DR Congo: Abantu bane bishwe naho abandi 10 barashimutwa

Ifoto y'imodoka yatwitswe n'abacyekwa kuba ari inyeshyamba za ADF, yo ku itariki ya 7 y'ukwezi kwa kane mu 2021 — Insiguro y'isanamu, Ifoto mbarankuru yerekana abasirikare ba Congo bareba imodoka ebyiri zatwitse n'abacyekwa kuba inyeshyamba za ADF, i Mbau muri Beni, ku itariki ya 7 y'ukwezi kwa kane mu 2021.

Yatangajwe 11 Ukw'icumi na rimwe 2022

Richard Kagoe

BBC News, Nairobi

Abantu batari munsi ya bane bishwe naho abandi 10 barashimutwa hafi y'umujyi wa Beni mu burasirazuba bwa Repubulika ya Demokarasi ya Congo.

'Centre' y'ubucuruzi yo mu mujyi wa Kabasha muri iyi ntara ya Kivu ya Ruguru yagabweho igitero n'abo bicyekwa ko ari inyeshyamba zo mu mutwe wa ADF.

Abagabo bitwaje imbunda batwitse ikigo nderabuzima kimwe cyonyine cyo muri aka gace ko mu burasirazuba bwa DR Congo, basahura imitungo ndetse batwika ibinyabiziga.

Iki ni cyo gitero cya vuba aha cy'abacyekwa kuba ari inyeshyamba za ADF. Cyatumye abantu benshi bahatuye bahunga, batinya ko haba ibindi bitero.

Abahatuye bavuganye na BBC bashinje leta ya DR Congo kunanirwa gukora ibihagije ngo ibacungire umutekano.

Skip content and continue reading

'I Goma honyine abarenga 2000' biyandikishije kwinjira mu gisirikare – Gen Ekenge6 Ukw'icumi na rimwe 2022
DR Congo: Intagondwa za ADF ni zo zatorokesheje imfungwa zirenga 800 – igisirikare11 Ukw'umunani 2022
DR Congo: Indege z'intambara 'zarashe igice kigenzurwa na M23'8 Ukw'icumi na rimwe 2022

End of content

Muri iki cyumweru, igisirikare cya DR Congo cyagabye igitero ku wundi mutwe w'inyeshyamba, M23, wigaruriye ibice bimwe byo mu ntara ya Kivu ya Ruguru.

Skip Ibisomwa cane and continue reading

Ibisomwa cane

End of Ibisomwa cane

Kuva mu mpera y'ukwezi kwa gatatu ubwo imirwano yongeraga kubura hagati y'ingabo za leta n'umutwe wa M23, abantu bagera hafi ku 200,000 bamaze guhunga bata ingo zabo berekeza mu bindi bice byo mu gihugu, nkuko ONU ibivuga.