સ્થાનિકસ્વરાજ ચૂંટણી : નગરપાલિકા, જિલ્લા-તાલુકા પંચાયતમાં કોણ બાજી મારશે?

સ્થાનિકસ્વરાજની ચૂંટણીનો બીજો રાઉન્ડ રવિવારે યોજાયો હતો. જેમાં મતદારોએ 81 નગરપાલિકા, 31 જિલ્લા પંચાયત તથા 231 તાલુકા પંચાયત ઉપર પોતાના ઉમેદવારોને ચૂંટવા માટેના અધિકારનો પ્રયોગ કર્યો હતો.

આ પહેલાં પહેલા રાઉન્ડમાં અમદાવાદ, વડોદરા, સુરત, રાજકોટ, જામનગર અને ભાવનગર એમ છ મહાનગરપાલિકામાં ચૂંટણી યોજાઈ હતી. જેમાં ભાજપનો વિજય થયો હતો અને પોતાના ગઢ જાળવી રાખ્યા હતા.

પાટીદાર અનામત આંદોલનના ઓછાયા હેઠળ નવેમ્બર-2015માં યોજાયેલી ચૂંટણી દરમિયાન મ્યુનિસિપલ કૉર્પોરેશનમાં ભાજપનો વિજય થયો હતો, પરંતુ તાલુકા અને જિલ્લા પંચાયતની ચૂંટણીમાં તેનું પ્રદર્શન નબળું રહ્યું હતું અને તે બીજા ક્રમે ધકેલાઈ ગયો હતો.

નગરપાલિકા, જિલ્લા તથા તાલુકા પંચાયતની ચૂંટણીનાં પરિણામો બીજી માર્ચે જાહેર થશે.

આંકડામાં ચૂંટણીનો ચકરાવો

સ્થાનિકસ્વરાજની ચૂંટણીમાં સરેરાશ 56થી 64 ટકા મતદાન નોંધાયું હતું. રાત્રે 9.30 કલાકની સ્થિતિ મુજબ રાજ્યમાં નગરપાલિકાની ચૂંટણીમાં 56.29%, જિલ્લા પંચાયતની ચૂંટણીમાં 63.34% અને તાલુકા પંચાયતમાં 64.14% સરેરાશ મતદાન નોંધાયું છે.

નગરપાલિકાની ચૂંટણીમાં સૌથી વધુ મતદાન (રાત્રે 9.30 કલાકની સ્થિતિ પ્રમાણે) તાપી જિલ્લામાં 70.06 ટકા નોંધાયું હતું. અહીં સાત વૉર્ડમાં વોટિંગ થયું હતું. સૌથી ઓછું મતદાન કચ્છ જિલ્લામાં 46.70% નોંધાયું હતું. વડોદરામાં 69.06%, જામનગર જિલ્લામાં 66.18 %, સુરત જિલ્લામાં 64.83%, ગાંધીનગર જિલ્લામાં 61.85%, અમદાવાદ જિલ્લામાં 61.22%, જૂનાગઢ જિલ્લામાં 50.29% અને મુખ્ય મંત્રી વિજય રુપાણીના મતવિસ્તાર રાજકોટ જિલ્લામાં 50.39% જેટલું સરેરાશ મતદાન નોંધાયું હતું.

જિલ્લા પંચાયતની ચૂંટણીમાં રાજ્યમાં સૌથી વધુ મતદાન (રાત્રે 9.30 કલાકે) નર્મદા જિલ્લામાં 78.72% નોંધાયું હતું. તાપીમાં 71.44%, ડાંગમાં 71.16% અને ગાંધીનગરમાં 70.10 સાથે સરેરાશ 70% કરતાં વધુ મતદાન થયું હતું. સૌથી ઓછું મતદાન દાહોદમાં 54.49% નોંધાયું હતું. ગુજરાત વિધાનસભામાં વિપક્ષના નેતા પરેશ ધાનાણીના ગઢ અમેરલી તેનાથી જરાક જ આગળ હતો, જ્યાં 54.51% મતદાન નોંધાયું હતું.

