You’re viewing a text-only version of this website that uses less data. View the main version of the website including all images and videos.
કોરોના વાઇરસ સંબધિત દેશ અને દુનિયાની અપડેટ અહીં મેળવો.
દિલ્હીની આઝાદપુર શાકમાર્કેટ ફરી ધમધમતી થઈ ગઈ છે. તે 24 કલાક ચાલુ રહેશે. અહીં સવારે છ વાગ્યાથી 10 વાગ્યા સુધી શાકભાજી તથા ફ્રૂટનું વેચાણ થશે.
આ સિવાય રાત્રે દસ વાગ્યાથી સવારે છ વાગ્યા સુધી ટ્રકોની અવરજવરને મંજૂરી આપવામાં આવી છે.
વર્લ્ડ હેલ્થ ઑર્ગેનાઇઝેશનના ટેડ્રસ એડૉનમનું કહેવું છે કે કોરોના સામેની લડાઈમાં રાષ્ટ્રીય તથા વૈશ્વિકસ્તરે આપણે એક નથી થઈ શક્યા, જેના કારણે આગામી સમયમાં સ્થિતિ વધુ ભયાનક બની શકે છે.
તેમણે કહ્યું કે અનેક લોકો તથા દેશ આ વાઇરસને સમજવામાં નિષ્ફળ રહ્યા છે. વિકસિત દેશો પણ આ અંગે અપૂરતી માહિતીને કારણે ખોટું અર્થઘટન કરી રહ્યાં છે.
યુરોપમાં કેવી રીતે લૉકડાઉનના નિયમ હળવા કરાય રહ્યાં છે તથા અમેરિકામાં શા માટે નાગરિકો રસ્તા ઉપર ઉતરીને પ્રદર્શન કરી રહ્યાં છે. કોરોના સંબંધિત દેશવિદેશના અપડેટ્સ તથા અન્ય ખબરો સાથે BBC ગુજરાતી સમાચાર સોમવારે સાંજે આઠ કલાકે GSTV પર પ્રસારિત થયા હતા.
જો આપ જોવાનું ચૂકી ગયા હો, તો અહીં નિહાળી શકો છો.
અમેરિકાએ હંગામી ધોરણે ઇમિગ્રેશન બંધ કર્યું છે. કોરોના વાઇરસને કારણે અમેરિકનોની નોકરીઓ ઉપર સંકટ ઊભું ન થાય, તે માટે રાષ્ટ્રપ્રમુખ વિશેષાધિકારનો ઉપયોગ કરીને આદેશ આપશે.
ડોનાલ્ડ ટ્રમ્પે ટ્વીટ કરીને આ વિશે માહિતી આપી હતી.
સમાચાર એજન્સી એએનઆઈ પ્રમાણે રાષ્ટ્રપતિભવનમાં કોરોના વાઇરસનો પૉઝિટિવ કેસ નોંધાતાં 125 પરિવારોને આઇસોલેશનમાં રહેવાની સલાહ આપવામાં આવી છે.
અમેરિકામાં કોરોના વાઇરસનો વ્યાપ વિશ્વમાં સૌથી વધારે છે, છતાં સેંકડો લોકો રસ્તા ઉપર ઊતર્યા હતા અને તેમણે લૉકડાઉનનો વિરોધ કર્યો હતો.
અલગ-અલગ રાજ્યોમાં વિરોધપ્રદર્શન કરનારાઓનું કહેવું છે કે કોરોના વાઇરસનો પ્રસાર અટકાવવાના નામે સરકાર દ્વારા લૉકડાઉન લાગુ કરવામાં આવ્યું છે, જે બિનજરૂરી છે.
આવા જ એક સમૂહના નેતાએ બી.બી.સી. સાથે વાત કરતાં કહ્યું, "અમારા રાજ્યને ખોલવામાં આવે, અન્યથા અમે જાતે જ ખોલી લઇશું."
મંગળવાર સવારની સ્થિતિ પ્રમાણે, અમેરિકામાં સાત લાખ 85 હજાર કેસ નોંધાયેલા છે. જ્યારે 41 હજાર કરતાં વધુ દરદીઓનાં મૃત્યુ થયાં છે. જે વિશ્વમાં સૌથી વધુ છે.
શુભ સવાર.
બીબીસી ગુજરાતીના લાઇવ પેજમાં આપનું સ્વાગત છે.
કોરોના વાઇરસના સંક્રમણ અંગેની ગુજરાત, દેશ તથા દુનિયાની અપડેટ્સ અમે તમારા માટે અહીં લઈને આવીશું.આ પહેલાં 24 કલાક દરમિયાન શું થયું, વાચવા માટે અહીં ક્લિક કરો