બંગાળ ચૂંટણી : નદીગ્રામનાં પરિણામો પર ઘેરાતું રહસ્ય

લાઇવ કવરેજ

1. 2 મે 2021પશ્ચિમ બંગાળમાં નવ સીટ પર તૃણમૂલ કૉંગ્રેસ આગળ

   ચૂંટણી પંચે જાહેર કરેલાં આંકડા અનુસાર પશ્ચિમ બંગાળમાં સવારના સાડા નવ વાગ્યા સુધી તૃણમૂલ કૉંગ્રેસ નવ સીટ પર આગળ છે. જ્યારે ભારતીય જનતા પાર્ટી ત્રણ સીટ પર આગળ ચાલી રહી છે.

   આસામમાં ભાજપ અને કૉંગ્રેસ બંને પાર્ટી બે-બે સીટ પર આગળ છે, જ્યારે આસામ ગણ પરિષદ અને બોડોલૅન્ડ પીપલ્સ ફ્રન્ટ એક-એક સીટ પર આગળ છે.

   કેરળમાં સીપીઆઈએમ 10 સીટ પર આગળ છે, જ્યારે કૉમ્યુનિસ્ટ પાર્ટી 2 પર અને કૉંગ્રેસ છ સીટ પર આગળ છે. અન્ય ચાર સીટ પર આગળ છે.

   પુડ્ડુચેરીમાં ભાજપ અને કૉંગ્રેસ એક એક સીટ પર આગળ છે.

   તામિલનાડુમાં ડીએમકે 7 સીટ પર, એઆઈડીએમકે 8 સીટ પર અને પટ્ટાઈ મક્કલ કાચી 2 સીટ પર આગળ છે.

2. 2 મે 2021પશ્ચિમ બંગાળમાં હાલ ચાલે છે પોસ્ટ બૅલેટની ગણતરી

   પશ્ચિમ બંગાળમાં હાલ પોસ્ટલ બૅલેટની ગણતરી ચાલી રહી છે.

   પોસ્ટ બૅલેટમાં ભાજપ અને ટીએમસીની વચ્ચે આકરી હરિફાઈ ચાલી રહી છે.

   પોસ્ટલ બૅલેટમાં કોઈ આગળ અને પાછળ હોવાથી જીત અને હારનો અંદાજો લગાવી શકાતો નથી.

3. 2 મે 2021અસમમાં બે સીટ પર કૉંગ્રેસ આગળ, પશ્ચિમ બંગાળમાં ભાજપ આગળ

   અસમમાં બે સીટ પર કૉંગ્રેસ આગળ, પશ્ચિમ બંગાળમાં ભાજપ આગળ

   વિવિધ રાજ્યોમાં નવ વાગ્યા સુધી આવેલા વલણ આવી ચૂક્યાં છે. સીવોટર પ્રમાણે પશ્ચિમ બંગાળમાં ભાજપ ત્રણ સીટ પર આગળ છે, જ્યારે તૃણમૂલ કૉંગ્રેસ એક સીટ પર આગળ છે.

   આસામમાં કૉંગ્રેસ 2 સીટ પર અને ભાજપ એક સીટ પર આગળ છે.

   પશ્ચિમ બંગાળ :

   ટીએમસી+ : 1 ભાજપ+ : 3 કૉંગ્રેસ+ : 0 અન્ય+ : 0

   તામિલનાડુ

   એઆઈડીએમકે+ : 1 ડીએમકે+ : 5 અન્ય+ : 1

   કેરળ

   એલડીએફ : 0 યુડીએફ : 0 અન્ય : 0

   આસામ

   ભાજપ+ : 1 કૉંગ્રેસ+ : 2 અન્ય 0

   પુડ્ડુચેરી

   ભાજપ : 0 કૉંગ્રેસ : 0 અન્ય : 0

4. 2 મે 2021કૉંગ્રેસના કાઉન્ટિંગ એજન્ટ બેભાન થતા કાઉન્ટિંગ સેન્ટ પરથી હૉસ્પિટલ લઈ જવાયા

   સમાચાર સંસ્થા એએનઆઈ અનુસાર નોર્થ 24 પરગણાના કૉંગ્રેસના કાઉન્ટિંગ એજન્ટ બેભાન થતા તેમને હૉસ્પિટલ ખસેડવામાં આવ્યા છે.

   કાઉન્ટિંગ એજન્ટ ગોપાલ સોમ પાનિહાટિના કૉંગ્રેસના ઉમેદવાર તપસ મજુમદારના કાઉન્ટિંગ એજન્ટ હતા.

