Ayavugwa mu mupira w'amaguru i Bulaya: Kante, Mane, Pogba, Lewandowski, Dembele, Calvert-Lewin

Umumenyereza mushasha yitezwe muri Manchester United Erik ten Hag ariko ararondera umufaransa akina hagati muri Chelsea N'Golo Kante w'imyaka 31, mu giha ariko arondera kunagura uyu murwi wa Old Trafford. (Mirror)

Umusatirizi wa Liverpool, umunya Senegal Sadio Mane w'imyaka 30 agiye kuronderwa na Bayern Munich mu gihe umusatirizi wayo, umunya Pologne Robert Lewandowski yova muri uyu murwi mu ci riza. (Bild - in German)

Lewandowski w'imyaka 33 yemeye kuja gukinira Barcelona mu masezerano y'imyaka itatu. (Times - subscription required)

Lewandowski ashobora kunyuranwa n'umusatirizi wa Barcelona umufaransa Ousmane Dembele w'imyaka 24 ari ku rutonde rw'abakinyi baronderwa na Bayern Munich. (Sky Sports)

Umukinyi wo hagati wa Barcelona umunya Hollande Frenkie de Jong w'imyaka 25 ariteguye guheba imiriyoni hafi zitandatu z'amapawundi (amafaranga y'abongereza) ni ukuvuga arenga imiriyoni 7,3 z'amadorari y'abanyamerika, kugira ngo ashobore kuja gukinira Manchester City. (Sun)

Juventus iriteguye kugarukana muri uyo murwi umukinyi wo hagati wa Manchester United umufaransa Paul Pogba w'imyaka 29 muri rino ci. Uyu mufaransa afise amasezerano azorangira mu mpera z'uno maka w'inkino. (Goal)

Newcastle iramaze kugiriranira ibiganiro vy'intangamarara n'umusatirizi wa Everton umwongereza Dominic Calvert-Lewin w'imyaka 25 ariko wewe yishakira kuja muri Arsenal. (Football Insider)

Arsenal yemeye kuriha gushika ku miriyoni 25 z'ama euro ku mukinyi w'inyuma wa Bologna, umunya Ecosse Aaron Hickey. (Calciomercato - in Italian)

Aba ba Gunners kandi bari hafi yo gushika ku masezerano y'imiriyoni 3.5 y'ama euro kugira baronke umusatirizi wa Sao Paulo umunya Brezili Marquinhos w'imyaka 19. (ESPN)

Ni mugihe kandi Arsenal iriko irategura amafaranga yo kugura umusatirizi wa Manchester City umunya Brezili Gabriel Jesus w'imyaka 25. City imushakako imiriyoni hagati ya 50 na 60 y'ama euro. (Fabrizio Romano)

Manchester City izokenera kugura abandi bakinyi inyuma y'umusatirizi wa Borussia Dortmund umunya Norvège Erling Haaland w'imyaka 21 yitezwe vuba, ikazokenera cane cane umukinyi w'inyuma ku ruhande rw'ibubamfu be n'uwo hagati ku ruhande rw'inyuma. (Mail)

Mu 2016, Everton yaratakaje akaryo ko kugura Haaland ku miriyoni 60.000 y'ama pawundi kubera bibaza ko ashobora "gutakaza inguvu" yari afise uko yari kugenda akura. (Times - subscription required)

West Ham, Southampton na Brentford iripfuza umukinyi w'inyuma ku ruhande rw'i buryo wa Fenerbahce umunya Nigeria Bright Osayi-Samuel w'imyaka 24. (Football Insider)

Aston Villa yahambije Crystal Palace na Brentford mu rugamba rwo kurondera umukinyi wo hagati wa Rangers wahoze umenyerezwa na Steven Gerrard, umunya Nigeria Joe Aribo w'imyaka 25. (Sun)

Umumenyereza wa Real Madrid Carlo Ancelotti yemeje ko umukinyi wo hagati umubirigi Eden Hazard w'imyaka 31 azoguma muri uyu murwi muri rino ci. (Goal)