IPL 2022 : નવી બે ટીમો અને નવા નિયમો સાથે પ્રારંભ

વિશ્વના સૌથી ધનવાન ક્રિકેટ બોર્ડ બીસીસીઆઈની સૌથી મોટી ટૂર્નામેન્ટ આઈપીએલની 25મી સિઝન 26 માર્ચથી શરૂ થઈ રહી છે.

દેશી-વિદેશી ખેલાડીઓથી સજ્જ આ ટૂર્નામેન્ટનું મહત્ત્વ તેના પરથી જ લગાવી શકાય છે કે વિશ્વભરમાં કોરોનાની વિકટ પરિસ્થિતિ વચ્ચે તેનું પાછલું સંસ્કરણ ખૂબ જ સફળતાપૂર્વક આયોજિત થયું હતું. ભલે ને તે યુએઈમાં કેમ ન હોય?

આઈપીએલ સાથે અનેક વિવાદ પણ જોડાયેલા છે પરંતુ તેનાથી તેની લોકપ્રિયતા પર કોઈ અસર પડી નથી અને તે દિવસરાત પ્રગતિ કરતી રહી છે. આજે પરિણામ એ છે કે આ વખતે દસ ટીમો ચૅમ્પિયન બનવાની હોડમાં ઊતરશે. આ સિવાય ઘણા ફેરફાર પણ જોવા મળશે.

આ સિઝન "ટાટા આઈપીએલ 2022"ના નામે ઓળખાશે.

ચૅન્નઈ અને કૉલકાતાથી શરૂ થશે પ્રારંભ

ગઈ વખતની ચૅમ્પિયન ચૅન્નઈ સુપરકિંગ્સ અને કોલકાતા નાઇટરાઇડર્સ વચ્ચે યોજાનારી પ્રથમ મૅચ સાથે આ સિઝનની શરૂઆત થશે. આ મૅચ 26 માર્ચે મુંબઈના વાનખેડે સ્ટેડિયમમાં યોજાશે. આ વખતે આઈપીએલમાં 70 લીગ મૅચ અને ચાર પ્લે ઑફ રમાશે.

આ વખતે "12 ડબલ હૅડર" એટલે કે (એક દિવસમાં બે મૅચ) યોજાશે. તેમાં દિવસની પહેલી મૅચ બપોરે સાડા ત્રણ વાગ્યે અને સાંજની મૅચ સાડા સાત વાગ્યે શરૂ થશે. ફાઇનલ મૅચ 29 મે ના રોજ યોજાશે.

આ વખતે તમામ મૅચ મુંબઈમાં વાનખેડે અને ક્રિકેટ ક્લબ ઑફ ઇન્ડિયા, નવી મુંબઈમાં ડી. વાય. પાટીલ અને પુણેમાં મહારાષ્ટ્ર ક્રિકેટ ઍસોશિયેશન સ્ટેડિયમમાં રમાશે.

કૅપ્ટનશિપ છોડીને ધોનીએ સૌને ચોંકાવ્યા

ઇન્ડિયન પ્રીમિયર લીગ (IPL) અંગે ગુરુવારે એક મોટો ફેરફાર જોવા મળ્યો. મહેન્દ્રસિંહ ધોનીએ ચેન્નઈ સુપર કિંગ્સ (CSK)ની કપ્તાની છોડી દીધી છે. તેમની જગ્યાએ ઑલરાઉન્ડર રવીન્દ્ર જાડેજાને કૅપ્ટન બનાવવામાં આવ્યા છે.

ધોની એક સિનિયર ખેલાડી તરીકે ટીમની સાથે જ રહેશે. આઈપીએલમાં આ વખતે બે નવી ટીમો ઉમેરાતાં ફરીથી ખેલાડીઓની હરાજી થઈ હતી. દરેક ટીમને ચાર ખેલાડીઓને રિટેઇન કરવાની તક આપવામાં આવી હતી.

જાડેજાને ચેન્નઈની ફ્રેન્ચાઇઝીએ ધોની કરતાં પણ વધારે રકમ આપીને રિટેઇન કર્યા હતા. જાડેજાને ચેન્નઈ સુપર કિંગ્સે 16 કરોડ તથા ધોનીને 12 કરોડ રૂપિયા આપ્યા હતા.

આઈપીએલમાં ગુજરાતની મૅચ ક્યારે-ક્યારે?

સંપૂર્ણ કાર્યક્રમ માટે અહીં ક્લિક કરો.

આ વખતની આઈપીએલની કેટલીક નવીન બાબતો

તમે અમને ફેસબુક, ઇન્સ્ટાગ્રામ, યૂટ્યૂબ અને ટ્વિટર પર ફોલો કરી શકો છો