Icyamamare mu kumurika imideri Naomi Campbell w'imyaka 50 yibarutse imfura ye
Ahavuye isanamu, PA Media
Icyamamare mu kumurika imideri Naomi Campbell yabyaye umwana w'umukobwa.
Uyu mugore w'imyaka 50 yatangaje aya makuru kuri Instagram aho yashyize ifoto y'ikiganza cye gifashe uturenge tw'uruhinja.
Yanditseho ati: "Umwana muto w'umugisha yampisemo ngo mbe nyina, nishimiye kugira iyi roho nzima mu buzima bwanjye".
Nyina wa Campbell, Valerie Morris Campbell, yanditse kuri Instagram ati: "Ibyishimo birandenze kuko nategereje igihe kinini ngo mbe nyogokuru."
Iyi nkuru irimwo ivyatanzwe na Instagram. Dukeneye uruhusha rwawe imbere yuko bigushikira, kuko birashobora kuba bikoresha cookies hamwe n'ubundi buhinga. Wobanza ugasoma aha Instagram amategeko agenga cookie n'ayagenga ubuzima bwite imbere yuko wemera. Kugira ubibone hitamwo 'emera hanyuma ubandanye'.
Impera ya Instagram ubutumwa
Marc Jacobs, umuhanga mu gutegura imyambaro, ari mu bashimiye uyu mugore wavukiye i London, hambere wari warakomoje ku kuba ashaka kuba umubyeyi.
Nta makuru arenze aya yatangajwe kuri uyu mwana, ariko mu kiganiro na Evening Standard mu 2017 Naomi Campbell yavuze ko yifuza kuba umubyeyi.
Iki kinyamakuru cyamusubiyemo avuga ngo "Buri gihe ntekereza kugira abana. Ariko ubu aho siyansi igeze nshobora kubikora igihe mbishakiye."
Campbell w'impano mu gutambuka, impano ye yabonetse akiri umunyeshuri muto, yaje kuba umwirabura wa mbere w'Umwongereza umurika imideri wagiye ku gifuniko cya British Vogue.
Mu bihe bishize yabonetse mu Rwanda mu bikorwa by'ubukerarugendo aho yaje mu batumirwa bakomeye bita amazina abana b'ingagi.
