Er bod hi'n wythnos wyliau i ysgolion dyw nifer o blant nac athrawon wedi cael rhyw lawer o wyliau. Ar ddiwrnod ola'r Brifwyl dyma ofyn i rai ohonyn nhw beth yw'r heriau presennol a beth maen nhw'n ei ddymuno gan lywodraeth newydd Cymru.

Dywedodd Nia Pugh, Pennaeth Ysgol Dolau, Llanharan: "Y prif heriau 'da ni'n gweld o ran yr ysgol, ydy anghenion ychwanegol - mae hynny'n gallu bod yn ddwys ac ariannu hynny yn iawn mewn ysgolion. Mae hwnna'n rhoi lot o bwysau ar staff.

"Lles athrawon hefyd - mae hwnnw mor bwysig a phwysau gwaith mae hwnna'n rwbath 'da ni rili isio gweld buddsoddiad arian i mewn iddo fo."

Mae David Roberts, yn un o uwch dîm rheoli yn Ysgol Awel Taf, Pontypridd.

"Mae athrawon yn mynd allan o'u ffordd, fel 'da ni'n weld yr wythnos yma. Mae'r gwaith sydd wedi cael ei roi mewn i ddod â rhywbeth fel Eisteddfod yr Urdd at ei gilydd, yn ddi-dâl yn anhygoel.

"Yn anffodus, dydi'r gefnogaeth ddim bob tro yna.

"Mae 'na ormod o athrawon ifanc yn teimlo dan straen... rhaid i ni edrych ar ôl ein hathrawon."

Dywedodd Catrin Evans o Ysgol Gynradd Llanrhaeadr ym Mochnant: "Cyllideb faswn I'n deud ydi'r heriau mwyaf, does 'na ddim digon o arian yn cael ei roi mewn i'n hysgolion. Mae pawb yn jyglo pres.

"Mae pawb dwi'n siarad efo nhw, mae nhw gyd dan bwysau"

"'Dw I'n dysgu ers 34 o flynyddoedd, a 'dw i 'di gweld pres yn mynd yn llai. Mae nhw angen cyllido ysgolion yn well, dyna beth mae plant angen, mae nhw angen oedolion yn y dosbarth. Mae o'n ffordd o fuddsoddi yn addysg plant."

Ychwanegodd fod y swydd wedi newid dros y blynyddoedd: "Mae heriau plant dipyn mwy nag oeddan nhw, mae 'na fwy o broblemau ymddygiad... mae angen mwy o gyllideb, mae plant dipyn mwy heriol i ddysgu nag oeddan nhw flynyddoedd yn ôl."

Ar Dros Frecwast dywedodd y Gweinidog Addysg Anna Brychan: "Yn bersonol ni am gyfathrebu ar sut i symud mlaen efo'r fframwaith rhifedd a llythrennedd newydd.

"Mae angen edrych ar y pwysau gwaith sydd ar athrawon. Mae trafferthion denu pobl i'r proffesiwn ac ni'n edrych ar ffyrdd o wella hynny. Un o'r pethau pwysicaf yw bod yn fwy eglur am ein targedau ac mae'n bwysig ein bod ni'n siarad yr un iaith o safbwynt ein disgwyliadau"

Mae'n enw cyfarwydd iawn bellach i blant - a'u rhieni - ar draws Cymru.

Ydy, mae stondin Teganau Tina wedi dod yn rhan annatod o'r Steddfod ers blynyddoedd bellach... ond pwy ydy Tina?

Wel dyma hi! Mae Tina, sy'n dod o Ddinbych, wedi bod yn dod â stondin i'r Maes ers chwarter canrif.

Ffynhonnell y llun, Phil Hen

Ydych chi wedi bod yn Llanddeusant eto?

Mae perchnogion Melin Llynon wedi mynd i ysbryd yr ŵyl ac wedi paentio'r felin eiconig yn goch, gwyn a gwyrdd.

Cafodd Melin Llynon ei hadeiladu yn Llanddeusant yn 1775 er mwyn cynhyrchu blawd.

Mae perfformio a chystadlu ar lwyfan yn dipyn o gamp... ond mae 'na rywun sy'n crwydro'r maes ar law i roi cyngor.

Mae Syr Bryn Terfel wedi diolch droeon i'r Urdd am roi'r cyfle iddo berfformio o flaen cynulleidfa - bu hynny'n help iddo, meddai, yn ddiweddarach wrth iddo gamu ar lwyfannau mwya'r byd.

Llywydd y Dydd heddiw yw Mari Pritchard.

