Nia Jones
Nia Jones, cyn-chwaraewr Cymru ar BBC Two

Dyna chwarae gwych gan Gymru, y cyntaf ers cryn dipyn o amser. Gwych gan Mark Harris i greu cyfle ar gyfer Wilson.

Am gliriad gan yr amddiffynwr.

Sawl cyfle arall gaiff Cymru?

Cyffyrddiad gwych gan Mark Harris ond wnaeth y bêl ddim syrthio'n gyfforddus i Harry Wilson.

Mae Bosnia i lawr i ddeg chwaraewr am y tro, all Cymru fanteisio?

Mae'r chwarae wedi ail-ddechrau i sŵn y Barry Horns.

Dyna ddiwedd y 90 munud, ond mae digon o gyffro i ddod.

Wrth i Gymru ddal eu gwynt, mae'n bosib y bydd Bellamy yn gwneud mwy o newidiadau.

Draw yn Bergamo, mae'r Eidal wedi ennill 2-0 yn erbyn Gogledd Iwerddon. Ond pwy fydd yn eu haros? Mae hanner awr enfawr o'n blaen!

Mae'r naill dîm yn ymosod yn syth ar ôl y llall, wrth i gefnogwyr y ddau dîm ruo.

A fydd gôl hwyr neu amser ychwanegol?

Mae Bosnia 'yn chwarae fel y tîm cartref' yn ôl Dylan Griffiths ar BBC Radio Cymru.

Cyfnod pryderus i Gymru, gyda phum munud o amser ychwanegol o'u blaen.

Mae Edin Džeko wedi dod â Bosnia yn gyfartal, a hynny gyda pheniad o gic cornel.

Siom enfawr i Gymru yn dilyn cyfnod o amddiffyn caled.

Mae momentwm y gêm wedi newid braidd, ond gallai unrhywbeth ddigwydd yn y munudau nesaf.

Chwe munud yn weddill, ac mae Cymru wedi gweithio'n galed iawn i ddal gafael ar y gêm. Mae'r pwysau yn cynyddu.

Mae Dan James wedi gadael y cae i sŵn cymeradwyaeth mawr. Daw Sorba Thomas yn ei le.

Kath Morgan
Cyn-gapten Cymru ar BBC Radio Cymru

Na'i gyd mae Bosnia eisiau ei wneud nawr yw rhoi peli uniongyrchol y tu ôl i amddiffynwyr Cymru.

Maen nhw'n achosi problemau fan hyn.

Dihangfa i Gymru.

Mae Esmir Bajraktarevic yn croesi ac Ermedin Demirovic bron a chanfod lle y tu ôl i amddiffyn Cymru. Ond mae'r bêl yn ei fethu a mynd heibio'r postyn o drwch blewyn.

Mae David Brooks yn gadael y cae a daw Mark Harris yn ei le.

Fe gafodd Brooks hanner cyntaf bywiog, ond mae Bosnia wedi gwneud yn dda i'w gadw oddi ar y bêl wedi hynny.

Draw ar BBC Radio Cymru mae Iwan Roberts yn poeni fod cloc Stadiwm Dinas Caerdydd wedi stopio symud! All Cymru ddal gafael ar y gêm?

Mae pob un o chwaraewyr Bosnia yn ôl i amddiffyn, a Cymru yn methu â chadw'r bêl ar hyn o bryd.

Wrth i Demirović dderbyn triniaeth ar y cae, mae tîm hyfforddi Cymru hefyd yn siarad gyda Ethan Ampadu.

Mae 20 munud hir o'n blaen...

Dyw Ethan Ampadu ddim yn edrych yn gwbl gyfforddus, ond mae'n brwydro'n galed i gadw Cymru ar y blaen.

A welwn ni eilyddion Cymru ar y cae yn fuan?

Mae hon yn gêm agored iawn erbyn hyn.

Iwan Roberts
Cyn-ymosodwr Cymru ar BBC Radio Cymru

Mae Karl Darlow wedi gwneud popeth yn iawn hyd yma. Mae'n wych ei weld.

Croesiad gwych yn glanio ar ben Džeko... ond rywsut mae Darlow yn cael llaw arni i'w chadw allan. Arbediad anhygoel.

Draw yn Bergamo, mae Yr Eidal ar y blaen yn erbyn Gogledd Iwerddon a hynny trwy gôl Tonali.

Ond mae digon o amser ar ôl yn y ddwy gêm i bethau newid!

Nathan Blake
Cyn-ymosodwr Cymru ar BBC One Wales

Dyna gôl anhygoel gan Dan James. Doedd neb ohonom ni’n disgwyl iddo ergydio ar hanner foli, gyda’i droed dde, 20 llath allan.

Gôl hollol syfrdanol.

Dan James sy'n rhoi Cymru ar y blaen!

Mae'n taro’r bêl yn gynnar gyda thu allan ei droed, ac yn synnu Vasilj yn y gôl. Ergyd wych, a'r dechrau perffaith i'r ail hanner i Gymru.

Mae'r ail hanner wedi dechrau, heb newidiadau i'r naill dîm.

Mae Cymru yn edrych yn egnïol wrth i Brooks, James a Johnson gyfuno'n dda.

Ashley Williams
Cyn-amddiffynnwr Cymru ar BBC 5 Live

Roedd hi'n teimlo fel gêm ffyrnig o'r gic gyntaf. Rydw i wedi dod yn fwy hyderus wrth i'r hanner fynd yn ei flaen, oherwydd rwy'n gweld ein bod ni'n mynd i greu cyfleoedd.

Gallwch weld wrth i'r gêm fynd yn ei blaen, os allwn gadw ein disgyblaeth, bydd Bosnia yn colli eu disgyblaeth nhw.

Mae'r awyrgylch yn danllyd yn Stadiwm Dinas Caerdydd wrth i ni gyrraedd hanner amser.

Wedi'r holl daclo caled, mae'n bosib y bydd tîm Cymru yn edrych ymlaen at gael saib...