Chiesa yana cikin ƴan Liverpool a karawa da AC Milan

An wallafa
Lokacin karatu: Minti 1

Federico Chiesa yana cikin ƴan wasan Liverpool da suka je AC Milan a wasan farko a cikin rukuni a Champions League da za su kara a San Siro ranar Talata.

Chiesa mai shekara 26, ya koma ƙungiyar Anfield kan fara kakar bana daga Juventus kan £10m cikin Agusta, koda yake har yanzu bai buga wasa ba.

Liverpool, wadda ta kara a Europa League a bara za ta buga Champions League a bana, karon farko bayan kaka ɗaya tsakani.

Liverpool, wadda ta fara lashe wasa uku da fara kakar bana a Premier League ta yi rashin nasara 1-0 a Anfield a hannun Nottingham Forest ranar Asabar.

Kawo yanzu ba wani ɗan wasa daga Liverpool da ya ji rauni, kenan ta je Italiya da kwarin gwiwa.

Haka kuma Liverpool ta je da Tyler Morton birnin Milan daga ƴan wasa 23 da ta bayyana, mai shekara 21 ya buga wasannin aro a bara a Hull City.

Ƴan wasan Liverpool da aka je da su Milan:

Alisson, Gomez, Endo, Van Dijk, Konate, Diaz, Szoboszlai, Nunez, Mac Allister, Salah, Chiesa, Jones, Gakpo, Jota, Tsimikas, Robertson, Gravenberch, Jaros, Kelleher, Alexander-Arnold, Quansah, Morton da kuma Bradley.

Skip Wanda aka fi karantawa and continue reading
Wanda aka fi karantawa

End of Wanda aka fi karantawa

Wasannin da aka buga tsakanin ƙungiyoyin biyu a Champions League:

2021/2022

Champions League Talata 7 ga Disambar 2021

  • Milan 1 - 2 Liverpool

Champions League Laraba 15 ga Satumbar 2021

  • Liverpool 3 - 2 Milan

2006/2007

Champions League Laraba 23 ga watan Mayun 2007

  • Milan 2 - 1 Liverpool

2004/2005

Champions League Laraba 25 ga watan Mayun 2005

  • Milan 3 - 3 Liverpool