Arsenal ta tsawaita zaman Elneny a Emirates zuwa 2024
Asalin hoton, Getty Images
An wallafa
Dan kwallon tawagar Masar, Mohamed Elneny ya saka hannu kan yarjejeniyar ci gaba da taka leda a Arsenal zuwa karshen kakar 2024.
Elneny, wanda ke jinya da ba a fayyace ranar da zai koma taka leda ba, shine wanda yafi kowa dadewa a Emirates.
Mai shekara 30 ya buga wa Gunners karawa 155, tun bayan da ya koma Arsenal da taka leda a 2016 daga Basel.
Elneny ya yi wa Arsenal wasan FA Cup zagaye na uku a karawa da Oxford a watan Janairu, wanda ya ci kwallon farko a 3-0 da Gunners ta yi nasara.
