સાઉદી અરેબિયા: જેદ્દાહમાં 'બૉમ્બ બ્લાસ્ટ', અનેક ઘાયલ થયા હોવાની આશંકા

જેદ્દાહમાં આવેલો ફ્રાન્સનો દૂતાવાસ. અહીં એક ગાર્ડને ચપ્પુ મારવાની ઘટના તાજેતરમાં બની હતી

ઇમેજ સ્રોત, AFP

ઇમેજ કૅપ્શન, જેદ્દાહમાં આવેલો ફ્રાન્સનો દૂતાવાસ. અહીં એક ગાર્ડને ચપ્પુ મારવાની ઘટના તાજેતરમાં બની હતી
પ્રકાશિત
વાંચવાનો સમય: 1 મિનિટ

ફ્રાન્સના આંતરિક મંત્રાલયનું કહેવું છે કે સાઉદી અરબના જેદ્દાહ શહેરમાં બિનમુસ્લિમ અંતિમક્રિયા સ્થળે એક બૉમ્બ બ્લાસ્ટ થયો હોવાના અને તેમાં અનેક લોકો ઘાયલ થયા હોવાના સમાચાર છે.

વિશ્વયુદ્ધના અંતની સ્મૃતિમાં યોજાયેલા એક કાર્યક્રમ દરમિયાન આ બૉમ્બ બ્લાસ્ટ હુમલો થયો છે.

આ કાર્યક્રમમાં અનેક દૂતાવાસના લોકો સામેલ હતા.

મંત્રાલયનું કહેવું છે કે બિન-મુસ્લિમના એક કબ્રસ્તાનમાં અનેક લોકો ઘાયલ થયા છે. જોકે, આ બાબતે સાઉદી અરેબિયા તરફથી કોઈ પ્રતિક્રિયા આવી નથી.

સાઉદી અરેબિયામાં હાજર ફ્રાન્સના એક પત્રકારે હુમલાની અનેક તસવીરો સોશિયલ મીડિયા પર પોસ્ટ કરી છે, આ તસવીરોમાં દરેક બાજુ લોહી જોઈ શકાય છે.

બદલો X કન્ટેન્ટ
X કન્ટેન્ટને મંજૂરી આપીએ?

આ લેખમાં X દ્વારા પૂરું પાડવામાં આવેલું કન્ટેન્ટ છે. કંઈ પણ લોડ થાય તે પહેલાં અમે તમારી મંજૂરી માટે પૂછીએ છીએ કારણ કે તેઓ કૂકીઝ અને અન્ય તકનીકોનો ઉપયોગ કરી શકે છે. તમે સ્વીકારતા પહેલાં X કૂકીઝ નીતિ અને ગોપનીયતાની નીતિ વાંચી શકો છો. આ સામગ્રી જોવા માટે 'સ્વીકારો અને ચાલુ રાખો'ના વિકલ્પને પસંદ કરો.

થર્ડ પાર્ટી કન્ટેટમાં જાહેરખબર હોય શકે છે

X કન્ટેન્ટ પૂર્ણ

ફ્રાન્સનાં ક્લૅરેન્સ રોડ્રિગ્યુઝે ફોટો ટ્વીટ કરીને બુધવારે લખ્યું, "જેદ્દાહમાં બિનમુસ્લિમ કબ્રસ્તાનમાં હુમલો કરવામાં આવ્યો છે. 11 નવેમ્બરની સેરેમની દરમિયાન. ફ્રાન્સ, આયર્લેન્ડ અને બ્રિટનના કાઉન્સિલ જનરલની હાજરીમાં હુમલો કરવામાં આવ્યો."

તેમણે એમ પણ લખ્યું કે "ત્યાં અનેક ઘાયલ...13 દિવસ પહેલાં ચપ્પુથી કાઉન્સલેટની બહાર કરાયેલાં હુમલા પછી, ફ્રાન્સને ફરીથી ટાર્ગેટ કરવામાં આવ્યું છે."

જોકે, આ ઘટનાને લઈને સાઉદી અરબિયા તરફથી કોઈ પ્રકારની પુષ્ટિ કરવામાં આવી નથી, પરંતુ જેદ્દાહ શહેરમાં તણાવ છે. 12 દિવસ પહેલાં જેદ્દાહસ્થિત ફ્રાન્સના વાણિજ્ય દૂતાવાસમાં એક ગાર્ડને ચપ્પુ મારવામાં આવ્યું હતું.

તાજેતરમાં ફ્રાન્સમાં પેંગબર મોહમ્મદના કાર્ટૂન અને તેને પગલે શિક્ષકની હત્યાની ઘટના પણ બની હતી.

આમાં વધારે વિગતો ઉમેરાઈ રહી છે.

કોરોના વાઇરસની હેલ્પલાઇનના નંબર

ઇમેજ સ્રોત, MohFW, GoI

કોરોના વાઇરસ
બદલો YouTube કન્ટેન્ટ
Google YouTube કન્ટેન્ટને મંજૂરી આપીએ?

આ લેખમાં Google YouTube દ્વારા પૂરું પાડવામાં આવેલું કન્ટેન્ટ છે. કંઈ પણ લોડ થાય તે પહેલાં અમે તમારી મંજૂરી માટે પૂછીએ છીએ કારણ કે તેઓ કૂકીઝ અને અન્ય તકનીકોનો ઉપયોગ કરી શકે છે. તમે સ્વીકારતા પહેલાં Google YouTube કૂકીઝ નીતિ અને ગોપનીયતાની નીતિ વાંચી શકો છો. આ સામગ્રી જોવા માટે 'સ્વીકારો અને ચાલુ રાખો'ના વિકલ્પને પસંદ કરો.

થર્ડ પાર્ટી કન્ટેટમાં જાહેરખબર હોય શકે છે

YouTube કન્ટેન્ટ પૂર્ણ

તમે અમને ફેસબુક, ઇન્સ્ટાગ્રામ, યૂટ્યૂબ અને ટ્વિટર પર ફોલો કરી શકો છો