Lewandowski ne kan gaba a cin ƙwallaye a La Liga kawo yanzu

Robert Lewandowski ne kan gaba a yawan zura ƙwallaye a raga a La Liga, bayan wasa huɗu da fara La Liga ta 2024/25.

Ɗan wasan Poland mai taka leda a Barcelona ya ci huɗu a raga a dukkan karawa huɗun da ya buga da fara kakar nan.

Lewandowski ya fara cin ƙwallo biyu ranarr 17 ga watan Agusta a wasan da Barcelona ta je ta doke Valenci 2-1 a farkon fara babbar gasar tamaula ta Sifaniya.

Ya kuma ci Athletic Bilbao ɗaya a karawar da Barcelona ta yi nasara 2-1 a wasan mako na biyu ranar Asabar 24 ga watan Agusta.

Amma bai zura ƙwallo ba a ragar Rayo Vallecano a karawar mako na uku da Barcelona ta ci 2-1 ranar Talata 27 ga watan Agusta.

A wasan mako na huɗu ya samu cin Real Valladolid ƙwallo ɗaya a fafatawar mako na huɗu ranar Asabar 31 ga watan Agusta, inda Barcelona ta ɗura 7-0.

Haka kuma ɗan wasan Barcelona, Raphinha shi ne na biyu a jerin waɗanda ke kan gaba cin ƙwallaye mai uku a raga.

Ɗan wasan tawagar Brazil ya zura uku rigis a mako na huɗu a wasan da Barcelona ta sharara 7-0 a ragar Valladolid ranar Asabar 31 ga watan Agustan 2024.

Kawo yanzu Barcelona, wadda ta ci ƙwallo 13 tana ta ɗaya a kan teburi da maki 12, ita kaɗai ce ta lashe dukkan wasa huɗu da fara kakar nan.

Real Madrid da Atletico Madrid da Villareal sune ke biye da Baarcelona, kowacce tana da maki takwas, bayan karawa huɗu.

Jerin waɗanda ke kan gaba a yawan cin ƙwallaye a La Liga

Wasannin mako na biyar a La Liga

Ranar Juma'a 13 ga watan Satumba

Ranar Asabar 14 ga wwatan Agusta

Ranar Lahadi 15 ga watan Satumba