ગુજરાતમાં બેસતે ચોમાસે જ ઠેર-ઠેર પાણી ભરાયાં, જાણો ક્યાં કેવી વરસાદની આગાહી

ગુજરાત ચોમાસાનું આગમન થઈ ગયું છે. અમદાવાદ સહિત ગુજરાતમાં અનેક જગ્યાએ વરસાદ પડી રહ્યો છે. ભારે વરસાદને કારણે શહેરમાં પાણી ભરાવાના પણ સમાચાર આવી રહ્યા છે.

અમદાવાદ શહેરમાં વહેલી સવારથી વરસાદ શરૂ થયો છે.

જોકે હાલમાં જ અમદાવાદ મ્યુનિસિપલ કૉર્પોરેશને ડ્રેનેજ અને અન્ય વિકાસ કાર્યો માટે 130 કરોડ રૂપિયા ફાળવવાના સમાચાર આવ્યા હતા.

અહમદાવાદમાં ભારે વરસાદને કારણએ બાપુનગર વિસ્તારમાં પાણી ભરાઈ ગયા હતા. એ સિવાય સૌરાષ્ટ્રમાં રાજકોટમાં પણ વરસાદ પડી રહ્યો છે.

સ્થાનિક પત્રકાર દક્ષેશ શાહ મુજબ ગુજરાતના દાહોદ જિલ્લામાં શુક્રવારથી મધરાત્રે ભારે પવન તેમજ વિજળીના કડાકા ભડાકા સાથે વરસાદ પડતા વૃક્ષો પડી ગયા હતા અને કેટલાક વાહનોને નુકસાન થયું હતું. એ સિવાય શહેરમાં એક દીવાલ ધરાશાયી થઈ હતી.

ભારે વરસાદની આગાહી

અમદાવાદમાં હવામાન ખાતાના એડિશનલ ડાયરેક્ટર મનોરમા મોહન્તીએ શનિવારે જણાવ્યું હતું કે આવતા 24 કલાકમાં ગુજરાતમાં મૉનસૂન પ્રવેશી જશે.

એ સિવાય ભારતીય હવામાન ખાતાએ મહારાષ્ટ્રના વિદર્ભમાં ભારેથી અતિ ભારે વરસાદ અને મધ્ય પ્રદેશમાં અમુક સ્થળોએ ભારે વરસાદની આગાહી કરી છે.

તમે અમને ફેસબુક, ઇન્સ્ટાગ્રામ, યૂટ્યૂબ અને ટ્વિટર પર ફોલો કરી શકો છો