Real Madrid ta kasa karbar teburin La Liga a gun Girona

Real Madrid ta kasa komawa ta daya a teburin La Liga, bayan tashi 0-0 da Rayo Vallecano a wasan mako na 12 a La Liga ranar Lahadi a Santiago Bernabeu.

Rabon da Rayo ta tashi ba ci a gidan Real Madrid a babbar gasar tamaula ta Sifaniya tun ranar 29 ga watan Maris din 2000, kenan shekara 23 da ta wuce.

Real wadda ta yi fatan komawa matakin farko a teburin La Liga ta ci gaba da zama ta biyu da maki 29.

Giron, wadda ta je ta ci Osasuna 4-2 ranar Asabar ta koma jan ragamar teburin La Liga mai maki 31.

Barcelona ce ta uku da tazarar maki biyu tsakaninta da Real Madrid a babbar gasar tamaula ta Sifaniya.

Ita kuwa Rayo mai maki 18 tana ta tara a kan teburin babbar gasar tamaula ta Sifaniya.

Wasan La Liga da suka kara a bara:

Sifanish La Liga Laraba 24 ga watan Mayun 2023

Sifanish La Liga Litinin 7 ga watan Nuwambar 2022

'Yan wasan da Real ta fuskanci Rayo da su:

'Yan wasan Real Madrid:

Masu tsaron raga: Lunin, Kepa da kuma Diego Piñeiro.

Masu tsaron baya: Carvajal, Alaba, Nacho, Lucas V., Fran García da kuma Rüdiger.

Masu buga tsakiya: Bellingham, Kroos, Modrić, Camavinga, Valverde, Arda Güler da kuma Nico Paz.

Masu cin kwallaye: Vini Jr., Rodrygo, Joselu da kuma Brahim.

Wasannin da za a buga ranar Lahadi: