રાહુલ ગાંધીએ કહ્યું, આ નરેન્દ્ર મોદી સાથે જીભાજોડીનો નહીં, કોરોના સામે લડવાનો સમય

કૉંગ્રેસના પૂર્વ અધ્યક્ષ રાહુલ ગાંધીએ આજે વીડિયો કૉન્ફરન્સના માધ્યમથી પત્રકાર પરિષદ યોજી હતી.

આ પત્રકારપરિષદમાં તેમણે સરકારની ટીકા કર્યા વગર કોરોના વાઇરસની મહામારીને થવા અંગે સૂચનો કર્યા અને પત્રકારોના સવાલોના જવાબ આપ્યા.

રાહુલ ગાંધીએ કહ્યું કે તેઓ નરેન્દ્ર મોદીએ શું ભૂલો કરી છે તે અંગે તેઓ દેશ કોવિડ-19ને હરાવી દેશે એ પછી વાત કરશે.

એમણે કહ્યું કે, નરેન્દ્ર મોદી સાથે અનેક બાબતે અસંમત છું પરંતુ આ પક્ષ-વિપક્ષની લડાઈ નથી દેશની લડાઈ છે.

એમણે સરકારે આપેલા આર્થિક પૅકેજને વધારવાનું સૂચન કર્યું તથા સરકારી ગોડાઉનોમાં રહેલુ અનાજ તાત્કાલિક લોકોને આપવા કહ્યું.

તેમણે વાંરવાર રણનીતિપૂર્વક વધારે ટેસ્ટિંગ પર ભાર મૂક્યો. રાહુલ ગાંધીએ અર્થતંત્ર અને આરોગ્ય એમ બેઉ રણનીતિઓના તાલમેલની વાત પણ કહી.

એમણે કહ્યુ કે કોરોના સામે લડવામાં આપણી સોચ મહત્ત્તવની છે અને ઉતાવળમાં પોતાને વિજયી ઘોષિત કરી દેવાની ભૂલ ન કરવી જોઈએ.

નરેન્દ્ર મોદી કોઈને કૅડ્રિટ નથી આપવા માગતા એટલે વિપક્ષના રાજ્યોની વાત નથી સાંભળતા એ મુદ્દે રાહુલ ગાંધીએ એમ પણ કહ્યું, જેને કૅડ્રિટ લેવી હોય એ લે, અત્યારે કોવિડ-19ને હરાવવો અને દેશ બચાવવો મહત્ત્વનો છે.

રાહુલ ગાંધીએ વીડિયો દ્વારા યોજેલી પત્રકારપરિષદ ની મુખ્ય વાતો.

તમે અમનેફેસબુક, ઇન્સ્ટાગ્રામ, યૂટ્યૂબ અને ટ્વિટર પર ફોલો કરી શકો છો