ኢትዮጵያ

ፖለቲካ

ሴቶች

ጤና

ስፖርት

ጥበብ

ቴክኖሎጂ

ምጣኔ ሃብት

ዜና

ቪዲዮ

ይመልከቱ

Radio

ያድምጡ

ሰለሞን ተዘራ ይባላል። ነዋሪነቱ በአዲስ አበባ ሲሆን የላዳ ታክሲ ሹፌር ነው። ከሥራው ጎን ለጎን ጎዳና ላይ የሚያገኛቸው የአዕምሮ ሕሙማንን እና አረጋዊያንን በማጠብ እና ልብስ ለምኖ በመስጠት የበጎ ፈቃድ ሥራ ይሰራል።

የላዳ ታክሲ ሹፌሩ በጎ ተግባር

የአዲስ አበባ ከተማ አስተዳደር በህገ-ወጥ መንገድ የተያዙና ዝግ ሆነው የተቀመጡ ናቸው ያላቸውን 21 ሺህ 695 የጋራ መኖሪያ ቤቶችን በ1997 ዓ.ም ተመዝጋቢዎች ለሆኑና በቋሚነት እየቆጠቡ ላሉ በእጣ እንዲተላለፍ መወሰኑን አስታውቋል።

በሕገወጥ የተያዙ የጋራ መኖሪያ ቤቶች ለ1997 ዓ.ም ተመዝጋቢዎች በእጣ ይተላለፋሉ ተባለ

የአዲስ አበባ ምክትል ከንቲባ ወይዘሮ አዳነች አቤቤ ዛሬ በሰጡት መግለጫ በከተማዋ በሪል ስቴት አልሚዎች፣ በግለሰቦች፣ በሀይማኖት ተቋማትና በቡድን በመደራጀት የመሬት ወረራ ተፈፅሟል ብለዋል።

በአዲስ አበባ ከ21 ሺህ በላይ የጋራ መኖሪያ ቤቶች በሕገ-ወጥ መንገድ ተይዘው ተገኙ

ኦፌኮና ባልደራስ ለእውነተኛ ዲሞክራሲ ፓርቲ 50 ሚሊዮን የሚደርሱ መራጮች ይሳተፋሉ ተብሎ በሚጠበቅበት ቀጣዩ ምርጫ ለመሳተፍ የፓርቲ አመራሮች መታሰር እና የአገሪቱ ተጨባጭ ሁኔታ ለምርጫ የምናደርገውን ዝግጅት አስቸጋሪ ያደርገዋል ሲሉ ለቢቢሲ ተናግረዋል።

ኦፌኮ እና ባልደራስ በመጪው ምርጫ የመሳተፋቸው ነገር እንደሚያሳስባቸው ገለጹ

በርሜል ሙሉ ገንዘብ ተከማችቶ ተገኘ በሚል በተለያዩ መገናኛ ዘዴዎች እየተላለፈ ያለው መረጃ የተሳሳተ መሆኑን ኮሚሽኑ አስታዉቋል፡፡

'በርሜል ሙሉ ገንዘብ ተገኘ የተባለው ሐሰት ነው' - አ/አ ፖሊስ

አዲስ አበባ መስቀል አደባባይ የነበረውን ደመራ አከባበር ምን እንደሚመስል የሚያሳዩ ምስሎችን አቅርበንላችኋል።

የደመራ በዓል አከባበር ምን ይመስል ነበር?

የኢትዮጵያ ኦርቶዶክስ ተዋህዶ ቤተክርስትያን አማንያን ቅዳሜ፣ መስከረም 16 2013፣ የደመራ በዓልን በተለያዩ የአገሪቱ ክፍሎች በደማቅ ሁኔታ ያከብሩታል። በዓሉ በድምቀት ከሚከበርባቸው ስፍራዎች ደግሞ አዲስ አበባ የሚገኘው መስቀል አደባባይ አንዱ ነው። በ2013 የበዓሉ አከባበር ላይ ተጽዕኖ ከፈጠሩ ነገሮች መካከል የኮቪድ-19 ወረርሽኝና በመስቀል አደባባይ የሚካሄደው ግንባታ ይጠቀሳሉ። ቢቢሲ በጉዳዩ ላይ የቤተክርስትያኒቱ የመስቀል ደመራ በዓል አከባበር ዐብይ ኮሚቴ አባልን አነጋግሯል።

