Uriko ubona ku rubuga aherekana amakuru mu nyandiko gusa, hakoresha uburyo buke. Ja ku rubuga nyamukuru ubone amakuru mu nyandiko iherekejwe n'amasanamu.
Njana ku rubuga nyamukuru canke aho gusoma gusa
Ibindi vyerekeye ingene urwo rubuga rugutwara uburyo (ama mega) buke
Coronavirus: Umubare w'abanduye mu munsi umwe wiyongereyeho 1500 muri Espanye
Umubare w'abanduye coronavirus muri Espanye (Espagne/Spain) wiyongereyeho abantu 1,500, ubu abanduye bose bakaba barenga 5,700, nkuko abategetsi bo mu rwego rw'ubuzima babivuga.
Espanye ni cyo gihugu cya kabiri cyugarijwe bikomeye na coronavirus ku mugabane w'Uburayi - nyuma y'Ubutaliyani kuri ubu bufite abanduye barenga 15,000.
Aya makuru atangajwe mu gihe leta y'iki gihugu yateranye ngo itangaze ko kiri mu bihe bidasanzwe, bukaba ari ubwa kabiri gusa mu mateka ya vuba ya Espanye itangaje ibihe nk'ibyo.
Ejo ku wa gatanu, ishami ry'umuryango w'abibumbye ryita ku buzima (OMS/WHO) ryatangaje ko Uburayi ari ryo "zingiro" rishyashya ry'iki cyorezo.
Dr Tedros Adhanom Ghebreyesus, umukuru wa OMS, yashishikarije ibihugu gufata ingamba zikarishye, gukora ubukangurambaga mu baturage ndetse no kwitazanya kw'abantu birinda ikivunge, mu rwego rwo kurokora ubuzima.
Mu minsi micye ishize, ibihugu byinshi by'i Burayi byatangaje kwiyongera cyane kw'abanduye n'abapfa bishwe na coronavirus.