Champions League: Kovacs ne zai busa wasan Real da Man City

Hukumar ƙwallon kafa ta Turai, UEFA ta bayyana Istvan Kovacs a matsayin wanda zai yi rafli a wasan Real Madrid da Manchester City ranar Laraba.

Ƙungiyar da ke buga Premier League za ta je Sifaniya, domin buga wasa na biyu zagayen cike gurbi a Champions League.

Ranar Talata 11 ga watan Fabriru Real Madrid ta je ta ci Manchester City 3-2 a wasan farko na cike gurbi a gasar ta zakarun Turai a Etihad.

Erling Haaland ne ya ci wa City ƙwallo biyun har da ɗaya a bugun fenariti, ita kuwa Real ta zura ukun ta hannun Kylian Mbappe da Brahim Diaz da kuma Jude Bellingham.

Karon farko da Real ta yi nasara a Etihad a wasa bakwai da ta je filin, inda a wasa 13 da suka fafata a tsakaninsu Real da City kowacce ta yi nasara huɗu da canjaras biyar.

Kovacs ɗan kasar Romania zai busa wasan Real Madrid a gasar zakarun Turai karo na huɗu a tarihi.

Kuma karo na biyu da zai yi alkalancin karawa tsakanin Real da City, shi ne rafli a lokacin da City ta ci Real 4-3 a daf da karshe a Champions League a 2021/22.

Wasa uku da Kovacs ya busa wa Real Madrid: