2023

Gwarzon ɗan wasan shekara

Mohamed Salah (Egypt, Liverpool)

Achraf Hakimi (Morocco, Paris Saint-Germain)

Victor Osimhen (Nigeria, Napoli)

Gwarzuwar 'yar wasar shekara

Asisat Oshoala (Nigeria, Barcelona)

Thembi Kgatlana (South Africa, Racing Louisville)

Barbara Banda (Zambia, Shanghai Shengli)

Mai horaswa na shekara

Abdelhak Benchika (Algeria, Simba SC)

Walid Regragui (Morocco)

Aliou Cisse (Senegal)

Mai horaswa ta shekara

Reynald Pedros (Morocco)

Desiree Ellis (South Africa)

Jerry Tshabalala (South Africa, Mamelodi Sundowns)

Mai tsaron raga na shekara

Andre Onana (Cameroon, Manchester United)

Mohamed El Shenawy (Egypt, Al Ahly)

Yassine Bounou (Morocco, Al Hilal)

Mai tsaron raga ta shekara

Khadija Er-Rmichi (Morocco, AS FAR)

Chiamaka Nnadozie (Nigeria, Paris FC)

Andile Dlamini (South Africa, Mamelodi Sundowns)

Matashin ɗan wasa na shekara

Abdessamad Ezzalzouli (Morocco, Real Betis)

Lamine Camara (Senegal, Metz)

Amara Diouf (Senegal, Metz)

Matashiyar 'yar wasa ta shekara

Comfort Yeboah (Ghana, Ampem Darkoa)

Nesryne El Chad (Morocco, Lille)

Deborah Abiodun (Nigeria, Pittsburgh Panthers)

Tawagar maza ta shekara

Gambia

Morocco

Senegal

Tawagar mata ta shekara

Morocco

Nigeria

South Africa

Ƙungiyar maza shekara

Al Ahly (Egypt)

Wydad Athletic Club (Morocco)

Mamelodi Sundowns (South Africa)

Ƙungiyar mata ta shekara

AS FAR (Morocco)

Sporting Casablanca (Morocco)

Mamelodi Sundowns (South Africa)