ဖိလစ်မင်းသားကြီး - ဓာတ်ပုံတွေကပြောတဲ့ သူ့ဘဝ

ဒေတာကုန်ကျမှုသက်သာအောင် စာသားသက်သက်ဖတ်ရန်

၁၉၇၇ ခုနှစ်က တွေ့ရတဲ့ ဖိလစ်မင်းသားကြီး — ဓာတ်ပုံ ပုံစာ, အီဒင်ဘာရာမြို့စားကြီးကို ဂရိနိုင်ငံကိုဖူးကျွန်းမှာ ၁၉၂၁ ခုနှစ် ဇွန်လ ၁ဝရက်နေ့က ဖွားမြင်ခဲ့ပါတယ်။ သူ့မျိုးရိုးစဉ်ဆက်ကိုပြန်ကြည့်ရင် ဒိန်းမတ်၊ ဂျာမနီ၊ ရုရှားနဲ့ ဗြိတိန်တို့က တော်ဝင်မိသားစုတွေပါဝင်နေတာကို တွေ့နိုင်ပါတယ်။

ရေးသားခဲ့သည်။ ၁၀ ဧပြီ ၂၀၂၁

1px transparent line

ဖိလစ်မင်းသားငယ်စဉ်က — ဓာတ်ပုံ ပုံစာ, ဖိလစ်မင်းသားဟာ ဂရိမင်းသားအင်ဒရူးနဲ့ ဘက်တင်ဘတ်မင်းသမီး အဲလစ်တို့ရဲ့ တစ်ဦးတည်းသော သားဖြစ်ပါတယ်။

မင်းသားလေးဖိလစ် (ဝဲမှဒုတိယ) — ဓာတ်ပုံ ပုံစာ, ဖိလစ်မင်းသားလေးဟာ ပြင်သစ်က St Cloud မှာရှိတဲ့ MacJannet အမေရိကန်ကျောင်းမှာ ပညာစသင်ခဲ့ပါတယ်။ အသက် ၇ နှစ်မှာတော့ သူ့ရဲ့ ဆွေမျိုးတွေဖြစ်တဲ့ မောင့်ဘက်တန်မိသားစုရှိရာ အင်္ဂလန်မှာသွားနေပြီး ဆာရေးမှာကျောင်းဆက်တက်ခဲ့ပါတယ်။

ဂေါ်ဒန်စတန်ကျောင်းရောက် အသက် ၁၆ နှစ်အရွယ်ဖိလစ် — ဓာတ်ပုံ ပုံစာ, နောက်တော့သူဟာ ပညာရေးစနစ် ဆန်းသစ်တည်ထွင်သူ ကာ့တ်ဟန်း စကော့တလန်မြောက်ပိုင်းမှာ တည်ထောင်ထားတဲ့ ဂေါ်ဒန်စတန်ဘော်ဒါကျောင်းမှာ တက်ရောက်ပညာသင်ခဲ့ပါတယ်။

1px transparent line

တော်ဝင်ရေတပ်မတော်က ဖိလစ် — ဓာတ်ပုံ ပုံစာ, ဒုတိယကမ္ဘာစစ်အတွင်းမှာတော့ ဖိလစ်မင်းသားဟာ စစ်ရေယာဉ် HMS Valiant မှာ သင်္ဘောသားအဖြစ် လိုက်ပါအမှုထမ်းရင်း စစ်ကိုကြုံတွေ့ခဲ့ပါတယ်။ ၁၉၄၁ ခုနှစ်မှာ အီတလီစစ်ရေယာဉ်အုပ်စုတစ်စု ဂရိကမ်းလွန်မှာ ပိတ်မိနေတုန်း ဖိလစ်က ရန်သူသင်္ဘောကို မီးမောင်းတွေနဲ့ထိုးပြီးပြထားနိုင်ခဲ့တဲ့အတွက် စစ်အတွင်းမှတ်တမ်းတွေမှာ ဖော်ပြခြင်းခံခဲ့ရပါတယ်။

1px transparent line

အဲလိဇဘက်မင်းသမီးနဲ့ စေ့စပ်ပွဲ — ဓာတ်ပုံ ပုံစာ, အဲလိဇဘက်မင်းသမီးနဲ့ ရေတပ်ဗိုလ်လေး ဖိလစ်မင်းသားတို့ စေ့စပ်ကြောင်းလမ်းခဲ့တာကတော့ ၁၉၄၇ ခုနှစ်ဇူလိုင်လမှာပါ။