“Mi ges i fy ngeni yn Rhosmeirch ar gyrion Llangefni. Yn fuan wedyn, mi symudon ni fel teulu i Dyfriar, fferm y teulu yn ardal Bryngwran. Mi ges i fagwraeth hyfryd mewn cymuned oedd, rhwng capel Hebron, Ysgol Gynradd Pencarnisiog ac Ysgol Uwchradd Bodedern, yn llawn cerddoriaeth.

“Dwi’n ymfalchïo cael dweud fy mod yn perthyn i’r diweddar Eirianwen Williams, (Price bryd hynny).

"Dwi’n trysori y gwersi cynnar rheiny o gerdd dant yn nghartref Eirianwen yn Llangefni, mi oedd hi bob amser mor gytbwys, mor ddoeth a llawn brwdfrydedd bob amser.

"Wrth i mi fynd ymlaen i hyfforddi eraill, mae’r dylanwad yna wedi aros hefo fi, a dwi wir wedi mwynhau gweld pobol ifanc yn magu sgiliau a hyder wrth gystadlu.

"Ac er mai nid ennill ydy’r nod pwysicaf i mi, does dim amheuaeth fod gweld disgyblion yn cyrraedd y brig yn y genedlaethol yn brofiad gwefreiddiol."

“Mi gymerodd hi ddipyn o amser i mi fagu’r plwc i gystadlu ar ben fy hun yn yr Eisteddfod.

"Dawnsio Gwerin oedd ‘forte’ Ysgol Gynradd Pencarnisiog, gyda’r enwog Owen Huw yn ein hyfforddi ni. Mi oeddwn i wedyn yn cymryd rhan yn y parti canu a llefaru gyda adran Llanfaelog.

"Yna, mentro i fyd canu unigol wrth fynd yn hŷn, a gyda’r anogaeth anhygoel gawson ni gyd yn Ysgol Uwchradd Bodedern, cystadlu ganwaith fel deuawd, triawd ac mewn corau lu – mi wnaethon ni hyd yn oed ennill unwaith ar y parti adrodd ‘i gyfeiliant’!”

Manon a Mariel yng ngornel Troedio’r Tonnau, sy'n creu gofodau creadigol ar gyfer pobl sy’n byw gyda galar.

Coron, Cadair, medalau, tlysau... mae 'na wobrau di-ri ar gael i'w hennill yn Steddfod yr Urdd.

Ond dyma un sydd ar y maes i gael ei arddangos yn unig.

A gyda llai na mis i fynd tan y Bencampwriaeth Pêl-droed Dan 19 Ewrop, mae Celt o'r Felinheli wedi cael cyfle i weld y tlws. ⚽️

Iago a Bobi, efeilliaid o Bwllheli, yn cael eu tywys o gwmpas y maes - a tharmac Cae Sioe Môn yn berffaith ar gyfer y bygi.

Mererid a Iori yn chwarae Jenga. Gobeithio na fydd y gwynt yn codi ar y maes...

Llongyfarchiadau i Ysgol Parc y Bont, Ynys Môn, sydd wedi ennill Gwobr Aur y Siarter Iaith.

Mae'n anodd gweld dros y dorf ar adegau... ond nid i Macsen.

Mae'r bachgen, sy'n ddwy oed, wedi dod i'r Eisteddfod o Lanbedrog gyda’i dad Cain.

“Fo sydd a’r view ora’ yn y Steddfod,” meddai Cain.

Eisteddfod yr Urdd

Mae Lilly, Lucy a Poppy o Borthaethwy wedi dod i fwynhau’r Eisteddfod ac wedi prynu peli Gwartheg yr Ucheldir.

Wel beth arall fyddai rhywun yn ei ddisgwyl ar Gae Sioe Môn?

Ar draws yr ynys mae nifer o bentrefi a threfi wedi bod wrthi yn ddygn yn paentio'n goch, gwyn a gwyrdd.

Ffynhonnell y llun, Llun cyfrannydd

Ffynhonnell y llun, Llun cyfrannydd

Ffynhonnell y llun, Llun cyfrannydd

Ffynhonnell y llun, Llun cyfrannydd

Emma, o Ysgol Treganna, yn mwynhau yn yr ardal chwaraeon

I Mabli a Nerys Haf o gwmni hufen iâ Llefrith Cybi mae wedi bod yn “wythnos wyllt, prysur a chyffrous".

"'Da ni’n teimlon hapus fatha cwmni lleol bo ni di dangos cynnyrch lleol. Ma' pawb di bod mor glên ma'," meddai Nerys.

Fel cymaint o blant eraill, un o uchafbwyntiau'r Eisteddfod i Nel ac Osian o’r Felinheli ydi'r ffair…

Tony a Gareth, dau heddwas o Ynys Môn yn goruchwylio ar y maes ac yn barod i helpu.