Nigeria igiye guca kwigisha mu Cyongereza mu mashuri abanza

Abanyeshuri bicaye mu ishuri imbere yabo hahagaze umwarimu w'umugore — Insiguro y'isanamu, Kuri ubu amashuri yose yo muri Nigeria akoresha Icyongereza nk'ururimi rumenyerewe rwo kwigishamo

Yatangajwe 1 Ukw'icumi na kabiri 2022

Ishaq Khalid

BBC News, Abuja

Leta ya Nigeria yatangaje gahunda igamije guteza imbere kwigisha abanyeshuri bo mu mashuri abanza mu ndimi zo muri Nigeria aho kubigisha mu Cyongereza.

Minisitiri w'uburezi wa Nigeria Adamu Adamu ku wa gatatu yabwiye abanyamakuru ko iyi gahunda nshya izwi nka 'National Language Policy' yemejwe ngo ishyirwe mu bikorwa.

Bijyanye n'iyi gahunda, kwigisha mu myaka itandatu ya mbere yo mu mashuri abanza bizajya bikorwa mu rurimi kavukire.

Icyongereza ni rwo rurimi rukoreshwa mu butegetsi kandi amashuri yose arukoresha nk'ururimi rumenyerewe rwo kwigishamo.

Skip content and continue reading

Hushpuppi: Uwakoze uburiganya wo muri Nigeria yakatiwe gufungwa imyaka 11 muri US 8 Ukw'icumi na rimwe 2022
Chimamanda yagarutsweho cyane nyuma y'ijambo yavuzemo ko Nigeria nta ntwari ifite23 Ukw'umunani 2022
Aliku Ogorchukwu: Umugore w'Umunya-Nigeria wiciwe muri Italy arasaba ubutabera 2 Ukw'umunani 2022

End of content

Ariko indimi zo muri Nigeria ubu zigiye kwibandwaho.

Minisitiri w'uburezi yavuze ko "abanyeshuri bo mu mashuri abanza biga neza kurushaho" iyo bigishijwe mu rurimi kavukire rwabo.

Skip Ibisomwa cane and continue reading

Ibisomwa cane

End of Ibisomwa cane

Yemeye ko gushyira mu bikorwa iyi gahunda nshya bizagorana kuko "izasaba akazi kenshi ko gukora imfashanyigisho zo kwigishirizaho no kubona abarimu".

Indi ngorane ni umubare w'indimi zivugwa muri Nigeria – zirenga 600.

Ntibyahise bimenyekana igihe leta izatangirira gushyira mu bikorwa iyi gahunda nshya.

Abategetsi bo muri Nigeria bumvikanisha ko bazabanza gutanga imfashanyigisho n'abarimu bigisha mu ndimi zo muri Nigeria, mbere yuko batangira gushyira mu bikorwa iyi gahunda bashyizeho umwete.