Ukraine – Russia: N'ingabo ziri ku rugamba zahimbaje Noweli, ariko ibitero vyo nta gahengwe

Inyandiko gusa
Yatangajwe

Ingabo za Ukraine ziri ku rugamba zifatanije n’abanyagihugu mu guhimbaza Noweli ariko Uburusiya nta gahengwe buyiha mu bitero vyabwo, aho imenyesha ko yaraye ikoroye indege z’intambara zibiri hamwe n’amadrone y’ubwiyahuzi 29 kuri 31 yari arungitswe n’Uburusiya.

Uno mwaka, ku ncuro ya mbere mu gihugu cose, Ukraine yahimbaje Noweli ku wa 25 Kigarama (12), nk'uko bimeze ku bakristu hafi bose kw'isi yose, aho kuyihimbaza ku wa 01 z'ukwa mbere nk'uko bimeze mu Burusiya n'idini ryabwo rya Orthodox.

Itegeko ryo guhimbaza Noweli ku wa 25 Kigarama nk'uko biri mu kirangamisi ca Gregori (calendrier grégorien/Gregorian calendar) ryateweko igikumu na Perezida Vladimir Zelensky wa Ukraine mu kw'indwi uno mwaka, aca atangaza ko ku wa 25 Kigarama ari umusi w'akaruhuko.

Ku rugamba, n'ingabo zahimbaje Noweli, uyu ni umwe mu ngabo za Ukraine zikoresha ikimodoka c'intambara co mu bwoko bwa T-64 zirwanira hafi ya Bakhmut, yambaye umwambaro wa Noweli

Ahavuye isanamu, Getty Images

Insiguro y'isanamu, Ku rugamba, n'ingabo zahimbaje Noweli, uyu ni umwe mu ngabo za Ukraine zikoresha ikimodoka c'intambara co mu bwoko bwa T-64 zirwanira hafi ya Bakhmut, yambaye umwambaro wa Noweli
Mu masengesho y'ijoro rya Noweli bari mu nzu yo mu kuzimu hafi y'igisagara ca Avdeevka kirangwamwo intambara

Ahavuye isanamu, AFU General Staff

Insiguro y'isanamu, Mu masengesho y'ijoro rya Noweli bari mu nzu yo mu kuzimu hafi y'igisagara ca Avdeevka kirangwamwo intambara
Umukuru w'umurwi w'ingabo zirwanira mu karere ka Avdeevka yasharije mu cumba arimwo akoresheje ibiranga Noweli

Ahavuye isanamu, Reuters

Insiguro y'isanamu, Umukuru w'umurwi w'ingabo zirwanira mu karere ka Avdeevka yasharije mu cumba arimwo akoresheje ibiranga Noweli
Mu gisagara ca Lviv, abasirikare bitabiriye ibirori vyo guhimbaza Noweli mu gihe haba igitero c'Uburusiya kuri ico gisagara

Ahavuye isanamu, Reuters

Insiguro y'isanamu, Mu gisagara ca Lviv, abasirikare bitabiriye ibirori vyo guhimbaza Noweli mu gihe haba igitero c'Uburusiya kuri ico gisagara

Ahandi vyagenze gute?

Muri metro ya Kharkov naho bari biteguriye ibirori

Ahavuye isanamu, AFP

Insiguro y'isanamu, Muri metro ya Kharkov naho bari biteguriye ibirori
Aha ni kw'isengero nkuru, St. Michael's Cathedral, ku mugwa mukuru Kyiv

Ahavuye isanamu, EPA

Insiguro y'isanamu, Aha ni kw'isengero nkuru, St. Michael's Cathedral, ku mugwa mukuru Kyiv

Hagati aho, ku rugamba nta gahengwe

Mu gihe irya n'ino mu gihugu ibirori bibandanya, ku rugamba nta kuruhuka.

Mu cegeranyo vyatanze mu gatondo ko kuri uno musi wa Noweli, ibiro bikuru vy'igisirikare ca Ukraine vyatangaje ko ingabo zaco zakoroye indege zibiri z'intambara, imwe yo mu bwoko bwa Su-34, iyindi yo mu bwoko bwa Su-30.

Ni mu gihe ku wa gatanu igisirikare ca Ukraine catangaje ko cakoroye izindi ndege zitatu z'intambara zo mu bwoko bwa Su-34 nyene mu bumanuko bw'igihugu.

Uruhande rw'Uburusiya ntaco rwashikirije ku mugaragaro kuri izi ndege zabwo zakorowe.

Izi ndege zo muri ubu bwoko bwompi, Su-34 na Su-30 ni indege z'intambara zigeweho, zigurwa mu mamiriyoni mirongo y'amadorari y'Abanyamerika imwe'imwe.

Skip Ibisomwa cane and continue reading
Ibisomwa cane

End of Ibisomwa cane

Muri iki cegeranyo nyene co mu gatondo ko kuri uno wa 25 Kigarama, ibiro bikuru vya gisirikare vyatangaje ko mu gikorwa co gutuza ibitero vy'indege z'ubwiyahuzi mw'ijoro ryakeye cakoroye indege z'intambara zitagira abadereva (drone) 29 kuri 31 zari zirungitswe n'Uburusiya, mu ntara ya Odessa, hamwe no mu turere two hagati no mu burengero bwa Ukraine.

Hagati aho, igisirikare ca Ukraine ntikivuga iyo aya madrone yandi abiri kitashoboye gukorora iyo yahereye.