Hugo Lloris wa Tottenham ntazongera gukina uyu mwaka kubera imvune

Inyandiko gusa
Hugo Lloris, umunyezamu nimero ya mbere wa Tottenham

Ahavuye isanamu, Getty Images

Insiguro y'isanamu, Hugo Lloris, umunyezamu nimero ya mbere wa Tottenham
Yatangajwe

Umunyezamu Hugo Lloris wa Tottenham biteganyijwe ko atazongera gukina muri uyu mwaka wa 2019 kubera imvune yatumye igufa ryo mu nkokora ye riva mu mwanya waryo, nkuko ikipe ye yabitangaje.

Lloris yavunikiye mu mukino wo ku wa gatandatu ushize ikipe ye yatsinzwe na Brighton ibitego 3 - 0.

Uyu kapiteni wa Tottenham biteganyijwe ko mu mwaka utaha ari bwo azongera gushobora gukora imyitozo.

Yagwiriye akaboko ubwo yananirwaga kugarura ishoti ryo ku munota wa gatatu w'umukino rya Pascal Gross, mugenzi we Neal Maupay agahita asongamo n'umutwe.

Hugo Lloris avanwa mu kibuga nyuma yo kuvunika ku wa gatandatu

Ahavuye isanamu, Getty Images

Insiguro y'isanamu, Hugo Lloris avanwa mu kibuga nyuma yo kuvunika ku wa gatandatu

Mu itangazo Tottenham yasohoye yagize iti: "Nubwo bitazaba ngombwa ko abagwa, kapiteni wacu yagize ikibazo cyo kwangirika kw'imitsi ifatanya amagufa".

"Ntabwo azagaruka mu myitozo mbere y'impera y'uyu mwaka wa 2019".

"Hugo ubu yashyizweho icyo gufasha akaboko ke, nyuma azagire igihe cyo kuruhuka no kugarura ubuyanja".