Nage, nid enillydd y Goron ond Ellie Corcoran - y ferch gyntaf o Ynys Môn i fod yn Miss Cymru.

“Dwi ddim wedi gwisgo sgidiau addas i’r maes,” meddai mewn sodlau coch uchel!

Mae crysau T, bathodynnau a chapiau Mr Urdd yn ddigon cyffredin ar y maes.... ond gwalltiau?

Edrychwch yn ofalus ar wallt Edie ac Eida o Rydaman ac fe welwch driongl gwyn, coch a gwyrdd.

Ai dyma ddechrau ffasiwn newydd ar gyfer Eisteddfod yr Urdd Bro'r Wenynen 2027?

Mae 'na lwyth o blant, pobl ifanc, athrawon a theuluoedd yn dathlu drwy'r wythnos - ond neb fwy na Mari Lovgreen.

Hi sy'n cyhoeddi'r enillwyr ar Lwyfan y Canlyniadau - ac felly'n cael dathlu efo pawb.

Meddai: “Mae’n bleser ac yn fraint cael dathlu efo’r plant a’r bobl ifanc yma.

"Maen nhw i gyd yn dathlu cyn dechrau, ac rydw i mor falch o fod yng nghanol y dathlu.

"Beth sy’n fy nharo i bob blwyddyn ydy’r gwaith gwych mae’r athrawon a’r hyfforddwyr yn ei wneud gyda’r plant.”

Os mai hwn yw'ch diwrnod cyntaf ar y maes dyma'r ffordd:

Sut i gyrraedd yn y car?

O'r de:

• Dewch oddi ar yr A55 ar gyffordd 6
• Dilynwch yr arwyddion am Faes yr Eisteddfod
• Bydd arwyddion melyn yr Eisteddfod yn eich cyfeirio at y meysydd parcio

O'r gogledd:

• Dewch oddi ar yr A55 ar gyffordd 5
• Dilynwch yr arwyddion am Faes yr Eisteddfod
• Bydd arwyddion melyn yr Eisteddfod yn eich cyfeirio at y meysydd parcio

Os yn defnyddio Sat Nav - defnyddiwch y cod post LL65 4RW

Trafnidiaeth gyhoeddus

Trên

• Yr orsaf drenau agosaf yw Llanfairpwll, sydd tua naw milltir o'r Maes.

• Neu mae gorsaf Tŷ Croes, sy'n orsaf fach stopio ar gais, bum milltir o'r Maes.

Bws

• Y bws cyhoeddus sy'n pasio'r Maes yw'r A4 o Fangor i Gaergybi - mae Maes yr Eisteddfod gyferbyn â safle bws stad ddiwydiannol Mona

Beic

• Os ydych chi am ddod i'r Eisteddfod ar eich beic, mae 'na le parcio beics yn saff wrth ymyl y Ganolfan Groeso

Cerdded

• Nid yw'r Urdd yn argymell cerdded i'r Maes gan nad oes palmant yn arwain at Gae'r Sioe

Wrth i Eisteddfod yr Urdd baratoi i adael Ynys Môn a throi ei golygon i’r de ddwyrain, pwysleisiodd Prif Weithredwr y mudiad pa mor bwysig oedd parhau fel gŵyl deithiol.

Wrth ymateb i’r clip sydd wedi mynd yn feiral o Lloyd Lewis yn mynd yn emosiynol wrth drafod y Gymraeg yn ei ardal enedigol, fydd yn croesawu’r eisteddfod y flwyddyn nesaf, dywedodd ei fod yn “lysgennad gwych i ardal Gwent a Chwmbran”.

Meddai ar raglen Dros Frecwast: “Wrth edrych ymlaen mae hi yn bwysig bod hi’n parhau i fod yn ŵyl deithiol ond hefyd yn parhau i fynd i ardaloedd lle nad ydi'r Gymraeg mor gryf ag yw hi yn rhywle fel Ynys Môn.

“Pwrpas yr Urdd o fynd i ardal yna yw codi ymwybyddiaeth, codi diddordeb a chodi'r cyffro i'r datblygiad sylweddol sydd mewn addysg Gymraeg yng Ngwent a Chasnewydd.”

Bydd Eisteddfod yr Urdd yn cael ei chynnal yn ardal Casnewydd yn 2027 cyn teithio i Eryri yn 2028 a Cheredigion yn 2029.

Mohammad, Achmad a Johed yn mwynhau ar faes y Steddfod.

Fe symudodd eu rhieni o Afghanistan bum mlynedd yn ôl ac maen nhw bellach wedi ymgartrefu ar Ynys Môn.

Ffynhonnell y llun, Yr Urdd

Os na lwyddoch chi i fynd yno - neu os am fwynhau'r profiad eto - gallwch rŵan wrando ar gig nos Sul yng Ngŵyl Triban ar BBC Sounds.

Lisa Gwilym sy'n cyflwyno uchafbwyntiau Mawrion Môn gyda rhai o artistiaid gwych yr ynys - Elin Fflur, Cordia, Gwilym a Fleur De Lys!

Cliciwch yma i wrando ar BBC Sounds.

Ffynhonnell y llun, Yr Urdd

Tomos yn cael un ymarfer ola' cyn cystadlu ar yr unawd piano blwyddyn 6 ac iau

Ffynhonnell y llun, bbc

Mae angen digon o egni ar y stiwardiaid - fel mae Jac a Dyfrig yn gwybod.

"‘Dan ni wedi bod yn brysur iawn, ond mae’r Eisteddfod wedi bod yn wych," meddai Dyfrig, y prif swyddog cenedlaethol, wrth gael paned a brecwast.

"Rydyn ni’n ddiolchgar iawn i’r holl wirfoddolwyr am eu gwaith caled, ac yn edrych ymlaen at weld pawb yng Nghasnewydd flwyddyn nesaf.”

Ifan o Ysgol y Dderi, Ceredigion, yn fuddugol ar y serameg blwyddyn 2 ac iau.

Plant Ysgol Gymraeg Castell-nedd yn barod i fentro ar y llwyfan

Wel... mae'n ddiwrnod ola'r Eisteddfod wedi'r cyfan...

Gyda'u cennin pedr a'u gwisgoedd dawnsio gwerin, mae Elsi ac Anni o Ysgol Nantgaredig, Sir Gaerfyrddin, yn barod i gystadlu.

Eisteddfod yr Urdd

Mae'r gwaith celf ar y maes wastad yn boblogaidd, gyda phobl yn gwerthfawrogi sgiliau ieuenctid plant a phobl ifanc.

Mae Avery a Jamey wedi teithio o Gaerdydd.

Mae Avery yn edrych ymlaen i gystadlu yn yr unawd chwythbrennau.

Dyma Ethni - a'i dol - o Ddinas Mawddwy, yn ei heisteddfod yr Urdd gyntaf erioed ❤️

Mae cyrraedd penblwyddi arbennig yn gyfle i ddathlu gyda theulu a ffrindiau.

Ac mae Mistar Urdd wedi cael sawl parti i ddathlu ei ben-blwydd yn 50.

Yn ôl y sôn mae 'na barti arall ar y maes heddiw - pam ddim?

Mae Alun Jones wedi dod yr holl ffordd o Drefelin yn y Wladfa i'w Eisteddfod yr Urdd gyntaf.

“Mae hi wedi bod yn wythnos anhygoel," meddai. "Be’ dwi wedi mwynhau fwyaf yw cymdeithasu hefo pobl leol a chlywed y Gymraeg, a chael y cyfle i ganu hefo Rhys Meirion eto wrth gwrs.”