Champions League: Wa zai kai zagayen gaba Atletico Inter PSV ko Dortmund?

An wallafa

Za a buga wasa na biyu a Champions League zagayen 'yan 16 tsakanin Atletico Madrid da Inter Milan ranar Laraba a Civitas Metropolitano de Madrid.

A wasan farko da suka kara a Italiya, Inter ce ta ci 1-0 ta hannun Marko Arnautovic

'Jerin wasa tsakanin Atletico da Inter Milan

2023/2024

Champions League Talata 20 ga watan Fabrairun 2024

  • Inter 1 - 0 Atl Madrid

2010/2011

European Super Cup Juma'a 27 ga watan Agustan 2010

  • Inter 0 - 2 Atl Madrid

A wasan farko tsakanin kungiyoyin biyu an yi zaton cewar Marcus Thuram da Lautaro Martínez sune za su bai wa Atlético de Madrid ciwon kai a Italiya.

Skip Wanda aka fi karantawa and continue reading
Wanda aka fi karantawa

End of Wanda aka fi karantawa

To sai dai Marko Arnautović ne ya ci wa Inter kwallon - tsohon dan wasan Stoke City da West Ham ya shiga wasan daga baya ya kuma ci kwallon saura minti 11 a tashi.

Sai dai Arnautovic ba zai buga karawar Laraba ba, sakamakon jinya, kenan za a sa ran Thuram da Martínez za su taka rawar gani da Inter ke bukata.

Daya wasan za a buga ne tsakanin Borussia Dortmund da PSV Eindhoven, wadanda suka tashi 1-1 a wasan farko.

Sun fara wasa a bana ranar 20 ga watan Fabrairun 2024, inda Luuk de Jong ya ci wa PSV Eindhoven kwallo a bugun fenariti, yayin da Donyell Malen ya ci wa Borussia Dortmund kwallo.

Wasa tsakanin Borussia Dortmunda da PSV Eindhoven

2023/2024

Champions League Talata 20 ga watan Fabrairun 2024

  • PSV Eindhoven 1 - 1 B Dortmund

2002/2003

Champions League Talata 22 ga watan Oktoban 2002

  • B Dortmund 1 - 1 PSV Eindhoven

Champions League Laraba 2 ga watan Oktoban 2002

  • PSV Eindhoven 1 - 3 B Dortmund

Donyell Malen ne ya fara ci wa Dortmund kwallo a Eindhoven, kuma dan kasar Netherlands bai yi murnar kwallon da ya zura a raga ba.

Ya koma taka leda zuwa Jamus a 2021.

Daga baya PSV ta farke ta hannun Luuk de Jog a bugun daga kai sai mai tsaron raga, kuma na 28 da ya zura a raga a kakar nan.