ચોમાસું વહેલું શરૂ થાય તેવી શક્યતા, ગુજરાતના હવામાનમાં કેવા ફેરફાર થશે?

કેરળમાં ચોમાસું શરૂ થવાની અધિકારીક તારીખ 1 જૂન છે પરંતુ આ વર્ષે ચોમાસું વહેલું શરૂ થાય તેવી શક્યતા દેખાઈ રહી છે.

હવામાન વિભાગની આગાહી પ્રમાણે દક્ષિણ-પશ્ચિમ ચોમાસું આગામી 2-3 દિવસમાં હજી પણ વધારે આગળ વધીને કેરળની નજીક પહોંચે તેવી સંભાવના છે.

કેરળમાં આ વખતે 26 મેની આસપાસ ચોમાસું શરૂ થાય તેવું પૂર્વાનુમાન હવામાન વિભાગે કર્યું છે.

આગામી 2 થી 3 દિવસમાં દક્ષિણ-પશ્ચિમ અને દક્ષિણ-પૂર્વ અરબી સમુદ્રના વધુ કેટલાક ભાગો, તેમજ બંગાળની ખાડીના દક્ષિણ અને મધ્ય ભાગો સહિત સમગ્ર આંદામાન સમુદ્રમાં ચોમાસું આગળ વધે તેવી પ્રબળ સંભાવના છે.