Kagame ashinja Uburayi 'ubwibone bwo kumva ko baruta abandi'

Perezida w'u Rwanda Paul Kagame avuga ko kunenga ubutegetsi bwe mu rwego rw'uburenganzira bwa kiremwamuntu ari "amateshwa" "agayitse" mu kiganiro yahaye televiziyo yo mu Bufaransa, France24.

Yavuze ko u rwanda ari igihugu gitandukanye n'uko cyahoze mu myaka 25 ishize.

Bwana Kagame yasabye umunyamakuru wayoboraga ikiganiro kureba icyo yise inanirwa ry'Uburayi mu burenganzira bwa kiremwamuntu, cyane cyane ku buryo bufata abimukira.

Yagize ati:

"[Uburayi] burenga ku burenganzira bw'abantu, kuri iki ikibazo cy'abantu bashyirwa hamwe bagasubizwa inyuma kumirira nkeri mu [nyanja ya] mediterane ndetse n'abantu benshi bafatwa nabi mu gihugu cyawe bwite,"

Kagame yongeyeho ko inenga ry'Uburayi rifitanye isano no kwiyumva ko buruta abandi. ikizwi mu cyongereza nka 'superiority complex':

"Mugomba rwose guhagarika ayo mateshwa yo kumva ko muruta abandi ku burenganzira bwa kiremwamuntu.

"Mutekereza ko ari mwe mwenyine mwubaha uburenganzira bwa kiremwamuntu, abandi bose barabwangiza. Oya, twarwaniye uburenganzira n'ubwisanzure by'abaturage bacu kurushaho [kubaruta] mwe muhora muvuga kuri ayo mateshwa.

Imiryango iharanira uburenganzira bwa kiremwamuntu mu Burayi inenga icyo yita ibura ry'ubwisanzura bwa politike mu Rwanda ndetse no kutavuga icyo utekereza byiyongera ku inigwa ry'ubwisanzure bw'itangazamakuru.