5. 2 મે 2021બંગાળના ગુજરાતી નેતા દિનેશ ત્રિવેદીએ શું કહ્યું હતું?

   પશ્ચિમ બંગાળમાં ચૂંટણી પહેલાં ગુજરાતી અને મમતા બેનરજીના પક્ષમાં એક મોટા નેતા તરીકે જાણીતા દિનેશ ત્રિવેદી તૃણમુલ કૉંગ્રેસ છોડીને ભાજપમાં સામેલ થયા હતા.

   જે બાદ તેમણે બીબીસી સાથે વાત કરી હતી જેમાં તેમણે જણાવ્યું હતું કે તેઓ શા માટે ભાજપમાં જોડાયા હતા.

6. 2 મે 2021વધતા કોરોના વચ્ચે ચૂંટણીપંચે ક્યાં નવા દિશાનિર્દેશ જાહેર કર્યા છે?

   આજે પાંચ રાજ્યોમાં તાજેતરમાં યોજાયેલી વિધાનસભાની ચૂંટણીની મતગણતરી થઈ રહી છે.

   ચૂંટણીપંચે આ મતગણતરી માટે કોરોનાની બીજી લહેરને જોતાં દિશા-નિર્દેશ જારી કર્યા છે.

   • ચૂંટણીપંચનું કહેવું છે કે મતગણતરીકેન્દ્રમાં ફક્ત એ ઉમેદવારો કે એજન્ટને જવાની મંજૂરી હશે, જેમનો RT-PCR ટેસ્ટ નેગેટિવ હશે અથવા જેમણે વેક્સિનના બે ડોઝ લઈ લીધા હશે.
   • આ લોકોએ મતગણતરી શરૂ થવાના 48 કલાક પહેલાં RT-PCR અથવા રેપિડ એન્ટિજન ટેસ્ટનો નેગેટિવ રિપોર્ટ અથવા વૅક્સિનના બે ડોઝ લીધા હોવાનું સર્ટીફિકેટ આપવાનું રહેશે.
   • ઉપરાંત ચૂંટણીપંચે એ સ્પષ્ટ કર્યું છે કે મતગણતરીકેન્દ્રની બહાર લોકોને એકઠાં થવાની મંજૂરી નહીં હોય.
   • કાઉંન્ટિંગ હૉલ મોટો હોવો જોઈએ જેથી સોશિયલ ડિસ્ટેન્સિંગનું પાલન થઈ શકે.
   • મતગણતરી પહેલાં અને પછી મતગણતરીકેન્દ્રને સેનિટાઇઝ કરવામાં આવશે અને ઇવીએમ મશીનોને પણ સેનિટાઇઝ કરવામાં આવશે.
   • કોરોનાનાં લક્ષણોવાળી કોઈ પણ વ્યક્તિને મતગણતરીકેન્દ્ર પર આવવા દેવામાં નહીં આવે.
   • ચૂંટણીપંચે પહેલાં જ એ નિર્દેશ આપી દીધો છે કે કોઈ ઉમેદવાર જિત્યા બાદ વિજય સરઘસ નહીં કાઢે.
   • ચૂંટણીપંચે સ્પષ્ટ કર્યું છે કે જે પણ આ દિશા-નિર્દેશોનું પાલન નહીં કરે તેના વિરુદ્ધ સખત કાયદાકીય કાર્યવાહી કરવામાં આવશે.

7. 2 મે 2021બ્રેકિંગ, પશ્ચિમ બંગાળમાં ભાજપ શરૂઆતના વલણમાં આગળ - સીવોટર

   સી વોટર અનુસાર શરૂઆતના વલણોમાં પશ્ચિમ બંગાળમાં ભાજપ બે સીટ પર આગળ છે અને ટીએમસી એક સટી પર.

   ભાજપ પશ્ચિમ બંગાળમાં 2019ની લોકસભા ચૂંટણી બાદ મોટી તાકાત બનીને ઉભરી છે અને મમતા બેનરજીને આકરી ટક્કર આપી રહી છે.

8. 2 મે 2021વિધાનસભાના પરિણામ માટે મતગણતરી શરૂ

   ચાર રાજ્યો અને એક કેન્દ્રશાસિત પ્રદેશની વિધાનસભાની ચૂંટણીની મતગણતરી શરૂ થઈ ગઈ છે.