1px transparent line

၁၉၄၇ နိုဝင်ဘာ ၂၀ ရက်နေ့မှာ လက်ထပ်ခဲ့ကြ — ဓာတ်ပုံ ပုံစာ, အဲဒီနှစ် နိုဝင်ဘာလမှာပဲ သူတို့ လက်ထပ်ခဲ့ကြပါတယ်။

ကင်ညာနိုင်ငံရောက်နေကြတဲ့ တော်ဝင်ဇနီးမောင်နှံ — ဓာတ်ပုံ ပုံစာ, ဖိလစ်မင်းသားနဲ့ အဲလိဇဘက်မင်းသမီးတို့ ကင်ညာနိုင်ငံမှာရောက်နေတုန်းမှာပဲ မင်းသမီးရဲ့ ခမည်းတော်ဘုရင်ကြီးနတ်ရွာစံလို့ အဲလိဇဘက် ဘုရင်မဖြစ်သွားပြီဆိုတဲ့ သတင်းကိုသိလိုက်ကြရတာပါ။

1px transparent line

ပိုလိုပြိုင်ပွဲက မင်းသားဖိလစ် — ဓာတ်ပုံ ပုံစာ, ဖိလစ်မင်းသားဟာ အားကစားဘက်မှာ ဝါသနာထုံသူ ထူးချွန်သူဖြစ်ပြီး ပိုလိုကစားနည်းမှာ ထိပ်တန်းအားကစားသမားတစ်ယောက်ဖြစ်ပါတယ်။

ခရစ်ကက်ကစားသမား မင်းသားဖိလစ် — ဓာတ်ပုံ ပုံစာ, မင်းသားကြီးဟာ ခရစ်ကက်ကစားခြင်းကို ဝါသနာထုံသူလည်းဖြစ်ပါတယ်။

တပ်ဂျ်မဟာရောက် ဖိလစ်မင်းသားနဲ့ အဲလိဇဘက်ဘုရင်မ — ဓာတ်ပုံ ပုံစာ, ၁၉၆၁ ခုနှစ်မှာတော့ ဖိလစ်မင်းသားဟာ ဇနီးသည်ဘုရင်မကြီးနဲ့အတူ အိန္ဒိယကို ခြောက်ပတ်ကြာခရီးထွက်ခဲ့ပါတယ်။

1px transparent line

သားသမီးလေးဦးနဲအတူ တွေ့ရတဲ့ ဘုရင်မကြီးနဲ့ ဖိလစ်မင်းသားကြီး — ဓာတ်ပုံ ပုံစာ, ၁၉၆၀ ပြည့်လွန်နှစ်တွေမှာ သားသမီးလေးဦးနဲအတူ တွေ့ရတဲ့ ဘုရင်မကြီးနဲ့ ဖိလစ်မင်းသားကြီး၊ (ဝဲမှယာ) အက်ဒွပ်၊ အင်ဒရူး၊ အဲန်း၊ ချားလ်စ်

ငွေရတုမင်္ဂလာမောင်နှံ — ဓာတ်ပုံ ပုံစာ, မင်္ဂလာငွေရတုကို သူတို့ပိုင် ဘယ်လမိုရယ်ခြံကြီးထဲက လယ်ယာတောထဲမှာ ကျင်းပခဲ့တဲ့ ဘုရင်မကြီးတို့ဇနီးမောင်နှံ

ဘုရင်မကြီးရဲ့ နန်းစံသက်ငွေရတုပွဲအထိမ်းအမှတ်အဖြစ်နယူးဇီလန်မှရောက်နေကြစဉ် — ဓာတ်ပုံ ပုံစာ, ဘုရင်မကြီးရဲ့ နန်းစံသက်ငွေရတုပွဲအထိမ်းအမှတ်အဖြစ် လှည့်လည်သွားခဲ့တဲ့ခရီးစဉ်အတွင်း နယူးဇီလန် မြောက်ကျွန်းမှာကျင်းပခဲ့တဲ့ ပွဲတော်မှာ မော်ရီရိုးရာဝတ်စုံတွေနဲ့ တွေ့ရတဲ့ ဖိလစ်မင်းသားကြီးနဲ့ ဘုရင်မကြီး

