Icyegeranyo cya FIFA kuri ruswa: Umugambi w'Ubwongereza wo gupiganira kwakira igikombe wari umeze "nk'uburyo bwa ruswa"

Ishyirahamwe ry'Umupira w'Amaguru ku Isi, FIFA, ryasohoye raporo icyegeranyo cy'ibanga cyakozwe ku mahano ya ruswa.

Iyi ruswa ivugwa kuba yaramunze iri shyirahamwe mu cyemezo cyo kwemeza ibihugu bizakira igikombe cy'isi muri 2018 na 2022 muri Qatar no mu Burusiya.

Ibi bikozwe nyuma y'uko igice kimwe cy'iyi raporo gitangarijwe n'ikinyamakuru cyo mu Budage cyitwa Bild.

Iperereza ryakozwe n'umunyamategeko wo muri Leta Zunze Ubumwe za Amerika, Michael Garcia.

Yeguye ku mwanya we mu rwego rwo kwamagana icyemezo cya FIFA cyo gutangaza incamake ya raporo ye gusa.

FIFA ubu noneho iravuga ko yafashe umwanzuro wo kuyitangaza yose mu rwego rwo kwirinda ko hatangazwa amakuru ayobya.