Ko Man United za ta huce a kan Betis a Europa League

Real Betis ta ziyarci Manchester United, domin buga wasan farko a zagayen 'yan 16 a Europa league na bana.

United ta kawo wannan matakin bayan da ta yi waje da Barcelona a karawar da suka yi gida da waje a fafatawar cike gurbi.

Ita kuwa Betis ita ce ta yi ta daya a rukuni na uku da maki 16, Roma ta yi mata ta biyu da maki 10.

United za ta buga wasan ba tare da Marcel Sabitzer da kuma Anthony Martial, wadanda ke jinya.

Har yanzu Christian Eriksen da Donny van de Beek, sun dade suna jinya.

Real Betis ta rasa dan wasan gaba mai cin kwallaye, Nabil Fekir, wand ke jinya har zuwa karshen kakar bana.

Wannan shine karon farko da United da Betis za su fuskanci juna a tsakaninsu.

A wasa biyar baya a gasar zakarun Turai da United ta buga da kungiyoyin Sifaniya ta yi rashin nasara - ta yi rashin nasara a hannun Real Sociedad a Satumba a fafatawar cikin rukuni.

Ranar Lahadi, Liverpool ta ci United 7-0 a wasan Premier League a Anfield, ita kuwa Betis ta tashi 0-0 da Real Madrid a karshen mako a La Liga.

United na fatan daukar kofi hudu a bana, bayan da ta dauki Carabao Cup tana zagayen quarter final, za ta kara da Fulham nan gaba.

Tana buga Europa tana kuma ta uku a kan teburin Premier League.

Manchester United ta taba lashe Europa League a kakar 2016/17 karkashin Jose Mourinho, ita kuwa Betis na fata.