Me kuke son sani kan raba jadawalin Champions League?

Kawo yanzu an samu kungiyoyi takwas da za su ci gaba da zagayen kwata fainals a Champions League da Europa da Conference League na bana.

Za kuma a raba jadawalin ci gaba da zagayen gaba ranar Juma'a, bayan da ake sa ran buga wasan karshe a filin Wembley ranar Asabar 1 ga watan Yuni.

Ba maganar fifita wata kungiya kan kwazonta, kuma kungiyoyi daga kasa daya za su iya fuskantar juna a fafatawar da za a yi gida da waje zagayen kwata fainals.

Za a raba jadawalin kwata fainals da na daf da karshe ranar Juma'a 15 ga watan Maris a Nyon a Switzerland.

Daga nan kuma za a yi jadawalin kwata fainals a Europa League da kuma Europa Conference League.

Jadawalin da za a raba zai kuma fayyace kungiyar da za ta karbi bakunci a karawar farko da kuma wadda za ta kai ziyara a fafatawa ta biyu.

Wadanne kungiyoyi ne za su buga zagayen kwata fainals a Champions League?

Arsenal (Ingila)

Atletico Madrid (Sifaniya)

Barcelona (Sifaniya)

Bayern Munich (Jamus)

Borussia Dortmund (Jamus)

Manchester City (Ingila)

Paris St-Germain (France)

Real Madrid (Sifaniya)

Wadanne kungiyoyi ne zasu kara a Europa League kwata fainals?

AC Milan (Italiya) ko Slavia Prague (Jamhuriyar Czech) (4-2)

Benfica (Portugal) ko Rangers (Scotland) (2-2)

Freiburg (Jamus) ko West Ham (Ingila) (1-0)

Marseille (France) ko Villarreal (Sifaniya) (4-0)

Qarabag (Azerbaijan) ko Bayer Leverkusen (Jamus) (2-2)

Roma (Italiya) ko Brighton (Ingila) (4-0 after first leg)

Sparta Prague (Jamhuriyar Czech) ko Liverpool (Ingila) (1-5)

Sporting Lisbon (Portugal) ko Atalanta (Italiya) (1-1)

Wadanne kungiyoyi ne a Europa Conference League kwata fainals?

Ajax (Netherlands) ko Aston Villa (Ingila) (0-0 )

Dinamo Zagreb (Croatia) ko PAOK (Girka) (2-0)

Maccabi Haifa (Israel) ko Fiorentina (Italiya) (3-4)

Molde (Norway) ko Club Bruges (Belgium) (2-1)

Olympiakos (Girka) ko Maccabi Tel Aviv (Israel) (1-4)

Servette (Switzerland) ko Viktoria Plzen (Jamhuriyar Czech) (0-0)

Sturm Graz (Austria) ko Lille (France) (0-3 after first leg)

Union St-Gilloise (Belgium) ko Fenerbahce (Turkiya) (0-3)

Wadanne ranaku za a buga wasanninn Champions League?

Za a fara wasan farko zagayen kwata fainals daga ranar 9 -10 ga watan Afirilu, yayin da za a buga wasa na biyu ranar 16-17 ga watan Afirilu.

Za a buga wasan farko zagayen daf da karshe ranar 30 ga watan Maris zuwa 1 ga watan Afirilu, sannan a yi fafatawa ta biyu ranar 7-8 ga watan Mayu a Champions League.

Yaushe za a buga kwata fainals a Europa League da Europa Conference League?

A gasar biyu za a fara wasannin farko zagayen daf da na kusa da na karshe ranar 11 ga watan Afirilu, sannan a kara a wasa na biyu mako daya tsakani.

Za a fafata a daf da karshe ranar 2 ga watan Mayu, sannan a buga wasa na biyu ranar 9 ga watan Mayu a Europa da Conference League.

Yaushe za a buga wasan karshe a Champions League?

Za a buga wasan karshe a Champions League na bana a Wembley ranar Asabar 1 ga watan Yuni.

A ina kuma yaushe ne wasan karshe a Europa League?

Za a buga karawar karshe a Europa League ta bana a filin wasa da ke Dublin a Jamhuriyar Ireland ranar Laraba 22 ga watan Mayu.

Wadda ta lashe kofin bana za ta samu gurbin shiga Champions League na 2024-25, idan ba ta samu gurbi ba a gasar kasarta.

A ina kuma yaushe ne wasan karshe a Europa Conference League ?

Za a buga fafatawar karshe a Europa Conference League na bana a filin wasa na AEK da ke Athens a Girka ranar Laraba 29 ga watan Mayu.

Duk wadda ta lashe kofin za ta fafata a Europa League na badi, idan ba ta samu gurbi ba a gasar kasarta.