တော်ဝင်ရွက်သင်္ဘော ဘရစ်တားနီးယားပေါ်မှာ — ဓာတ်ပုံ ပုံစာ, တော်ဝင်ရွက်သင်္ဘော ဘရစ်တားနီးယားပေါ်ကနေ ကောင်းကင်မှာ ဖြတ်ပျံသွားတဲ့ ကွန်းကာ့လေယာဉ်ကို လက်ပြနေတဲ့ ဇနီးမောင်နှံ

လော့ဒ်မောင့်ဘက်တန်ရဲ့ စျာပနအခမ်းအနားမှာတွေ့ရတဲ့ ဘုရင်မကြီးနဲ့ မြို့စားကြီး — ဓာတ်ပုံ ပုံစာ, ၁၉၇၉ခုနှစ်မှာ ဘုရင်မကြီးရဲ့ အစ်ကိုဝမ်းကွဲ လော့ဒ်လူဝီမောင့်ဘက်တန်ဟာ အိုင်ယာလန်က သူ့ရေယာဉ်ပေါ်မှာပဲ IRA အဖွဲ့ရဲ့ ဗုံးခွဲတိုက်ခိုက်ခံရလို့ သေဆုံးခဲ့ပါတယ်။ အဲဒီအချိန်က ပြင်သစ်မြောက်ပိုင်း နော်မန်ဒီမှာ ကားပြိုင်ပွဲသွားနေတဲ့ အီဒင်ဘာရာမြို့စားကြီးက ဒီသတင်းကြားတဲ့အတွက် ယူကေကို ပြန်လာခဲ့ပါတယ်။

၁၉၈၃ ခုနှစ်က အိန္ဒိယက သဘာဝတောတစ်ခုထဲမှာတွေ့ရတဲ့ အီဒင်ဘာရာမြို့စားကြီး — ဓာတ်ပုံ ပုံစာ, သဘာဝပတ်ဝန်းကျင်ထိန်းသိမ်းရေးကို မြို့စားကြီးဟာအထူးစိတ်ဝင်စားခဲ့သူ ဖြစ်ပါတယ်။ ဒါကြောင့်ပဲ အဲဒီတုန်းက ကမ္ဘာ့တောရိုင်းတိရစ္ဆာန်များ စောင့်ရှောက်ရေးရန်ပုံငွေအဖွဲ့ (WWF) ရဲ့ အပြည်ပြည်ဆိုင်ရာ နာယကကြီးဖြစ်လာခဲ့ပါတယ်။

၁၉၈၅ ခုက သားသမီးမြေးတွေစုံညီစွာနဲ့ ဘက်ကင်ဟမ်နန်းတော် လေသာဆောင်မှာ — ဓာတ်ပုံ ပုံစာ, ၁၉၈၅ ခုနှစ်မှာ လေယာဉ်တွေပျံသန်း ဂုဏ်ပြုမှုကို ခံယူတဲ့ အခမ်းအနားမှာ သားသမီးမြေးတွေစုံညီစွာနဲ့ ဘက်ကင်ဟမ်နန်းတော် လေသာဆောင်မှာတွေ့ရတဲ့ အီဒင်ဘာရာမြို့စားကြီး၊ ဓာတ်ပုံထဲမှာ မင်းသားဝီလျံနဲ့ ဟယ်ရီတို့ကိုလည်းတွေ့နိုင်ပါတယ်။

ဗြိတိန်ကိုရောက်လာတဲ့ တောင်အာဖရိကသမ္မတနယ်လဆင်မန်ဒဲလားနဲ့ အတူ — ဓာတ်ပုံ ပုံစာ, ၁၉၉၆ ခုနှစ်က ဗြိတိန်ကို သမ္မတအဖြစ်ပထမဆုံးရောက်လာတဲ့ တောင်အာဖရိကခေါင်းဆောင် နယ်လဆင်မန်ဒဲလားကို ဂုဏ်ပြုတပ်ဖွဲ့ဆီ ကြိုဆိုခေါ်ဆောင်လာတဲ့ အီဒင်ဘာရာမြို့စားကြီး

လန်ဒန်မြို့လယ် ကင်စတန်အရပ်ကစျေးတန်းတစ်ခုကို ရောက်လာကြစဉ် — ဓာတ်ပုံ ပုံစာ, ၂၀၀၂ ခုနှစ်မှာ ဘုရင်မကြီးရဲ့ နန်းသက်ရွှေရတုကို ကျင်းပတုန်းက အတူတွေ့ခဲ့ရတဲ့ပုံ၊ ဖိလစ်မင်းသားကြီးဟာ ဘုရင်မကြီး နံဘေးမှာ အစဉ်တစိုက်လိုက်ပါပြီး ကူညီပံ့ပိုးပေးသွားခဲ့သူ ဖြစ်ပါတယ်။

