Igikombe c'isi Qatar 2022: Nagenze 1.600km kugira nshike i Qatar

Urugendo rwo gushika ku gikombe c'isi Qatar 2022 rwari rwuzuyemwo ibitabonywe kumwe na bose.

Ariko ku bakunzi b'umupira w'amaguru b'Abarabu, ni akaryo ko kwigina no kunezezwa n'ihiganwa ryenurira ayandi yose kw'isi.

Kuri Abdullah al-Salmi ni indoto yabaye impamo.

Yagenze n'amaguru ibirometero 1.600 kuva mu muji abamwo wa Jeddah muri Arabie Saudite gushika i Doha.

Yabwiye igisata ca BBC gitangaza mu carabu yuko naho yahuye n'ibibazo bitoroshe, ari ibintu aticuza na gatoyi.