የመስቀል ደመራ በዓል ሙሉ እሴቱና ሥርዓቱ ሳይጓደል ይከበራል- ቤተክርስቲያኒቱ

በዛሬው እለት የፌደራሉ ከፍተኛ ፍርድ ቤት ልደታ ምድብ ችሎት አቶ እስክንድር ነጋ እንዲሁም አራት ተጨማሪ ሰዎች ፍርድ ቤት መቅረባቸውን ጠበቃቸው አቶ ሔኖክ አክሊሉ ለቢቢሲ ገልፀዋል።

አቶ እስክንድር 'ዓመታትን ወደታሰሩበት የእስር ክፍል ተመልሰው ገቡ'

ከእርሻ መሬታቸው በልማት ምክንያት ከተፈናቀሉ አርሶ አደሮች መካከል እስካሁን መኖሪያ ቤት እንዳላገኙ የሚናገሩ መኖራቸውን ተከትሎ የአዲስ አበባ መስተዳደር ቤቶች ልማት እና አስተዳደር ቢሮ ለአብዛኞቹ ቤቶቹን ማስተላለፉን አመልክቶ፤ የቀሩትም አስፈላጊው ማጣራትና ዝግጅት ሲጠናቀቅ ቤቶቹን እንደሚረከቡ ቢሮው ገልጿል።

ቤቶች ልማት ለተፈናቃይ አርሶ አደሮች የጋራ መኖሪያ ቤት እያስተላለፍኩ ነው አለ

በኢትዮጵያ የኮሮናቫይረስ ወረርሽን መከሰቱ ከታወቀበት መጋቢት 4/2012 ጀምሮ የቫይረሱ ስርጭት መጠን እየጨመረ መጥቷል። እንደ አዲስ አበባ ባሉ እና ከፍተኛ ህዝብ እንቅስቃሴ በሚደረግባቸው ስፍራዎች ከዕለት በዕለት በፍጥነት እየተስፋፋ እና በስፋት እየተሰራጨ መሆኑን በየዕለቱ ከጤና ሚኒስቴርና ከኅብረተሰብ ጤና ኢንስቲትዩት የሚሰጡ መግለጫዎች ያሳያሉ። ባለፉት ስድስት ወራት በመላ አገሪቱ ወረርሽኙን ለመከላከል የተሰሩ ስራዎች ምን ውጤት አስገኙ? ወደፊትስ ምን መደረግ አለበት? የሚለውን የኀብረተሰብ ጤና ባለሙያዎችን አነጋግረናል።

ኢትዮጵያ በኮቪድ-19 መከላከል ባለፉት ስድስት ወራትና ወደፊት የሚጠብቋት ሥራዎች

የድምጻዊ ሃጫሉ ሁንዴሳ ግድያ ዓመቱ ሊጠናቀቅ ሁለት ወራት ሲቀሩ የተከሰተ ቢሆንም ከቤተሰቦቹ ጀምሮ በሌሎች በርካ ግለሰቦች ህይወት ላይ ካስከተለው ከባድ ሐዘን በተጨማሪ በአገሪቱ የፖለቲካ መድረክ ላይ የፈጠረው ተጽዕኖ ጉልህ የሚባል ነው። ቢቢሲም ይህንን ጉልህ የዓመቱ አስደንጋጭ ክስተትን ሲዘክር ስለወጣቱ ድምጻዊ ሃጫሉ ብዙም ያልተነገሩ ጥቂት ነገሮችን ለመቃኘት ሞክሯል።

2012፡ ለብዙሃኑ ድምጻዊ ለሌሎች ደግሞ 'ዐይን' የነበረው ሃጫሉ

በ2012 ዓ.ም የኢትዮጵያዊያንን ፖለቲካዊ፣ ኢኮኖሚያዊና ማኅበራዊ ሕይወት በበጎም ሆነ በአሉታዊ ሁኔታ የሚነኩ ነገሮች ተከስተዋል። ከእነዚህ ክስተቶች የትኞቹ ጉልህና ወሳኝ ናቸው የሚለውን ለመለየት እንደምንጠቀምበት መመዘኛ የተለያየ ቢሆንም ቢቢሲ በተለይ በለውጥ ሂደት ላይ በምትገኘው ኢትዮጵያ ፖለቲካ ውስጥ ያላቸው አንድምታ ከፍ ያለ ነው ያላቸውን ጥቂት ክስተቶችን መርጦ ቃኝቷል።

