Mohamed Morsi, Perezida wa kera wa Misiri yatabarutse ari mu rukiko

Televiziyo ya leta ya Misiri imaze gutangaza ko Mohamed Morsi, wigeze kuba Perezida wa Misiri, yapfuye ari mu rukiko.

Yavuze ko Morsi wari ufite 67, yaguye mu rukiko aho yaburanaga ibirego by'ubutasi, ahita yitaba Imana.

Yatowe kuba Perezida mu mwaka wa 2012 ubwo yari umuyobozi w'ishyaka rya Muslim Brotherhood.

Yahiritswe n'igisirikare umwaka wakurikiyeho.

Mohamed Morsi yaregwagwa ibyaha binyuranye na leta iri ku butegetsi mu Misiri.