၂၀၁၀မှာ မြို့စားကြီးရဲ့ ရွှေဆုရသူလူငယ်တွေနဲ့ ရင်းရင်းနှီးနှီး — ဓာတ်ပုံ ပုံစာ, မင်းသားကြီးဟာ လူငယ်တွေရဲ့ အစွမ်းအစတွေကို မြှင့်တင်ပေးဖို့ဆိုပြီး အီဒင်ဘာရာမြို့စားကြီးဆုကို ၁၉၅၆ခုနှစ်မှာ ထူထောင်ခဲ့ပါတယ်။ ဒါကတော့ ၂၀၁၀မှာ မြို့စားကြီးရဲ့ ရွှေဆုရသူလူငယ်တွေနဲ့ ရင်းနှီးနောက်ပြောင်ပြောဆိုနေတဲ့ပုံပါ။

၂၀၀၅ ခုနှစ်က ဆင်ဒရင်ဂမ်မှာလုပ်တဲ့ မြင်းလှည်းမောင်းပြိုင်ပွဲဝင်ပြိုင်နေတဲ့ ပုံ — ဓာတ်ပုံ ပုံစာ, မြို့စားကြီးဟာ အသက်ရလာချိန်မှာတောင် အားကစားပွဲတွေမှာ ဝင်ပြိုင်နေတုန်းပါ၊ ဒါကတော့ ၂၀၀၅ ခုနှစ်က ဆင်ဒရင်ဂမ်မှာလုပ်တဲ့ မြင်းလှည်းမောင်းပြိုင်ပွဲဝင်ပြိုင်နေတဲ့ ပုံပါ။

၂၀၁၁ က ဝီလျံနဲ့ ကိတ်တို့ရဲ့ မင်္ဂလာပွဲ — ဓာတ်ပုံ ပုံစာ, ၂၀၁၁ ခုနှစ်က ဖိလစ်မင်းသားကြီးရဲ့ မြေးတော် မင်းသားဝီလျံနဲ့ ကက်သရင်းမစ်ဒယ်တန်တို့ရဲ့ မင်္ဂလာပွဲကျင်းပခဲ့တာမှ ဘက်ကင်ဟမ်နန်းတော်ဆီကို လူသောင်းချီလာရောက်စုဝေး ကောင်းချီးပေးခဲ့ကြပါတယ်။

ဘုရင်မကြီးရဲ့ စိန်ရတုအခမ်းအနားပွဲမှာ တော်ဝင်ဖောင်တော်ပေါ်မှာတွေ့ရတဲ့ မြို့စားကြီးဖိလစ်၊ — ဓာတ်ပုံ ပုံစာ, ၂၀၁၂ ဇွန်လ ၃ ရက်နေ့က ဘုရင်မကြီးရဲ့ စိန်ရတုအခမ်းအနားပွဲမှာ တော်ဝင်ဖောင်တော်ပေါ်မှာတွေ့ရတဲ့ မြို့စားကြီးဖိလစ်၊ အဲဒီနေ့က မိုးတွေရွာချလို့ ဖောင်ပေါ်လည်း ရွှဲစိုနေခဲ့ပါတယ်။ သိမ်းမြစ်တလျှောက် လှေပေါင်းတစ်ထောင်ကျော် ခြံရံပြီးသွားခဲ့တဲ့ မိနစ် ၈၀ ကျော်ခရီးမှာ အချိန်အများစုကို ဘုရင်မကြီးရော မင်းသားကြီးပါ မတ်တပ်ရပ်ပြီး လိုက်လာခဲ့ကြပါတယ်။ ဒါပေမဲ့ နောက်တစ်နေ့ ဇွန်လ ၄ ရက်နေ့မှာတော့ ဖျော်ဖြေပွဲအခမ်းအနားကို မင်းသားကြီးမတက်ရောက်နိုင်တော့ပါဘူး၊ ဆီးအိမ်ယောင်လို့ ဆေးရုံတင်လိုက်ရပါတယ်။