   સેંકડો કેન્દ્રો પર કોરોના ગાઇડલાઇનનું પાલન કરવાની સાથે મતગણતરી થઈ રહી છે. થોડીવારમાં

   જ વલણો આવવાનાં શરૂ થશે.

   એક્સિટ પોલ અનુસાર પશ્ચિમ બંગાળમાં ભાજપ અને તૃણમુલ કૉંગ્રેસ વચ્ચે કાંટાની ટક્કર જોવા મળશે. અસમમાં ભાજપ સત્તામાં બની રહેવાની શક્યતા, જ્યારે તમિલનાડુમાં વર્તમાન સરકાર સત્તા ખોઈ શકે છે.

9. 2 મે 2021બંગાળમાં બરાબરની ટક્કર કોણ મારશે બાજી મમતા કે મોદી?

   કોરોના મહામારી વચ્ચે ચાર રાજ્યો અને એક કેન્દ્રશાસિત પ્રદેશમાં કુલ 822 વિધાનસભા બેઠકો પર થયેલી ચૂંટણીની મતગણતરી આજે થવા જઈ રહી છે.

   ભારત જ્યારે કોરોના વાઇરસની ગંભીર સ્થિતિમાં જકડાયેલો છે અને દરરોજ હજારો લોકો સારવારના અભાવે દમ તોડી રહ્યા છે ત્યારે આ મતગણતરી શરૂ થવા જઈ રહી છે.

   આ મામલે ભારતના ચૂંટણીપંચની ટીકા થઈ રહી છે કે તેણે કોરોના મહામારીની વચ્ચે રેલીઓને મંજૂરી આપી. મદ્રાસ હાઇકોર્ટે તો ત્યાં સુધી કહી દીધું કે ચૂંટણીપંચ પર હત્યાનો કેસ દાખલ થવો જોઈએ.

   પશ્ચિમ બંગાળમાં કોરોનાની વચ્ચે મહિનો ચાલી ચૂંટણી

   પશ્ચિમ બંગાળમાં વિધાનસભાની ચૂંટણી માટે આઠ તબક્કામાં મતદાન થયું હતું. 27 માર્ચથી 29 એપ્રિલની વચ્ચે અહીં મતદાન થયું.

   સત્તાધારી તૃણમુલ કૉંગ્રેસ અને ભાજપે રાજ્યમાં ખૂબ જ આક્રમક ચૂંટણીપ્રચાર કર્યો. મમતા બેનરજીએ ત્રીજી વખત સત્તામાં આવવા માટે પૂરું જોર લગાવ્યું તો ભાજપે પણ તેને ભારે ટક્કર આપી.

   29 એપ્રિલે પશ્ચિમ બંગાળમાં છેલ્લા તબક્કાનું મતદાન પૂર્ણ થયા બાદ એક્સિટ પોલ જારી કરવામાં આવ્યા. જે મુજબ મમતા બેનરજી ત્રીજી વખત મુખ્ય મંત્રી બની શકે છે. જોકે, ચૂંટણી પરિણામ ટીએમસી અને ભાજપ વચ્ચે ખૂબ જ નજીક રહેશે.

10. 2 મે 2021પશ્ચિમ બંગાળમાં કોણ મારશે બાજી?

    પશ્ચિમ બંગાળમાં તૃણમુલ કૉંગ્રેસ, ભાજપ તથા કૉંગ્રેસ-ડાબેરી પક્ષો અને ઇન્ડિયા સૅક્યુલર ફ્રન્ટની યુતિ વચ્ચે ત્રિપાંખિયો જંગ છે.

    મમતા બેનરજીને આશા છે કે તેમનો પક્ષ સળંગ ત્રીજી વખત ચૂંટણી જીતવામાં સફળ રહેશે, જ્યારે ભાજપ અહીં પોતાનો ગઢ સ્થાપિત કરવા માગે છે.

    294 ધારાસભ્યોવાળી વિધાનસભા માટે આઠ તબક્કામાં મતદાન યોજાયું હતું.

    ચોથી મે સુધીમાં આગામી વિધાનસભાના ગઠનસંબંધિત સંપૂર્ણ કામગીરી પૂર્ણ કરી દેવાની રહેશે.

11. 2 મે 2021

    બીબીસી ગુજરાતીના લાઇવ પેજમાં તમારું સ્વાગત છે. અમે આ લાઇવ પેજમાં ચાર રાજ્યો અને એક કેન્દ્રશાસિત પ્રદેશમાં થયેલી ચૂંટણીની મતગતરીનાં વલણોની તમને માહિતી આપીશું.