જિલ્લા પંચાયતની ચૂંટણી માટે અમુક જિલ્લાની વાત કરીએ તો વડોદરામાં 69.80%, જામનગરમાં 63.36%, અમદાવાદમાં 68.16%, જૂનાગઢમાં 59.79%, રાજકોટમાં 59% તથા ભાવનગરમાં 58.16% જેટલું સરેરાશ મતદાન નોંધાયું હતું.

તાલુકા પંચાયતની ચૂંટણીની વાત કરીએ તો નર્મદામાં 73.92% સાથે રાજ્યનું સર્વાધિક અને 54.54% સાથે અમરેલીમાં ન્યૂનતમ મતદાન નોંધાયું હતું. ડાંગમાં 72.15%, તાપીમાં 71.68% તથા ગાંધીનગરમાં71.14% અને સાબરકાંઠામાં 70.17% વોટિંગ સાથે મતદાને 70% કરતાં વધુ મતદાન નોંધાવ્યું હતું.

અમદાવાદમાં 68.12%, સુરતમાં 68.36%, મહેસાણામાં 65.77%, જામનગરમાં 62.84%, રાજકોટમાં 60.90%, જૂનાગઢમાં 59.44% અને ભાવનગરમાં 58.52% જેટલું સરેરાશ મતદાન નોંધાયું હતું.

આપ અને AIMIM મુકાબલામાં

AIMIMએ મોડાસા, ગોધરા અને ભરૂચ જેવી લઘુમતીઓના પ્રભુત્વવાળી નગરપાલિકાઓમાં પ્રથમ વખત પોતાના ઉમેદવાર ઉતાર્યા છે.

હૈદરાબાદસ્થિત ઑલ ઇન્ડિયા મજલિસ-એ-ઇત્તેહાદુલ મુસલમીન (AIMIM)ના અસદુદ્દીન ઓવૈસીએ સ્થાનિક સ્વરાજની ચૂંટણીઓ પૂર્વે અમદાવાદની જમાલપુર બેઠક ઉપરથી પૂર્વ ધારાસભ્ય સબીર કાબુલીવાલાની ગુજરાતના પ્રદેશાધ્યક્ષ તરીકે નિમણૂક કરી હતી. પાર્ટીએ છોટુભાઈ વાસાવાની બી.ટી.પી. (ભારતીય ટ્રાઇબલ પાર્ટી) સાથે ગઠબંધન કર્યું છે.

દિલ્હીના મુખ્ય મંત્રી તથા આમ આદમી પાર્ટી સુરતમાં રોડશૉ દરમિયાન નાગરિકોને પોતાની પાર્ટી તરફ આકર્ષવાનો પ્રયાસ કર્યો હતો.

નગરપાલિકાની ચૂંટણીની વિશે

જિલ્લા પંચાયતની ચૂંટણી વિશે

તાલુકા પંચાયતની ચૂંટણી વિશે

ફ્લૅશબૅકમાં કાર્યક્રમ

નગરપાલિકા, જિલ્લા પંચાયત તથા તાલુકા પંચાયતની ચૂંટણીકાર્યક્રમ ઉપર વિહંગાવલોકન કરીએ તો:

મળતી માહિતી મુજબ, ગુજરાત સ્ટેટ રિઝર્વ પોલીસ અને પોલીસના 44 હજાર જવાન, હૉમગાર્ડના 54 હજાર જવાન તથા કેન્દ્રીય અર્ધલશ્કરી સુરક્ષાબળોની 12 કંપનીઓ નિષ્પક્ષ અને ન્યાયી ચૂંટણી યોજાય તે માટે સુરક્ષાવ્યવસ્થા સંભાળશે.

તમે અમનેફેસબુક, ઇન્સ્ટાગ્રામ, યૂટ્યૂબ અને ટ્વિટર પર ફોલો કરી શકો છો