သမီးတော် အဲန်းမင်းသမီးနဲ့အတူ အိုလံပစ် မြင်းစီးပြိုင်ပွဲကြည့် — ဓာတ်ပုံ ပုံစာ, နေပြန်ကောင်းလာချိန်မှာတော့ မြို့စားကြီးဟာ သမီးတော်အဲန်းမင်းသမီးနဲ့အတူ ၂၀၁၂ လန်ဒန်အိုလံပစ်ပြိုင်ပွဲက မြင်းစီးပြိုင်ပွဲကို သွားကြည့်အားပေးခဲ့ပါတယ်။ ပြိုင်ပွဲဝင် ဗြိတိန်လက်ရွေးစင်အသင်းမှာ သူ့မြေးတော် ဇာရာဖိလစ်လည်း ဝင်ပြိုင်နေလို့ဖြစ်ပါတယ်။

1px transparent line

ဘုရင်မကြီးရဲ့ နန်းတက်နှစ် အနှစ်၆၀ပြည့်တဲ့ အခမ်းအနားကို တက်ရောက်စဉ် — ဓာတ်ပုံ ပုံစာ, ၂၀၁၃ ဇွန်လမှာတော့ ဘုရင်မကြီးရဲ့ နန်းတက်နှစ် အနှစ် ၆၀ ပြည့်တဲ့ အခမ်းအနားကို ဝက်စမင်စတာဘုရားကျောင်းကြီးမှာ ကျင်းပခဲ့တာမှာ ဇနီးသည်ဘုရင်မကြီးနဲ့အတူတက်ခဲ့တဲ့ အီဒင်ဘာရာမြို့စားကြီး

၂၀၁၇ မှာ တိရစ္ဆာန်ရုံဆင်စခန်းတစ်ခုကို ဖွင့်ပေးနေပုံ — ဓာတ်ပုံ ပုံစာ, ၂၀၁၇ ဧပြီလမှာ ဘုရင်မကြီးနဲ့ မြို့စားကြီးတို့ဟာ ဘက်ဖို့ရှိုင်းယားက ဝှစ်ပ်စနိတ်တိရစ္ဆာန်ရုံမှာ ဆင်စောင့်ရှောက်ရေးစခန်းတစ်ခုကို ဖွင့်လှစ်ပေးခဲ့ပါတယ်။ မေလမှာတော့ သက်တော် ၉၅နှစ်ရှိလာပြီဖြစ်တဲ့ မြို့စားကြီးက သူအပြင်ထွက်လူထုနဲ့တွေ့ရတဲ့ လုပ်ငန်းတာဝန်တွေက အနားယူတော့မယ်လို့ ကြေညာပါတယ်။ ဘုရင်မကြီးကလည်း ဒါကို သဘောတူခဲ့ပါတယ်။

မန်ချက်စတာဗုံးခွဲမှုမှာ သေဆုံးခဲ့ရသူတွေအတွက် တစ်မိနစ်ငြိမ် ဆုတောင်းမေတ္တာပို့ — ဓာတ်ပုံ ပုံစာ, မန်ချက်စတာမြို့မှာ ပြုလုပ်ခဲ့တဲ့ အဆိုတော် အာရီယာနာဂရန်ဒေးရဲ့ ဖျော်ဖြေပွဲမှာ ဗုံးခွဲတိုက်ခိုက်ခံရလို့ သေဆုံးခဲ့ရသူတွေအတွက် ၂၀၁၇ မေလ ၂၃ ရက်နေမှာ ဘက်ကင်ဟမ်နန်းတော်ထဲမှာ ကျင်းပတဲ့ အမှတ်တရပွဲအစမှာ ဘုရင်မကြီးနဲ့အတူ မြို့စားကြီးက တစ်မိနစ်ကြာငြိမ်သက် ဆုတောင်းပေးခဲ့ပါတယ်။

သက်တမ်းအရှည်ဆုံးတော်ဝင်ကြင်ရာတော်တစ်ဦးအဖြစ် သမိုင်းမှတ်တမ်းဝင်သွားခဲ့ပါပြီ။ — ဓာတ်ပုံ ပုံစာ, အီဒင်ဘာရာမြို့စား မင်းသားကြီးဖိလစ်ဟာ ဗြိတိသျှသမိုင်းမှာ သက်တမ်းအရှည်ဆုံးတော်ဝင်ကြင်ရာတော်တစ်ဦးအဖြစ် သမိုင်းမှတ်တမ်းဝင်သွားခဲ့ပါပြီ။

ဓာတ်ပုံများအားလုံးမှာ မူပိုင်ခွင့်ရှိပါသည်။

ထိပ်တန်း သတင်းများ

ဆောင်းပါး