You’re viewing a text-only version of this website that uses less data. View the main version of the website including all images and videos.
ભારતની શ્રીલંકા સામે વર્લ્ડ કપની આ અંતિમ લીગ મૅચ છે. ભારતે આ પહેલાં જ સેમિફાઇનલમાં સ્થાન નક્કી કરી લીધું છે.
ઇંગ્લૅન્ડ સામેની મૅચમાં ભારતની ટીમ નારંગી રંગની જર્સી પહેરીને જોવા મળી હતી. શનિવારની મૅચમાં ટીમ ઇંડિયા ફરી એક વખત બ્લૂ રંગની જર્સીમાં જોવા મળી હતી.
ગ્રાઉન્ડ પરથી ટીમ જણાવે છે કે દર્શકોમાં મોટી સંખ્યામાં લોકો બ્લૂ રંગની જર્સીમાં ભારતીય ટીમને ચીયર કરતા જોવા મળતા હતા.
ઓપનિંગમાં આવેલા લોકેશ રાહુલે અડધી સદી પૂર્ણ કરી છે. આ સાથે જ બન્ને ઓપનર્સે અર્ધસદી ફટકારી છે.
હાલમાં ભારતના 24 ઓવરમાં વિના વિકેટે 141 રન બની ચૂક્યા છે.
રોહિત શર્મા સાતત્યપૂર્ણ રીતે સદી તરફ આગળ વધી રહ્યા છે. જો તેઓ સદી મારી શકે તો સતત ત્રણ મૅચમાં ત્રણ સદી ફટકારવાનો રેકર્ડ સ્થાપિત કરશે. અગાઉ ભારતીય ટીમના કૅપ્ટન વિરાટ કોહલી આ અનોખી સિદ્ધિ હાંસલ કરી ચૂક્યા છે.
શ્રીલંકા સામેની મૅચમાં રોહિત શર્મા વર્લ્ડ કપ ટુર્નામેન્ટમાં સૌથી વધુ રન બનાવનારા ખેલાડી બની ગયા. તેમણે સાકિબના 606 રનના સર્વાધિન સ્કોરનો વિક્રમ તોડ્યો.
લીડ્સની પીચ સૂકી છે અને તેમાં થોડી તિરાડ પડવા લાગે છે. ગત એક કે બે સપ્તાહ દરમિયાન જે કોઈ ટીમે ટૉસ જીત્યો છે, તેણે બેટિંગ પસંદ કરી છે કારણ કે જેમ મૅચ આગળ વધે છે તેમતેમ પીચ સૂકી અને ધીમી બનવા લાગે છે. જે ટીમ પહેલા બેટિંગ કરે છે, તેને થોડો લાભ રહે છે.
શ્રીલંકા સામેની મૅચ ભારત ગમે તે ભોગે જીતવા માગશે, જેથી કરીને તે પૉઇન્ટ ટેબલમાં ટોચ ઉપર રહે. તો મંગળવારે ઑલ્ડ ટ્રેફૉર્ડ મેદાન ઉપર ભારત તથા ન્યૂઝીલૅન્ડ વચ્ચે ટક્કર થશે.
જો પૉઇન્ટ ટેબલમાં ભારત બીજા ક્રમે રહે તો ગુરૂવારે ઍડબેસ્ટન ખાતે ઇંગ્લૅન્ડ સામે મૅચ યોજાશે.
ઑલ્ડ ટ્રેફૉર્ડ સ્ટેડિયમ ખાતે ઑસ્ટ્રેલિયા અને દક્ષિણ આફ્રિકા વચ્ચે મૅચ યોજાઈ રહી છે.
રોહિત શર્માએ સિક્સ ફટકારી અડધી સદી પૂર્ણ કરી છે. તેઓ હાલમાં 59 રન પર રમી રહ્યા છે.
આ સાથે ભારતના વિના વિકેટે 97 રન થઈ ગયા છે. બીજી તરફ ઓપનિંગમાં ઉતરેલા લોકેશ રાહુલ 37 રન પર રમી રહ્યા છે.
અમ્પાયર ઈયાન 'ગોઉલ્ડ' માટે આજની મૅચ છેલ્લી છે. અમ્પાયર તરીકે આ તેમની 140મી અને અંતિમ ઇંટરનેશનલ વન-ડે મૅચ છે.
1983માં ભારતે વર્લ્ડ કપ જીત્યો હતો, તે સમયે તેઓ ઇંગ્લૅન્ડની ટીમના વિકેટકીપર હતા. એ સમયે સેમિફાઇનલમાં ભારતે ઇંગ્લૅન્ડને પરાજય આપ્યો હતો અને ફાઇનલમાં વેસ્ટ ઇન્ડીઝને પરાજય આપીને વર્લ્ડ કપ પોતાના નામે કર્યો હતો.
પીચ બ્રાઉન રંગની અને ફ્લેટ છે. ખાસ હલચલ નથી. બંને ઓપનર્સે કેટલાક સુંદર શોટ માર્યા છે.
ભારતીય ઓપનર્સ રોહિત શર્મા અને લોકેશ રાહુલ ભારતીય ટીમના સ્કોરને આગળ ધપાવી રહ્યા છે.
હાલમાં ભારત નવી ઓવર બાદ 52 રનના સ્કોર પર છે.
લીડ્સના મેદાન ઉપર આ પ્રેક્ષક જોવા મળ્યો હતો.
ભારતીય ટીમના ઓપનર રોહિત શર્મા અને લોકેશ રાહુલ બેટિંગ માટે વિકેટ પર આવી ચૂક્યા છે.
એક ઓવરમાં ભારતનો સ્કોર વિના કોઈ વિકેટના નુકસાને 2 રન છે.
50 ઓવર બાદ શ્રીલંકાના 7 વિકેટના નુકસાને 264 રન થયા છે. તેમની ટીમમાં એન્જેલો મેથ્યૂઝે સદી ફટકારી હતી.
ભારતને જીતવા માટે 50 ઓવરમાં 265 રન કરવાના છે.
એન્જેલો મેથ્યૂઝના રૂપમાં શ્રીલંકાની છઠ્ઠી વિકેટ પડી. મેથ્યૂઝે 113 બૉલમાં 113 રન બનાવી આઉટ થયા.
આ બાદ પેરેરા બે રન બનાવી હાર્દિક પંડ્યાને કૅચ આપી બેઠા.
હાલમાં શ્રીલંકા 260 રનને પાર કરી ચૂકી છે.