IND Vs AUS : ઑસ્ટ્રેલિયા સામેની છેલ્લી વનડે ભારતે જીતી, હાર્દિક પંડ્યા-રવીન્દ્ર જાડેજાનો શાનદાર દેખાવ
ઇમેજ સ્રોત, Twitter - Hardik Pandya
ઑસ્ટ્રેલિયા અને ભારત વચ્ચે સિરીઝની છેલ્લી વનડે મૅચ કૅનબરામાં રમાઈ રહી હતી જે ભારતે જીતી લીધી છે. ભારતની અગાઉની બે વનડે મૅચમાં હાર થઈ હતી.
ત્રીજી વનડે મૅચમાં ભારતના કૅપ્ટન વિરાટ કોહલીએ ટૉસ જીતીને પ્રથમ બૅટિંગનો નિર્ણય લીધો હતો. ઑસ્ટ્રેલિયા સામે ભારતે 303 રનોનું લક્ષ્ય મૂક્યું હતું. 50 ઓવરમાં પાંચ વિકેટ ગુમાવીને ભારતે 302 રન બનાવ્યા હતા.
ઑસ્ટ્રેલિયાની ટીમ 289 રનમાં ઑલઆઉટ થઈ ગઈ હતી.
હાર્દિક પંડ્યા સદી મારવાથી ચૂકી ગયા હતા, જોકે, તેમણે 92 રન બનાવ્યા અને રવીન્દ્ર જાડેજાએ 66 રન બનાવ્યા હતા.
હાર્દિક પંડયાને મૅન ઑફ ધ મૅચ જાહેર કરાયા હતા.
ભારત તરફથી શાર્દુલ ઠાકુરે 3, જસપ્રીત બુમરાહ અને ટી નટરાજને 2-2 અને કુલદીપ યાદવ અને રવીન્દ્ર જાડેજાએ 1-1 વિકેટ ઝડપી હતી.
ઇમેજ સ્રોત, BCCI
છઠ્ઠી વિકેટ માટે બંનેએ મળીને 150 રનની શાનદાર અણનમ પાર્ટનરશિપ કરી હતી અને ભારતના સ્કોરને 300ને પાર પહોંચાડવામાં અગત્યની ભૂમિકા નિભાવી હતી.
આ બંને બૅટ્સમૅન સિવાય વિરાટ કોહલીએ અર્ધશતક પૂર્ણ કરીને 63 રન બનાવ્યા હતા. કોહલીએ પોતાના વનડે કૅરિયરમાં 12000 રન પૂરા કર્યા હતા.
End of સૌથી વધારે વંચાયેલા સમાચાર
ઑસ્ટ્રેલિયા તરફથી ઍશટન એગરે બે વિકેટ, એડમ જંપાએ એક વિકેટ, જોશ હેઝલવુડે એક વિકેટ અને શૉન અબૉટને એક વિકેટ મળી હતી.
ઇમેજ સ્રોત, MohFW, GoI
આ લેખમાં Google YouTube દ્વારા પૂરું પાડવામાં આવેલું કન્ટેન્ટ છે. કંઈ પણ લોડ થાય તે પહેલાં અમે તમારી મંજૂરી માટે પૂછીએ છીએ કારણ કે તેઓ કૂકીઝ અને અન્ય તકનીકોનો ઉપયોગ કરી શકે છે. તમે સ્વીકારતા પહેલાં Google YouTube કૂકીઝ નીતિ અને ગોપનીયતાની નીતિ વાંચી શકો છો. આ સામગ્રી જોવા માટે 'સ્વીકારો અને ચાલુ રાખો'ના વિકલ્પને પસંદ કરો.
YouTube કન્ટેન્ટ પૂર્ણ
તમે અમનેફેસબુક, ઇન્સ્ટાગ્રામ, યૂટ્યૂબ અને ટ્વિટર પર ફોલો કરી શકો છો