2012፡ የኢህአዴግ መክሰም፣ የተማሪዎች እገታ፣ የምርጫ መራዘም፣ ግድያና እስር

"ለ15 ዓመታት ኮንዶሚኒየም እየጠበቅኩ ሁለት ልጆች ወልጃለሁ" ይህ የተሰማው ስሜ አይጠቀስ ካሉ አንድ የአዲስ አበባ ነዋሪ ነው። ቤት የመኖር ተስፋቸውን ሰንቀው የጋራ መኖሪያ ቤት ዕጣ ይደርሰኛል ብለው የተመዘገቡት በ1997 ዓ.ም ነበር። ለአስራ አምስት አመታትም ያህል ቤት ይደርሰኛል ብለው ጠብቀዋል። ከእርሳቸው የሚጠበቅባቸውን በየወሩ ምንም ሳያዛንፉ ከመቆጠባቸውም አንፃር ለምን አልደረሰኝም ብለው ሲያስቡም የሚሰጡት ምክንያት "ዕጣው ፍትሃዊ ስላልሆነ ነው" የሚል ነው።

"ለ15 ዓመታት ኮንዶሚኒየም እየጠበቅኩ ሁለት ልጆች ወልጃለሁ" የአዲስ አበባ ነዋሪ

የኢትዮጵያ ዜጎች ለማኅበራዊ ፍትህ (ኢዜማ) በአዲስ አበባ ከተማ ከቅርብ ጊዜ ወዲህ በተለያዩ ክፍለ ከተሞች እየተባባሰ የመጣ የመንግሥታዊ መዋቅሮች ድጋፍ ያለው ሕገወጥ የመሬት ወረራ እና የጋራ መኖሪያ ቤቶች ኢፍትሃዊ ዕደላ እንዳለ ባካሄድኩት ጥናት ደርሼበታለሁ ሲል ማስታወቁ ይታወሳል። የከተማዋ የቀድሞ ምክትል ከንቲባ በበኩላቸው ምንም የተካሄደ ህገወጥ ተግባር የለም ሲሉ በፌስ ቡክ ገጻቸው ላይ መልዕክታቸውን አስፍረዋል።

በአዲስ አበባ ሕገወጥ የመሬት ወረራ የወጣው ሪፖርት "ሃሰተኛ" ነው- የቀድሞው ምክትል ከንቲባ

ዓለም አቀፉን የኮሮናቫይረስ ወረርሽኝ ተከትሎ ባይራዘም ኖሮ ባለፈው ቅዳሜ ኢትዮጵያ ውስጥ የምርጫ ቀን ይሆን ነበር። አንዳንዶች ምርጫው በተራዘመበት ሒደት ላይ ጥያቄ የሚያነሱ ሲሆን፣ ከናካቴው ምርጫው በመራዘሙ ውሳኔ ላይ አልስማማም ያለ የሚመስለው የትግራይ ክልል የራሱን ክልላዊ ምርጫ ለማካሄድ ደፋ ቀና ላይ ነው።

ኮቪድ-19 ያሰናከለው ምርጫና ያልተረጋጋው የኢትዮጵያ የፖለቲካ

ድምጻዊ ሃጫሉ ሁንዴሳ በሰው እጅ መገደሉ ከተሰማ ጊዜ ጀምሮ የተለያዩ ነገሮች ተከስተዋል። ግድያውን ተከትሎ በነበረ አለመረጋጋት የተነሳ ኢንተርኔት በመላ አገሪቱ ለ23 ቀናት ያህል ተቋርጧል። ከ7000 በላይ ሰዎች ታስረዋል። ከአንድ ሺህ በላይ መኖሪያና ንግድ ቤቶች በእሳት ወድመዋል። ከ167 በላይ ሰዎች ደግሞ ሞተዋል። የሃጫሉን ህልፈት እና ተከትሎ የተከሰቱትን አበይት ጉዳዩች መለስ ብለን ቃኝተናል።

የሃጫሉ ሁንዴሳ ግድያ፡ ከሰኞ ሰኔ 22/2012 እስከ ዛሬ ድረስ

ለቢቢሲ የጋዜጠኛ ጉዮ ዋርዮን በቁጥጥር ስር መዋል የተናገሩት አንድ የቤተሰቡ አባል እንዳሉት ከሆነ፤ በአሁኑ ሰዓት የሚገኘው ግሎባል ሆቴል አካባቢ ባለው የኦሮሚያ ልዩ ኃይል ቢሮ መሆኑን አረጋግጠዋል። የጸጥታ ኃይሎቹ በመሳሪያ ስላስፈሯሯቸው ተከትለው መሄድ እንዳልቻሉ ገልፀዋል።

