Haaland ya karasa fitar da Bayern a Champions a Jamus

Manchester City da Bayern Munich sun tashi 1-1 a wasa na biyu a zagayen quarter finals a Champions League ranar Laraba a Jamus.

City ta ci kwallon ta hannun Erling Haaland a minti na 12 da komawa zagaye na biyu a Allianze Arena.

Kwallo na 12 da ya zura a raga a Champions League a bana, shine na daya a yawan cin kwallaye a gasar a kakar nan.

Haaland ya yi kan-kan-kan da Ruud van Nistelrooy dan wasan Premier League da ya ci kwallo 12 a Champions League a kakar 2002/03.

Haka kuma tun farko Haaland ya barar da fenariti a wasan na ranar Laraba, karon farko daga 16 da ya buga a baya, tun bayan da ya barar a Borussia Dortmund da Union Berlin a Afirilun 2021.

Saura minti takwas a tashi daga wasan Bayern ta zare daya ta hannun Joshua Kimmich a bugun daga kai sai mai tsaron raga.

Da wannan sakamakon City ta kai zagayen daf da karshe da cin kwallo 4-1 gida da waje ta fitar da Bayern daga gasar bana.

Pep Guardiola ya zama na uku da ya ci wasa na 100 a Champions League a matakin koci, wanda ya ja ragamar Barcelona da Bayern Municyh da yanzu a City.

Bayern Munich ta yi canji biyu ko ta sauya sakamakon, inda Sadio Mane ya canji Leroy Sane, wadanda suka tafa hannu.

Ranar 11 ga watan Afirilu a Eihad, bayan da aka ci Bayern 3-0 an bai wa hammata iska tsakanin Mane da Sane, inda wasu rahotanni suka ce dan wasan Senegal ya naushi Sane.

Daya canjin da Bayern ta yi a lokaci guda shine wanda Joao Cancelo ya maye gurbin Alphonso Davies.

Wannan shine karon farko da aka tashi 1-1 tsakain kungoyin biyu, inda City ta yi nasara a hudu, Bayern Munich ta ci wasa uku daga takwas da suka kara a Champions League.

Wasa takwas tsakanin Bayern da Manchester City:

Champions League Laraba 11 ga watan Maris

Champions League Talata 11 ga watan Afirilu

Champions League Talata 25 ga watan Nuwambar 2014

Champions League Laraba 17 ga watan Satumbar 2014

Champions League Tu 10Dec 2013

Champions League We 02Oct 2013

Champions League We 07Dec 2011

Champions League Tu 27Sep 2011

Manchester City ta zama ta uku daga Ingila da ta kai daf da karshe a kaka uku a jere a Champions League idan ka hada da Chelsea da Manchester United.

Da wannan sakamakon Real Madrid za ta karbi bakuncin City a karawar daf da karshe ranar 10 ga watan Mayu a Santiago Bernabeu.

Wasa na biyu kuwa a City za ta yi ne ranar 15 ga watan Mayu - Real ce ta fitar da Manchester City a daf da karshe a bara.

Real Madrid mai rike da Champions League na bara mai 14 jimilla, ita ce ta yi waje da Liverpool da Chelsea a kakar nan.