የኦሮሚያ ሚዲያ ኔትዎርክ ጋዜጠኛ ጉዮ ዋሪዮ በቁጥጥር ሥር ዋለ

የአቶ ጃዋር ጠበቆች አቤቱታና የዕለቱ የችሎት ውሎ

ፍርድ ቤት ለፖሊስ በአቶ እስክንድር ላይ ተጨማሪ የምርመራ ጊዜ ሰጠ

የዛሬ ሁለት ሳምንት ሰኔ 22/2012 ዓ.ም ምሽት ሃጫሉ ሁንዴሳ በጥይት ተመትቶ መገደሉ ይታወሳል። ከግድያው በኋላ ፖሊስ ተጠርጣሪዎችን መያዙን አስታውቆ በተከታታይ ቀናትም ተጨማሪ ከወንጀሉ ጋር በተገናኘ በቁጥጥር ስር የዋሉ ሰዎች ነበሩ። ይህንንም ተከትሎ በተለይ በግድያው ውስጥ ቀጥተኛ ተሳትፎ አላቸው የተባሉ ተጠርጣሪዎችን በተመለከተ ፌደራል ጠቅላይ ዐቃቤ ሕግ በተለይ ባለፈው ሳምንት ተከታታይ መረጃዎች ሰትቷል።

ከሃጫሉ ግድያ ጋር ተያይዞ ዐቃቤ ሕግ እስካሁን ምን አለ?

ድምጻዊ ሃጫሉ ሁንዴሳን ግድያ ውስጥ እጃቸው አለበት ተብለው የተጠረጠሩ ሦስት ሰዎች መለያታቸውንና ሁለቱ በቁጥጥር ስር እንደዋሉ የፌደራል ጠቅላይ ዐቃቤ ሕግ ይፋ አደረገ። የአገሪቱ ጠቅላይ አቃቤ ዐቃቤ ሕግ ወይዘሮ አዳነች አቤቤ በአገር ውስጥ ቴሌቪዥኖች ላይ በድንገት ቀርበው እንዳስታወቁት በግድያው ላይ በቀጥታ እጃቸው አለበት ያሏቸውን የሦስት ሰዎች ማንነትና ከግድያ ጀርባ አለ የተባለውን ቡድንም ገልጸዋል።

በሃጫሉ ሁንዴሳ ግድያ በቀጥታ ተሳትፈዋል የተባሉ ግለሰቦችና ቡድን ይፋ ተደረጉ

ከድምጻዊ ሃጫሉ ሁንዴሳ ግድያ በኋላ በተፈጠረ ግርግር ፖለቲከኞች ጋዜጠኞችና የተለየዩ ከተማ ነዋሪዎች በቁጥጥር ስር ውለዋል። በአዲስ አበባ በደረሱ ጥቃቶች ሁለት ፖሊሶችን ጨምሮ ቢያንስ አስር ሰዎች ህይወታቸው መጥፋቱ የተገለጸ ሲሆን በተመሳሳይ በተለያዩ የኦሮሚያ ክልል ከተሞች ውስጥም 11 የጸጥታ ኃይሎችን ጨምሮ 156 ሰዎች ሞተዋል።

የሃጫሉ ሁንዴሳ ግድያና ያለፈው ሳምንት ክስተት

ከታሰሩ ፖለቲከኞች ውስጥ ‘የተደበደበ’ እና ‘በረሃብ አድማ’ ላይ ያሉ መኖራቸው ተነገረ

የሃጫሉ ሁንዴሳን መገደል ተከትሎ በአዲስ አበባና በኦሮሚያ አንዳንድ ከተሞች በተቀሰቀሰ አለመረጋጋት በርካቶች ሲቆስሉ ከሰማንያ በላይ ሰዎች ደግሞ ህይወታቸውን ማጣታቸውን የመንግሥት ኃላፊዎች ተናግረዋል። በከተሞቹ የተቀሰቀሱትን አለመረጋጋቶች ተከትሎ ኢንተርኔት የተቋረጠ ሲሆን የስልክ አገልግሎትም አስቸጋሪ መሆኑ ይነገራል። የጠቅላይ ሚኒስትር አብይ ጽህፈት ቤት ቃል አቀባይ በሚቀጥለው ሳምንት ኢንተርኔት ሊለቀቅ እንደሚችል ተስፋ አድረገዋል።